大越越南餐廳

营业中

休息中

呢間都開左好幾年，已經光顧好多次，生牛肉河粉～牛肉靚、嫩滑、湯底香濃夠味，豬頸肉炸得有少少過火有D乾、今次咸魚茸炒菜超級咸，咸到食唔到，自問自己都算食得咸🥹要加油🫶🏻

沙田圍站一出，好似冇乜嘢食，但原來行過少少去到花園城，就有餐廳呀。今次就食一間越南菜，選擇都好多。軟殼蟹米紙卷，$62一份有四件，賣相唔錯，入邊包住生菜、檬粉同埋脆卜卜嘅軟殼蟹，點上酸辣嘅醬汁，非常開胃。三寶咖喱飯，$70三寶係邊三寶呢，有豬扒、扎肉、同埋雞翼呀。三樣嘢都好入味，用咖喱汁撈飯，梗係正啦。另外我哋仲加咗份蒜蓉包，點晒所有咖喱汁食。椰菜苗，$38佢嘅椰菜苗比較特別，唔係炒嘅，係烚熟嚟嘅，之後再喺面加馬拉盞醬，我個人就認為炒嘅比較好味啦。嘢飲方便選擇都好多，我就揀咗薄荷青檸梳打，貪佢冇咁肥，朋友就揀咗杯椰汁綠豆冰，佢話好好飲啊。

🍽酥炸牛腩$73賣相正常但好有驚喜酥脆外皮加軟軟嫩嫩的牛腩味道好好🍽️海南雞飯配雞油飯$73海南雞皮爽肉嫩食落啖啖肉啱晒懶人雞油飯應該用上湯、雞油、蔥、乾蔥等製成飯香而不膩配埋醬汁酸酸辣辣好開胃🍽大越生熟牛肉湯粉$65有生牛肉拼牛腩牛肉湯底好鮮味可以唔洗再落其他調味河粉幼滑 唔會一夾就斷牛腩燘煮得好腍🍽鮮椰青$28清甜可口椰肉而且口感極佳🍽椰汁珍多冰$12 (加配價)D粒粒好好咬 又夠椰香整體都唔錯咁多樣加埋先$251仲要免加一

2022年10月12日 星期三今晚專登係沙田圍等老婆收工，之後一齊食飯諗住近近地就入去呢間越南餐廳，之前都曾經食過外賣，味道唔錯，今次就再決定堂食，好彩入去既時候都唔算太多人餐牌上面有好多選擇，全部都係越南菜，花多眼亂，完全唔知點揀好，於是最後決定要二人餐費事煩，而且性價比幾高，有小食又有兩碗粉，仲有時蔬添，都不過係$278等左一陣間，首先黎到既係椒鹽軟殼蟹，軟殼蟹俾滿滿嘅炸蒜包圍住，感覺有少少似避風塘軟殼蟹，整得好惹味，炸蒜用嚟送飯簡直一流，而軟殼蟹炸得好香，唔算太油膩之後就有我點既生牛肉湯河，牛肉既份量都唔少，浸左湯底一陣之後開始慢慢變色，由粉紅色轉成微紅色，生熟程度食落去啱啱好，完全唔韌，加埋青檸汁一齊食味道更加好跟住當然唔少得有越南嘅傳統美食蒜蓉牛油雞翼，外皮同裡面既肉都食到牛油既香味，外皮脆卜卜，又食到嫩滑既雞肉，可惜得4隻真係唔多夠喉再黎有馬拉盞炒通菜，菜好爽口而且炒得唔老，馬拉盞好惹味不過食完都唔覺口渴最後老婆就要左香茅豬扒檬粉，豬扒幾大份，而且煎得幾香口，加上厚身，所以老婆都食唔晒要share少少俾我，另外檬粉好滑溜，個人覺得仲好食過河粉添！！埋單之前我哋仲買多左一個二

