影片
食家推介
话说有朋友生日＆朋友想食羊腩煲就喺OR哩度揾到“大街小巷“,有散叫有任食亦有房（当晚先知），下次就醒目。环境算静唔会似酒楼咁嘈,方便吹水。一嚟到伙记就好快手好好服务咁放低所有食物,除咗羊腩煲,其他可以任叫,汽水任饮,啤酒另计,最后我哋无加过任何食物,枱上食唔晒之余,以17支啤酒完结。其次去之前发觉无乜食评但佢既腐乳酱,羊腩煲的确系好味,唔会“so",打边炉既牛亦好味,当晚都坐满,老板仲话房间要早啲订,友人们话会encore,下次一定要订房
继续阅读
经过西环，秋凉想食暖胃的煲朋友说不如去食羊这里偏向家庭式经营建议预早订座 一尝招牌羊肉羊肚煲咬下去啖啖羊肉，肉质较结实还有我最爱的枝竹！汤底不算太浓味，怕羊膻味的 其实可以接受到然后来一下客肥牛 一上枱就看到红卜卜，一定很好吃！很重牛肉味，肥膏位置不算太多较健康。还有超巨斑马赖尿虾！另外仲有小菜，鸡煲等想吃中菜，饮啤酒同朋友小聚的好地方。
继续阅读
👩🏻❤️👨🏻：⭐️⭐️⭐️⭐️⭐️秋风起，除咗食蛇，最好当然系食羊肉煲。今晚👰🏻♀️🤵🏻♂️就嚟到西环水街呢间小店，慕名嚟食新鲜羊肉羊肚煲。店名叫做大街小巷美食馆，真系冇改错名，喺而家高级餐厅林立嘅西环，有一间地道小店真系好紧要。点解叫做「好双乳」？卖个关子，最后讲！👩🏻❤️👨🏻 任食新鲜羊肉羊肚煲 $298/位冇错！你冇睇错！一位$298任食喺今时今日嘅香港真系唔系好多地方有。当然，最贵嘅新鲜羊肉同埋羊肚唔系任食，不过都非常足料，睇图就知道！其他所有配料包括🤵🏻♂️最爱嘅肥牛都系任食！👩🏻❤️👨🏻 新鲜羊肉羊肚识食嘅人都知道，新鲜肉同冰鲜雪藏真系冇得比。呢度嘅羊肉羊肚肉味极香，并不是一般酒楼用雪藏羊腩煲可以媲美。羊肚食落唔肥腻，羊皮爽口，完全冇臊味。羊肉羊肚非常足料，上枱好似座山咁，夹极都仲有，其实食完已经有饱意，不过其他边炉配料都好吸引，所以都系忍唔住继续食。老板亮哥话羊肉羊肚系每日新鲜运到香港，保证高质，所以每日供应有限，一定要预约先有得食。顺带一提，亮哥有超过30年大厨经验，做过大集团主厨，为咗继续研发美食，自立门户。👩🏻❤️👨🏻独门汤底亮哥其中一样努力研发嘅就系个汤底。当然佢冇讲晒所有材料，但食落一定知道系用猪骨或者羊骨做底，加上不同香料配料长时间熬制，浓郁惹味，就算净系渌生菜都好味到爆！食完羊肉羊肚之后，可以叫其他配料打边炉，抵食之上更抵食！👩🏻❤️👨🏻 三角肥牛有图有真相，号称肥牛焚化炉嘅🤵🏻♂️对呢个「三角肥牛」真系赞不绝口。肥瘦分布均匀，肉质爽嫩，牛肉味浓，好似牛肩脊，亦有多少似封门柳，不过亮哥唔肯讲系乜嘢，可能系商业机密。👰🏻♀️唔小心摆咗两块落去唔记得咗，平时啲肥牛可能已经变咗牛肉干，但系呢个夹上嚟仍然嫩滑，真系不得不试。（🤵🏻♂️好似一个人食咗三碟）👩🏻❤️👨🏻 海鲜拼盘唔好问我佢点样做生意， $300有找竟然有咁大盆海鲜仲要任食真系不得了！最特别系有平时不常见嘅北寄贝，有时仲会有广岛蚝送！👩🏻❤️👨🏻 菇菇本来打边炉有菇系冇乜特别嘅，不过呢度零舍多款式，睇落仲要好饱满，令到极爱食菇嘅👰🏻♀️双眼发光，口水直流！👩🏻❤️👨🏻 秘制「好双乳」重点嚟喇，特登卖关子摆到最后！食羊肉有腐乳酱是基本吧。但系亮哥另一独门秘方，就系呢个「好双乳」秘制酱汁。浓郁惹味，配上羊肉同羊肚简直系天作之合！究竟点解叫做好双乳呢，亮哥今次绝对唔吝啬，开宗明义系腐乳加南乳，再加上其他秘制配料，仲好大口气咁话，我讲俾你听你都学我唔到！👰🏻♀️🤵🏻♂️都极度钟意呢个酱汁，羊肉食完之后点肥牛，肥牛食完之后点金菇！写呢篇食评嘅时候，👰🏻♀️🤵🏻♂️仲好回味食材、汤底、到酱汁各项味道，差啲唔记得讲仲有汽水任饮。而家马上要约朋友再去多次！
继续阅读