大自然素食

营业中

休息中

有一日抽起條筋想食齋，記起黃大仙有一間「大自然素食」，點知咁就中伏❌⋯侍應忙住收檯開檯，入座要等，落單要等，加水要等⋯等到有啲燥個種🤷🏻‍♀️。環境似去酒樓飲茶，一樣咁污糟同濕漉漉，價錢都唔便宜，同坊間有肉菜式相近，唔通真係啱啲上咗老紀食齋嘅人？食到尾都想快啲走，最後就出事啦⋯蒸餃入面包住條閃電毛🤦🏻‍♀️，即刻同侍應投訴，個經理都掛住食飯無行過過嚟，最後比個95折🙂，真係連服務費都唔夠比，完全零歉意⋯————————————————👅 鬆化芋頭魚（$88）🔸咬落有陣油溢味😖⋯芋蓉係幾香幾綿滑，炸皮算薄，配糖醋醬，算係無咁伏👅 情迷脆豆腐（$42）👎🏻大豆卜切開四瓣，再反轉釀啲豆腐碎，豆腐碎有啲怪怪地嘅酸🤢，豆卜又炸得硬好刮口，碟底好多油，配酸梅醬👅 麻醬雞絲粉皮（$42）🔸粉皮爽彈，豆苗重草青味😵‍💫，雞絲肉應該係好幼細嘅麵筋，算比較好食👅 香芒吉列卷（$48）🔸廚師好刀功先切到咁薄嘅芒果片🥭，一卷都幾大舊，包住啲素肉/素鴨同青瓜👅 原隻金瓜焗飯（$98）🔸材料有紅蘿蔔粒、粟米粒、素肉粒同素蟹柳片，多得南瓜肉嘅香甜🎃，救返淡茂茂嘅炒飯👅 籠仔菜肉蒸餃（$42/8隻）👎🏻👎🏻👎🏻98%白菜

今日想同大家分享一個中伏嘅故事💬，話說有一日晏晝唔知食乜好，就近近地去咗黃大仙嘅「大自然素食」度食嘢，諗住食下齋健康d🤨————————————————🥇原隻南瓜焗飯($98)👍🏻成餐飯入面比較有味嘅野，份量都多，比較抵食，仲可以食埋d南瓜肉，本身都幫餐飯搶返少少分去ok,但係好可惜......🥈麻醬雞絲粉皮($48)👌🏻雞絲粉皮都好難整得難食嘅，但你見我放佢咁前就知其他野真係無乜賣點🙈👎🏻香芒吉列卷($48)我會形容佢做好有創意，芒果🥭薄過紙，食完好似無食過🤷🏻‍♀️👎🏻👎🏻情迷脆豆腐($42)脆豆腐唔脆都算，仲酸酸地......👎🏻👎🏻👎🏻鬆化芋頭魚($88)無芋頭味，食落口一pat野咁，總之就係食左舊炸物入口，同健康完全扯唔上關係💀👎🏻👎🏻👎🏻👎🏻👎🏻籠仔菜肉蒸餃8隻($42)終於都到大佬，呢個係後加單嘅，諗住食蒸餃無死啦，點知🤢食第一隻都無乜野，普通餃子🥟囉，但大眼妹一食就出事☠️佢咬開隻餃子一半，發現有條小毛🤮🤮🤮🤮🤮喺餃子入面有條眼睫毛咁長嘅小毛真係好唔開胃🤬🤬🤬🤬🤬同經理投訴完之後就cancel左個餃子同比左個95折囉見佢咁好服務同d野食咁正，我當然要如實報道啦😝今鋪真係唔慌

6個人去食飯，一坐低無耐就見到有曱甴係牆度爬，最後仲爬落個位度。職員完全無察覺。侍應態度極差，傳菜唔係自己放落枱，係期望個客幫佢執埋個位放埋，唔幫佢仲要唔耐煩俾面色人睇。食物差，餃子個餡乾到菜乾咁，仲要有D噏味牛油果多士，炒麵都OK6款要700蚊，完全唔抵食！有曱甴同服務差，永不光顧

       這幾日天氣好悶熱，肉又食得幾多，都沒有胃口，行商場路過大自然素食看到齋菜都平平的，50HKD有找，就入來試下啦。午市套餐都有近20款可以選擇，望落去好似都有肉，其實都是齋來啲。      選擇困難症發作，最終揀咗B餐鮮雜菌魚腐炆伊麵。不用等好耐，伊麵就來咗。望上去，又真喺幾似街外的炆伊麵。哩份伊麵嘅份量都幾多，配料都唔錯，有魚腐（都是齋），雜菌，青椒同埋蔥，炒得都幾OK,不會過淋，食完真係超飽。今時今日，食齋菜一啲都唔平，50幾仲包埋例湯，食得過!