好想食好味嘅生牛肉湯河，食過幾間都好多味精，上網搵吓資料搵到一間喺沙田花園城樓下食越南嘢，今日去沙田行街，順路去食下先，我哋一行二人，埋單二百零蚊。 生牛肉湯河：湯底無味精，用藥材同牛骨熬製，好味我連湯都飲埋。牛肉串燒：牛肉大粒，分量十足，醃得好好味。牛肉串燒撈檬粉：開胃醒神這間餐廳性價比非常高，份量好大碟，價錢又平民，沙田圍站行過去都係5分鐘，非常方便，值得再去的餐廳，真心推介湯粉，湯底真係一流，可以連湯都飲埋。

去到食比較有驚喜，因為Menu嘢食種類豐富繁多😍 有好多比較少見嘅越南小食👍🏻例如扎肉蒸粉包。同埋佢價錢都幾抵食🤫咁首先煮食就叫咗🔸$63 咖哩牛腩飯 -份量超級有驚喜🙌🏻牛腩起碼俾咗八舊😂入邊仲要有牛筋😍佢個咖喱汁偏甜口。🔸$73 海南雞飯自雞油飯 -好有驚喜！雞皮下有啫喱膏😍😍 雞件有油光，嫩滑富雞味，雞皮好滑。跟餐特飲加$12。🔸$12 椰汁冰🔸$8 蜂蜜玫瑰柚子茶另外仲叫咗兩款小食🔸$62 炸蝦餅 -炸得好香脆，裏面嘅口感又夠彈牙，再配上泰式辣醬，好惹味！🔸$33扎肉蒸粉包（2件） -第一次食🤣裏面有粉絲、木耳、肉碎等，口感比較豐富。配上酸甜汁食。

大越越南餐廳 | 親民越南餐廳 🔥餐廳係沙田圍港鐵站出閘 行5分鐘已經到達餐廳門口有幅巨型壁畫 一睇就知道係越南餐廳 顏色鮮艷餐牌可以可以單點一個個餸 仲都有唔同既套餐選擇 套餐價錢就相較抵食d 仲要免加一添🔶大越火車頭 ( 二人份量 )有好多牛肉食物 包括: 牛丸、生牛肉、牛筋、牛腩片、牛柏葉湯底有越南既味道 濃濃之餘仲有配菜既香草味 肉既份量好足 兩個人share黎食岩岩好🔶沙爹牛肉串 (3串)上碟時串燒仲係熱辣辣 即叫即燒既串燒表面有微微既焦香 但唔會熱過火 仲有一碟惹味沙爹汁可以點黎食 牛肉大大舊 食落去都有咬口 好滿足🔶軟殼蟹米卷軟殼蟹炸透 口感係脆口之餘入邊係軟身米卷睇落白雪雪 食落已經調好味 有少少魚露成個米卷咬落口就好有層次 脆脆既軟殼蟹表皮 軟軟既軟殼蟹 加埋有少少咬口既米卷 🔶椰汁三色冰一開始好擔心會太甜 但飲落岩岩好甜度 唔會過甜表面仲有椰汁既泡泡 估計有真係用椰子榨汁三色冰份量唔會太多 可以飲到椰汁之外 仲有d甜品食下🍴整體評價：CP值高既越南餐廳 食物質素整體都高口味似係越南食既味道軟殼蟹米卷出色推介指數: ⭐️⭐️⭐️⭐️——————————————————————

🚞沙田圍站，打卡完雞蛋仔名店【潮食】，再來吃越南河~✨餐廳環境整體比較整潔，而且座位算寬鬆，坐得好舒服。員工態度好好，而且食物分量足。✨兩個人點咗一個晚市套餐，加配飲品【荔枝冰沙】一共200HKD。🥤荔枝冰沙，味道正常夠甜，天熱飲一啖真係好降溫。✨扎肉蒸粉包，扎肉味道幾好，不過覺得量有d少。🍲二人分量火車頭，粉的量好多，一定食得飽。不過我當日的湯底好淡，完全體會唔到其他人文章分享的濃郁湯底，而且只有幾條芽菜，完全冇香味。比起在錦麗食嘅越南河，大越哩碗火車頭真的好普通。🥬馬拉盞生菜，d馬拉盞夠鹹但係冇香味，所以食起身會有d苦澀味。✨總結：餐點分量大，價格不貴，但味道只有3.5分。

