大街餐廳由Coca-Cola®呈獻

营业中

休息中

慶祝生日梗係要去我最愛嘅Disneyland❤️而我覺得園入面最好食又最靚就係大街餐廳我地揀左個玻璃窗位 一路食一路睇parade🥳店內職員好細心 見仔仔一齊 立即預備bb hairchair😊兩個大人叫左兩個午餐有兩個湯 一個流心蛋螺絲粉 一個燜牛肉同牛扒 每樣野都好好食 牛肉燜得好林好入味👍🏻下次慶生都會再黎🎂🥳

網上見到呢間餐廳d野食好似幾好樣，仲見到有Duffy 飲品。所以就黎試下，當日係公眾假期，竟然只係等左幾分鐘就入得去。坐左喺玻璃屋，裝修好靚，不過坐位唔算闊。點左四款野食，再加兩杯飲品，埋單要＄794。1)大街精選拼盤 ，d雞翼又乾又燶2)地中海海鮮意粉，d質素同茶餐廳冇分別，淡而無味3)烤春雞及豬肋骨4)野菌忌廉湯，咁多嘢食之中最好飲呢個湯兩杯Duffy 飲品，普普通通。整體來講呢⋯⋯就係唔值得再嚟食，非常普通，而且無質素。仲要係用膠餐具，完全唔配合環境，整到幾靚都冇用。D野食已經唔係平。

鐘意Duffy點會放過呢間野😍原本諗住食佢個tea set～但係朋友試過話唔好好食就放棄左🙈-紫薯星夢💜其實姐係紫薯奶😂佢有好濃郁嘅紫薯味💓應該用左好多紫薯粉黎沖🤤飲落好Smooth好滑🥰佢仲加左蜜糖🍯所以杯野都幾甜下～佢面頭仲有好大pat cream😋塊stellalou朱古力牌唔係假朱古力嗰啲味！係好味嘅白朱古力黎🤩-Duffy’s樂悠悠🍨佢面頭有三球朱古力🍦有朱古力味🍫士多啤梨味🍓同埋焦糖味🤎食過迪士尼啲雪糕嘅都知純對唔係用啲Cheapcheap牌子雪糕😋係haagendaz雪糕黎😚佢個底仲有好多涼粉 椰果 士多啤梨粒 芒果粒 同埋雜莓😍面頭仲有兩塊好可愛嘅Duffy同ShellieMay朱古力牌 同埋兩塊窩夫曲奇🧇喺迪士尼食嘢黎講 呢間絕對係性價比好高🤩價錢唔太貴 打卡一流❣️

聖誕日入園人山人海，周圍都逼滿哂人。但係好彩都係香港人多，排隊都排得好舒服。見到呢到聖誕MENU都唔係好貴，園內其他餐廳都係food court冇人serve，又一樣要排要等，咁就揀左呢到喇。係樂園入面其實都預左係貴，對食物都冇太大expectation。冇期望都冇失望。食物本身都幾好味，但係呢個價錢就唔多相稱喇。不過係樂園，預左。除左價錢，整體都唔錯，坐左係望到出面既位。睇住出面個"飄雪"食飯，係幾有聖誕feel架！頭盤牛扒鱸魚最好食係個薯蓉，好滑漏又香牛油味碟魚好似細細舊咁，都岩岩好夠飽DUFFY特飲，即係朱古力加D CREAM加張DUFFY樣既膠cocacola係樂園，裝修靚就一定。有D意外既係，所有餐具器皿都係膠...都唔係幾睇得出既，亦都冇咩影響唔係負面既。係有D估唔到

#disney同小公主黎親迪士尼見到corner cafelee都勁排長龍，今次難得唔多人排隊，黎試下。打卡好地方，但價錢略貴。大街精選拼盤 $179烤雞翼、烤薯絲蝦、炸洋蔥圈玩泰式辣汁及酸忌廉雞翼係無骨的，內有芝士，但唔夠熱，感覺有d膩。比較ok係個炸薯絲蝦。兒童餐牛肉丸茄汁飯 $112配米奇西瓜、低脂芝士餅、牛奶或果汁兒童餐賣相都算靚，小公主第一時間食左西瓜，都幾甜。茄汁飯同牛肉丸都可以，配菜西蘭花、磨菇及紅蘿蔔白烚的，很健康。兒童餐蛋包飯配南瓜蓉、西瓜及芒果布甸蛋味道比突特別，姨生仔唔食淨食飯，南瓜蓉甜甜的，沒調味。

