大良鴻輝記

营业中

休息中

與朋友兩人一齊吃飯後甜品，朋友ching這間甜品店是老店，故來想試一下。1. 杏仁糊質地比較稀，對我來說比較甜，比較似用杏仁粉沖出來的杏仁糊，沒特別沒驚喜。2. 合桃糊質地較杏仁糊的沒那麼氣，相對沒有這麼甜，但味道、口感、濃郁程度亦沒有其他老店的那麼滿足。總括而言：可能是這間老店的杏仁及合桃糊的製作方法與其他老點不一樣，在味道、口感、濃郁程度亦沒給我驚喜，下次來這間老店可能要試吓他的紫米露、黑芝麻糊或其他涼粉等等甜品，再給予實質的評論。

#03052020今日食飽飯之後想食糖水，但係想食啲簡簡單單既傳統糖水。雖然路德圍個條好多甜品鋪，不過都係食西式多。終於比我搵到一間有啲傳統feel既中式糖水—大良鴻輝記。我地嗌咗最簡單既糖水，紅豆沙 ($18) 同芝麻糊 ($22)。其實越簡單既野食先越考技巧。 佢既紅豆沙好足料，有大大粒既蓮子，同埋佢啲紅豆都煮到起沙。 聽講佢地既芝麻糊係自家磨既。食落都覺得唔似沖粉，芝麻味好濃入口都好順滑。甜度都ok既，不過食到尾有啲膩既感覺。下次可以試下兩溝。

喺附近食飯，經過時見到有人排隊，見到係傳統糖水舖，所以幫襯下。外賣買咗凍杏仁糊（$20）+ 涼粉西米露（$23），外賣每項加一蚊。杏仁糊唔算甜，但完全冇杏仁味，杰撻撻一pat嘢，好似BB糊仔咁，咁都可以叫招牌貨？西米露未煮熟，中間嘅心仲見到白色。試埋涼粉，軟綿綿唔彈牙，冇涼粉味，劣食，好多水，涼粉同西米就唔多，掉咗又浪費，勉強食咗一半，最後都係要丟掉。忍唔住要上嚟寫食評，唔明點解呢間野仲可以生存咁耐？

噚日(14-6-2020 Sun)晏晝天熱,買個西瓜俾爸爸食啦,老公就想食晏,但我唔肚餓,行經呢喥,佢見到有芋圓就雙眼發光,話不如食呢間先,我再仔細睇吓menu,都幾攪鬼,我亦都同意食呢間.佢就要$32.00嘅凍雙圓藜麥紫米露,我要$23.00嘅涼粉西米露.好快,兩碗糖水都到嚟,兩碗都好滿.我嗰碗涼粉西米露西米唔多同好腍,開始唔煙韌;椰奶味重但唔太甜,好味,糖水比較稠;涼粉好滑,呢個算唔錯,不過唔算好凍.味道: 4分,抵食: 3分老公嘅凍雙圓藜麥紫米露呢?紫米好足料,成個唔太甜,雙圓係芋圓同地瓜圓,正常煙韌冇問題.味道: 3分, 抵食: 2.5分之後我都買多個涼粉西米露返屋企俾爸爸食,外賣加$1.00,即$24.00.拎到返屋企睇,睇睇都一樣好滿,外賣碗有6厘米高.其他:呢日等一個人踢晒腳,但我覺得佢都已經算手快,不過我俾$100.00佢找$21.00後,我返到屋企睇,個$1.00係新台幣.點解佢可以咁唔老實?嗰時間舖剩返我同老公兩人,我俾咗$100.00佢後至慢慢行出去等佢找錢,佢絕對有好多時間,令我覺得佢係特登搵呢個新台幣俾我.點解啲黃店都要咁?點撐你哋?上次食評: https:/

今晚同朋友係荃灣食小菜，未夠九點就食完晚飯，見時間尚早，一於搵下附近有冇糖水舖，食埋糖水先返屋企之後由朋友帶路，去左一間中式糖水鋪叫「大良鴻輝記」；餐枱上有一張食材功效供客人參考，原來合桃嘅功效係「固腎健腦」，最後我揀左：「招牌三寶之一：合桃糊 (熱) $22」合桃糊都幾滑，下次有機會我會再試埋其餘兩寶 - 芝麻糊 及 杏仁糊，還有 湯圓 都要試下之後聽朋友講呢間原來係好野黎，話我識食！價格💰：$22味道😋：OK

大良鴻輝記-人大左食甜品已經由鍾意食沙冰轉咗做熱嘅糖水啦！-大量鴻輝記喺荃灣都好多年，傳統嘅中式糖水舖買少見少，希望大家都識欣賞啦。-今次揀咗桑寄生蓮子茶，對女士好補㗎！可以去濕、延緩衰老！其實我都唔知桑寄生係應該咩味，所以要形容佢嘅味道的話，我會話係一啲好甜又有少少藥材嘅味道。-至於朋友就叫咗椰香藜麥紫米露，我偷食咗一啖，藜麥同埋紫米露都好夾！又飽肚！正！- 不過咁熱既天氣咁啱坐門口位，再加想食熱野，食完都出曬汗

大良鴻輝記係一間傳統中式糖水舖，我哋今次先試吓佢哋嘅燉鮮奶啦～ 大良係一個喺中國廣東嘅城市，燉鮮奶好出名～ 鴻輝記嘅燉鮮奶同中國嘅有少少唔同，中國用水牛奶，鴻輝記就用咁澳洲全脂奶。個燉鮮奶燉得幾滑，有奶味但唔係好甜，仲好似有啲苦。下次試埋招牌三寶芝麻糊、合桃糊同埋杏仁糊先～