終於的起心肝去左學車，上完第一堂約左朋友係駕駛學院附近既餐廳食越南菜，見到佢地既Menu價錢親民，而且裝修得好企理，一於坐低試下先~🌟咖喱牛腩湯粉湯底無味精，用藥材同雞殼熬製，特別鮮味，加入香濃既咖喱牛腩，牛腩煮到好腍好入味，河粉吸收哂湯底既精華好好食👍🏻👍🏻🌟烤豬頸肉飯 朋友揀左烤豬頸肉飯，豬頸肉烤到脆邊，食落爽口有嚼勁，份量都幾多，性價比高😚🌟海南雞飯 最近愛上左海南雞飯，見到佢地有得叫即刻叫返碟黎試下先，雞油飯好香，雞肉嫩滑無骨，連皮食就最正🥰🥰🥰🌟三寶飯 三寶飯係指扎肉、雞翼同豬扒，雞翼同豬扒半煎炸夠哂香口，扎肉都好好食😋🌟炸春卷 小食必點炸春卷，夠哂香口，配料都幾多，正😌🌟扎肉蒸粉包 第一次食扎肉蒸粉包，外皮滑溜，厚薄適中，餡料都好豐富，有免治豬肉、木耳、洋蔥等，加埋泰式甜酸汁，口感層次豐富😋😋🌟酸辣鳳爪 朋友點左呢個酸辣鳳爪，味道調得好好，鳳爪醃得好入味，醬汁酸酸辣辣夠開胃💯🌟椰汁珍多冰椰子味道香濃，呢啲天氣飲就最好不過😚🌟凍蜂蜜玫瑰柚子茶朋友叫左杯玫瑰柚子茶，有淡淡既柚子清香，好開胃☺️

平時都鍾意試下唔同嘅嘢😋朋友推薦你一間嘅生牛肉河粉都好唔錯，因為佢哋嘅湯底係自家製，🐔加入藥材同雞殼熬製，冇味精，果然特別鮮味。🐮大越生牛肉湯粉 。牛肉熟度啱啱好，而且湯粉都好好滑，好味到連個湯都飲埋。🥥椰汁珍多冰，勁香椰子味，而且入邊嘅珍多，綠豆粉條清爽，幾解渴。軟殼蟹米紙卷🦀好鍾意米紙卷透薄煙韌嘅口感，入邊包埋香脆嘅軟殼蟹🥢都好唔錯。大越三寶飯🍚個飯嘅配料幾豐富，我最鍾意當中嘅香茅雞翼，醃得好入味，🔥而且香脆，食得非常過癮。沙嗲牛肉串(3 串)🐮牛肉份量都幾多，性價比高。

🌃 食肆為越南餐廳，餐廳鄰近於沙田圍港鐵站，餐廳門面有一幅以越南漁村村民為題的巨型壁畫， 由@nikitong.art 設計， 非常吸睛， 而餐廳內裏以木色為主調， 空間感很大， 枱與枱之間嘅距離比較闊， 而餐廳主打一系列嘅正宗越南菜， 並設有多人套餐選擇，小編今次試了風味二人餐A， 只需$188， 另外再加配了串燒及特飲等， 只需254蚊埋單， 仲要 免加一添。。.🍜 大越火車頭 ( 二人份量 )💲 跟餐👉 呢個可以試齊最多款配料， 有生牛肉、牛筋、牛腩片、牛柏葉、牛丸、 同其他香菜等， 湯底非常濃郁， 檬粉超掛湯， 每啖都食到香濃足料湯味。。🍢 沙爹牛肉串💲 42👉 一份有3串， 餐廳即叫即燒， 燒得幾焦香， 牛肉幾有咬口， 再沾上香濃嘅沙爹汁， 十分之惹味。.🍲 清沅扎肉蒸粉包💲 跟餐👉 一份有四件， 蒸粉包粉皮晶瑩剔透， 裏面配上三絲餡料， 表面再加上彈牙嘅扎肉， 作為正宗越南前菜合適不過。.🥗 馬拉盞灼通菜💲 跟餐👉 通菜灼嘅時間恰到好處， 令到通菜食落爽脆， 加上鹹香惹味嘅馬拉盞醬， 別具一番風味。.🍹 最後小編叫了兩杯嘢飲， 分別係 椰汁三色冰同埋薄荷青檸特飲， 椰汁味非