Halloween入迪士尼特別開心～Trick or treat 👻 去玩之前當然要去食啲野先～餐湯 野菌忌廉湯好濃既野菌味～好香～忌廉又好滑～雖然睇落去就好多泡😆但好飲既😋新牛肉肉醬配不含麩質螺絲粉及溫泉蛋溫泉蛋都唔錯～但肉醬就一般～味道都算可以～地中海海鮮意粉配龍蝦汁蝦好爽口～魷魚都好彈牙～個龍蝦汁味道都出～意粉就林身左啲～米奇窩夫拼盤黎到忍唔住叫左個咁可愛既窩夫～有三種生果 草莓 紅莓 藍莓🍓但唔知係唔係整完放左好耐焗住左～上面塊米奇都正常～但下面個塊好林身～唔太好食～P.S.熱食都可以～但甜品就唔太得～但黎到迪士尼都係玩重要啲😈要讚下員工啲服務同反應👍🏻有客人倒瀉飲品好快幫手抹同立即換枱👏🏻

☕️以Duffy&Cookie同米奇為主題既下午茶供應時間: 15:00-17:30;呢間餐廳係disney入面,個環境算係唔錯既一間, 甜點: 抹茶紅豆卷,草莓蛋卷,草莓忌廉"macaron"🍰木糠布甸, 芝士蛋糕💕🌟木糠布甸, 芝士蛋糕對比其他都比較好食.另外就普普通通咸點:芒果蟹肉沙律籃 , 炸蝦🍤,煙三文魚三文治,腸仔卷, 煙肉莧菜撻, 鬆餅🦐炸粉唔太多,好大舊蝦,加埋個醬都好味～其他野食都係一般般生果盤: 生果切成米奇老鼠嘅形狀飲品: 芒果烏龍茶特飲，係伏,味道完全唔夾😭😭😭⚠️⚠️呢間會員卡係無折咖!個Tea set係for 2ppl, 但大部分食物都只有1件, 份量都唔多如果係只在打卡係OK既, 但想飽肚既就唔夠食啦

「Cookie's 下午茶」一共有 12 款以 Duffy、Cookie 及米奇為創作的咸甜美食🎂士多啤梨蛋糕 、士多啤梨卷 、抹茶蛋糕🎂腸仔卷、煙肉莧菜墶🎂香辣炸蝦配沙律汁🎂芒果蟹肉沙律籃🎂煙三文魚三文治、即烘鬆餅、木糠布甸🎂鮮果拼盤🍷隨餐可選 Cookie''s Mango Lagoon 或 Duffy 熱朱古力。

Halloween月份又嚟到迪士尼玩下。5點半係依間cafe嗌左個tea set，估唔到又幾靚。300幾蚊包2杯特飲加2人份量tea set。特飲揀咗熱朱古力同埋奶蓋芒芒茶，熱朱古力都幾香濃，芒芒茶唔算太甜，奶蓋都ok。個tea啲咸點幾好食，咸點蛋撻好食。煙三文魚卷、酥餅好味。甜品都幾甜，我就一般，但係個樣都幾可愛嘅。水果唔係好新鮮，而且都唔填嘅。另外叫咗個豬扒飯，啲豬扒好韌，但係個滑蛋幾好食，所以都係麻麻地，包一杯野飲，好似$180。個下午茶喺迪士尼黎講都算幾特別嘅，坐係玻璃屋入面心情都幾好，咁岩望住日落，下次行到攰都會入嚟食吓下午茶。

今日終於同朋友夾啱時間入到嚟迪士尼玩🥳 玩到下午茶時間有d肚餓, 迪士尼就真係唔知有咩好食😅 行過呢間門口見做緊 Duffy & friends tea set, 啲圖片都影得幾靚😍 我哋就俾佢吸引左入去幫襯喇! 嘩嘩嘩, 呢個四層嘅下午茶架一陣就送到, 個主題係Duffy, 成個tea set都充滿住Duffy 㗎 連張墊枱紙都係Duffy & friends! 例牌生果切成米奇老鼠嘅招牌形狀, cute! 鹹點我比較鍾意食鹹嘅每件小甜品上面都有Duffy & friends 嘅蹤影有米奇老鼠scone, 木糠布甸朱古力一大杯, 甜! 食tea都係女仔嘅專利, 邊影邊食心情超好入迪士尼目的應該都唔係為美食, 就放開心情感受下俾迪士尼人物包圍嘅氣氛, 輕輕鬆鬆玩一日啦!