天時暑熱就最好食番碗凍嘅糖水落肚，可以消暑之余又可以解一解悶氣🤪 不過呢... #小秘書 天生喉嚨敏感，熱飲會比較適合自己身體。冇辦法啦身體要緊👉🏻👈🏻 一場嚟到 #荃灣，點可以唔嚟 #鴻輝記。呢日我叫咗個#芋香馬來喳咋，好香椰汁味、配料亦都十足，#西米、#芋頭、#紅豆... 樣樣都有，口感非常豐富。不過咁熱仲要食碗咁熱嘅糖水落肚，搞到我成頭大汗，仲要比姐姐安排坐喺門口， 的確有啲難受😅 估唔到食完呢碗 #咋喳 會咁飽肚，eee 我今晚咪可以慳返餐😋😉

人人都話女人有兩個胃，就算正餐食到幾飽都好，都總會有位放多碗糖水，食多個甜品既。而年紀開始大，過左鍾意食沙冰、涼粉既時候，開始鍾意食中式糖水，感覺養生啲～食完晚飯，經過荃灣依間大良鴻輝記就岩晒啦，佢嘅招牌三寶係芝麻糊、合桃糊同杏仁糊，個人對糊就唔係咁好既，鍾意啲水啲嘅糖水，桑寄生蓮子蛋茶就岩晒我啦。舖頭有大大張紙話你知啲食材有咩好，桑寄生可以通絡袪濕，成日坐辦公室又飲埋晒啲凍嘢，袪濕嘢就一定幫到手啦；蓮子可以延緩衰老，而且我食過咁多次，次次都係甜到入心，又唔會煲到淋晒咁，食一大碗都唔覺膩；而雞蛋就可以補肺養血，簡簡單單就可以滋補養顏，飲完仲暖笠笠添。

突然好想食中式糖水 選左木瓜雪耳 同 西米露 甜入心 暖入心 懷舊的味道 係西方糖水不能取締 木瓜雪耳 煲到木瓜林 入哂味道 夠哂滋潤西米露 椰香 既香又滑當日好多人排隊食 提提大家要預時間

根據 春秋戰國 時期的一部典籍 , "馮氏春秋" 所記載過 .... "食碗糖水 , 好過年" 👍今日我家就依這個傳統 , 去吃糖水 , 等我們一家都好過年 ~這家糖水店 , 大良鴻輝記 在荃灣區鼎鼎有名 , 更聽聞老闆是 - "黃友" ( 冇FC ) 長時期都有人在排隊 , 可謂 "一位難求" , 食客要搭枱 , 背對背 , 算是等閑之事 ~ Menu ~這家糖水店 , 最出名的就是這個自家磨的 芝麻糊 , 其質感濃稠順滑 , 甜度適中 , 芝麻味道濃郁芳香 , 口感糯糯 , 好好食 ~記住！食碗糖水好過年 ~本篇完 ~

係荃灣食中式糖水，我一定會選擇佢唔會係路徳圍果邊揀今次平安夜點左合桃糊加湯圓同薑茶湯圓佢個合桃糊幾滑，同埋d湯圓勁大粒。雖然要加7蚊先得兩粒。不過我最愛都係佢個薑茶夠辣

人大咗食糖水只想食中式糖水，感覺養生啲又好似無咁膩咁，而且呢啲天氣食返碗暖笠笠嘅糖水真係暖入心，於是今晚就嚟咗鴻輝記食糖水啦。最初嗰幾次嚟都只係會嗌芝麻糊、腐竹糖水呢啲大路野，今次就想叫啲唔同啲嘅糖水。首先，我就嗌咗一碗桑寄生蓮子蛋茶濃濃嘅中式糖水味，好滋補。朋友就叫咗呢個雙子椰香藜麥芋圓紫米露一齊Share, 本身仲擔心熱嘅紫米露會唔會奇怪，食落反而又幾好食，芋圓亦都好有咬口。最後埋單總共54蚊。想食中式糖水嘅朋友唔好錯過呢間啦！

係人都知道，女仔無論正餐食幾多，都會有第二個胃食甜品既！所以當我哋食完飽飽既晚餐，當然由閏蜜帶領我哋去食甜品啦！我比較愛中式既甜品，所以呢間就成為我哋既首選！每人叫左款甜品，我就叫左燉奶閏蜜佢哋就叫左芝麻糊，核桃糊加芝麻湯圓，紫米露，然係我哋再叫多一碗薑汁芝麻湯圓，平均每人$40😂😂我比較鍾意核桃糊，同芝麻湯圓，因為我原本叫既燉奶偏甜🤦🏼‍♀️而且我果碗比較老，唔算太滑，可能熱住，太熟掛。。芝麻湯圓配薑汁真係無得頂，好夾！不過我見好多女仔都叫燉奶🤣呢間店得6.7張枱，環境唔係好大，但好多人食！

友人自遠方而來，想吃糖水。路德圍附近，人龍長得令人絕望。這裡有一糖水連鎖，十年前最後一次光顧已知不行，不知為何人龍依舊？走過一點來到鴻輝記。多次經過都想試，難得今日不用排隊，自然可以。基本上都是芝麻糊合桃糊二選一，今天點了前者。色水正常，一試失望。和之前吃過的一樣，合桃味淡薄，為了彌補味道，而加重了甜味，這種甜，當然是砂糖的死甜。幾啖過後，口腔發酸在生津，因為太甜了，身體要分泌口水來中和甜味，尚有一半，我也放棄了。放涼以後，合桃糊化水，都是相同問題，勾芡調成稠糊，但久久溫熱著，溫度一下降就化水。化水後就只有甜味了，完全不能入口。整體而言，失望。記得曾旅遊大良順德，當地糖水小店也精彩，本以為有七八成，可惜。