大越南餐廳•沙田今日放工好肚餓，又想獎勵下自己，同時又唔想食咁貴，就嚟咗呢間餐廳。果然無揀錯。啲食物好惹味！趕走monday blue😆..✅ 法式香茅雞翼🧈$48呢個小食真係無揀錯！佢炸到脆卜卜，調味又調得好香口。🥰..✅ 沙嗲牛肉串🐮$42一食就食到好濃嘅花生醬味😋配埋佢跟嘅醬汁更加好味。而且牛肉唔會有太多筋位，箍緊牙嘅我都唔會咬得太辛苦。😌..✅ 海南雞喇沙🍜$73食越南嘢又點可以唔叫喇沙。今次呢個喇沙好香口，而且海南雞嘅份量都對得住價錢。😝..✅ 香茅豬扒飯🐖$63呢個飯好惹味。豬肉肥瘦適中，最值得一讚嘅係佢煎得啱啱好。而且佢有好多蒜粒同蔥花，惹味感up😛

有日， 見到外牆有一幅好靚的壁畫🥰。 除左打卡之餘📸，都入內餐廳試試☺️。 （5⭐️最高）生牛肉湯粉 （5⭐️）熱度太約60度左右， 湯底比較淡味😌， 生牛肉份量適中💕。 湯粉份量偏多， 入口幼👍🏻。烤豬頸肉湯粉 （5⭐️）豬頸肉因為另外上， 份量好大😍， 湯底足料， 有九層塔、芽菜及生洋蔥等😙， 豬頸肉份量足而咬落爽口、彈牙💖。❤️推介-炸蝦餅（5⭐️）勝價比最高， 份量又大， 每件咬落爽口、彈口兼有蝦味🍤。 配上泰式甜辣醬😜， 加上表面的薑蒜， 更加滋味。沙嗲牛肉串 （5⭐️）不是用普通牛肉做， 而是用牛筋腩。 醃料使牛筋腩都鬆軟而入味🤩。 不用再加汁都已經好滋味😍

河畔呢邊唔係好多餐廳，呢間越南嘢都算係幫襯過好幾次，價錢好貼地，選擇好多，最緊要係味道都保持到水準。🔸大越生牛肉湯粉湯底係鮮甜牛肉湯，冇味精，牛肉份量都好多😋🔸蒜蓉牛油雞翼炸得香脆，舖上蒜蓉牛油，幾乎係每次都會叫嘅小食😋🔸芝心蝦多士今次第一次試，上次見到人哋食覺得好吸引，芝士真係有流心的感覺。多士舖滿芝麻，咬落好好香好脆口！好好食！🔸扎肉肉蒸粉包呢個越南特色小食都唔係好多地方有，粉包餡料十足，有啲蝦米冬菇等等，生肉上面都有少少蔥油，再點下越式酸甜汁，味道豐富，呢個都係我勁鍾意食嘅嘢☺️☺️🔸椰汁珍多冰、凍檸茶只係加$12就可以有特飲，凍檸茶只係加$8，正常發揮但係真係好抵！

跟沙田區的朋友吃飯，近近地嚟左呢間大越，餐廳都算大，做附近街坊嘅生意，燈光跟一般街坊餐廳有別，竟還有些少昏暗，走情調路線。餐牌選擇豐富，由粉麵到咖喱包都應有盡有。兩位女孩子在晚上也不願多吃飯，就點了一個主食和三個小吃分著吃，感覺這裡的份量都是偏大的，尤其馬拉盞通菜，想不到$33的份量如此驚人，好抵食。泰原香茅豬扒撈檬 $63香茅豬扒下墊了滿滿的青瓜和配料，淋上酸甜汁撈著吃，份量也是頗多。軟殼蟹米紙卷 $62 有四件，就米紙包裹著粉麵條、生菜及軟殼蟹，正常發揮。芒街炸蝦餅$62炸過的扁身的蝦餅一開八，配酸甜醬。一人一杯嘢飲，點了青檸梳打及椰汁紅豆冰～都幾大杯～～2個女仔吃著吃著覺得份量真得幾足，又不用加一，都幾適合家庭落樓食飯。