We were hungry and walking around in the Main Street in Disneyland. We thought the restaurant is cute, so we gave it a try.It was already 3pm something at that time, they actually serve the afternoon tea set. We were struggling to order the afternoon tea or the lunch set. As we were already hungry, we chose the lunch set.This is the soup, served with a coffee cup, quite interesting. Tasted average.This is the real latte, same cup with the soup. LolThe starter platter’s portion is not very much,

同姨甥女女入黎樂園玩作為迪士尼迷嘅我🏰🎠當然想食下樂園特色食物，順便打卡影相啦🤩🤩不過入得黎食，預左係貴架😆🤑我地order左兩款食物✨✨✨✨✨✨✨✨✨✨👇🏻Duff’s樂悠悠👇🏻米奇窩夫併盤👇🏻紅粉菲菲杯野飲有d甜😕😕✨✨✨✨✨✨✨✨✨✨金卡會員去呢間食係無折嘅☹️

來迪士尼玩一整天，不少得要照顧一下五臟六腑，萬聖節的限定套餐當然是最好選擇，在大街餐廳內的「可口可樂萬聖節特選套餐」($268)。在舒適的餐室內，店員送上温暖的麵包，然後就有頭盤「煙三文魚蝦沙律配芬達小點子及酸忌廉汁」，沙律菜、車厘茄、紅菜頭等帶來清新感覺，煙三文魚和兩隻凍蝦拼出花朵的樣子，花心是貌似魚籽的「芬達小點子」，甜甜地帶點煙韌咬口，小朋友十分喜愛！吃過開胃沙律，就來主菜，有「香煎蝦膠三文魚卷伴帆立貝配雪碧牛油忌廉汁」或「南瓜樂脆豬串骨及西冷蕃茄闊麵配可口可樂燒汁」，前者的蝦膠三文魚卷十分彈牙，點上醬汁味道更提升，帆立貝也幾大粒，碟上還有隻小蝙蝠脆片呢！而後者的賣相更為吸引，兩串大大的樂脆豬串骨，外表黏滿甜甜的粟米脆脆，信信拿著吃過不停，裡面為豬串骨，可謂外脆內軟。半個小南瓜和橙色的蕃茄闊麵增添哈囉喂特色，味道偏淡，但睇得又食得！加上四小片西冷配襯著，整個主菜份量相當足夠！套餐還包括「可口可樂朱古力芒果慕絲蛋糕」，南瓜造型的芒果慕絲蛋糕，滑溜可口，裡面夾雜可樂味啫喱，底部還附有朱古力蛋糕，內外俱全！我們還享受了一杯「怪誕之夜」(加$38)以黑糖、牛奶、奶蓋及朱古力粉特製而成，還

去迪迪尼玩之餘，想舒舒服服坐低食餐飯，大街餐廳係其中一個選擇。·食物選擇唔算好多，不過種類就多元化，價錢大多都過百，入得樂園食飯都要預左呢啲價。·小鎮特色三文治配薯條 $152三文治是用上bagel ，有別於一般用方包，可惜個bagel都幾硬下，用刀切開都要用啲力，呢下要扣分。不過三文治餡料都幾足，而且薯條炸得都幾好食，都值番呢個價既。評分： 3.5/5·蛋包飯配蘋果汁 $112有小朋友同行的話，兒童餐幾乎係必叫。芒果布甸及西瓜造型，以至餐具都是米奇，幾色彩繽紛，都幾吸引小朋友進食，而且蛋包飯內既炒飯淡淡的，岩晒比小朋友食。不過唔知由廚房出菜到上檯邊一part趕時間，西瓜飛到去蛋包飯個邊，搞到蛋包飯有西瓜味，西瓜有蛋味！評分：3.5/5·地中海海鮮意粉配龍蝦汁 $198三樣食物中呢碟比較差，海鮮好似完全無調味咁，好淡，而且一啲都唔新鮮，食落就知係雪藏貨。蕃茄蓉搶晒味，完全唔覺有龍蝦汁，唯一可取係意粉幾彈牙，呢個價錢就唔多值啦！評分：3/5

近排廸士尼越見清閒，天氣又涼涼哋，唸住去corner cafe食個lunch先慢慢出去玩。平日要等位嘅corner cafe,尋日唔洗等直入。入面都唔多人，睇吓個menu,已經冇單點，全部主餐都加咗頭盤/湯！但飲品另計！即係變相加價。$208點咗個燒春雞豬肋骨，點知要等半個鐘！服務員話多單！！中途畀咗個沙律，就係半個蕃茄加幾粒細蕃茄碟燒春雞豬肋骨終於等到，賣相完全唔吸引，加幾粉薯仔就算！之後行到去皇室宴會廳，見人哋點咗份排餐都豐富過我啲碟最慘係豬肋骨啲醬完全唔好食，有甜有辣有酸，完全唔係豬肋骨應有嘅醬！好似唔中唔西溝埋一堆嘅醬！下次真係去返canteen 食好過！