本身想去現崇山既茶樓嘆下午茶，但四點會趕人走，於是去試下依間素食。入到去環境唔錯，比較懷舊，客人清一色都係上左年紀既！個菜牌，如果唔講係食素，一啲都唔覺！菜式同一般食肉既一樣，冇寫住係「素肉」，仲有日式壽司，好多款式揀。四個人叫左四款。1. 香酥鴨（千島醬+ 芋頭茸+ 茄子？）好香口嘅芋頭味，但唔會覺熱氣，好有特色，都似食緊肉。2. 芝士薄餅芝士味唔太濃，薄皮香脆，每人兩件都唔怕濟。3. 招牌三色骨已經唔係好記得邊三款，但食落真係似肉😂😂😂明明都係用菇做🤣4. 黑椒猴頭菇扒瀨粉相比之下依款最麻麻，一黎佢個名已經係「素食」，而且勁重黑椒味，唔知係咪想辟走陣菇味，個瀨粉都ok.五點前埋單半價，仲要係佢地主動叫先埋左張單。啲阿姐都有禮貌唔會覺得似催你走。

服務超差，我哋企喺門口冇人理我！已經好過份。我哋得幾位老人家，侍應不停老點我地叫半席菜，根本就完全食唔晒，離晒譜！😡😡😡下午茶半價都食咗成千蚊！貴到飛起，完全掠水！又唔係特別好食。最後，要打包10盒攞走，職員只向錢看，不停講食唔晒攞走就得，我永遠唔會再去，已列入黑名單！差差差！！！

新派素食餐廳🥦🥕🌽🥒🥬有時肉食主義者都想食下素食。畢竟食素對身體都好架😋呢間餐廳本來係傳純嘅素食餐廳，但近年就踏過界，做一啲fusion嘅菜式吸引年輕人去食素😜鰻魚牛油果卷🥑 $48牛油果熟得啱啱好，而鰻魚係用豆乾製成嘅。唔可以話好似鰻魚味，但整體味道清新，作為飯前小食值得一試。因為唔係到到地方都有素嘅壽司食，呢間除咗素壽司，仲有手卷同素刺身🍣想試特別嘅素日本菜都可以試下💚燒汁野菜牛肉卷 $98🍗呢個都係推介之一。牛肉係用豆製成，咬落去有啲似火腿嘅質感，比火腿厚少少。加上燒汁係呢道菜嘅靈魂，食落同金菇肥牛卷真係有幾分相似👍🏻單食就略咸一點，但配飯食就一流！十分推介😻野菌豆腐煲🥘如名，野菌同豆腐嘅小菜煲😂有少少蠔油嘅味，佐飯都okay的野菌湯浸菜🥬食咗幾款小菜，就叫返一個菜清一下。一大班人食都可以叫黎做餸。味道正常😗招牌士多啤梨骨🍓呢個都係推介之一！排骨係用猴頭菇製成，用上蛋漿黎炸，咬落去做到排骨一絲絲嘅口感，配上少少油炸幾味道😎做到肉汁嘅感覺。士多啤梨汁用上果醬調配，而且有少量果肉🍓食落酸酸甜甜😝好開胃！而且份量唔馬虎🤩做小食，小菜都係好推薦💚環境方面，裝修略舊，餐桌和餐椅都算乾淨。但

今日同同事去黃大仙做嘢，原來現崇山商場有開咗間大自然素食館，同事提議今晚放工去試吓，平時好少食素。見到餐牌有好多新款菜式樣樣都真食，無奈只得兩個人唔會叫得太多😊蜜汁叉燒，食落味道口感似足真叉燒，好淋好入味，好味😋瑤柱金菇炆伊麵，大大碟，熱辣辣，好好味😋好有水準👍🏼飯後當然唔少得甜品，叫咗個即磨腰果露，好滑好香，甜度啱啱好，腰果味重👍🏼雖然疫情，素食館做足預防措施，所以好安心享受一個晚餐😊服務態度👍🏼環境衛生👍🏼價錢合理👍🏼

My mom craves "Buddhist food" though she's a Christian. So recently, we went to this vegetarian restaurant and I have to say I'm so disappointed.To be honest, I already didn't hold high expectations of the food quality, since I knew the chefs are confined to a limited range of choices for food ingredients. But I don't expect all the food served actually tasted highly similar.eg. This photogenic set of sushi seems nice with this array of vibrant colours, right? In reality, they are mostly just so

同朋友gathering，其中一位提議食齋，都ok喎，唔係一定次次出去都西餐/咖啡店😂我地試咗好多款美食，推薦香檸雞😋😋其次蟹子木瓜沙律、豆腐煲、沙嗲螺肉估唔到有咁多日式刺身/卷物提供，怕伏😂淨係試咗香芒卷，味道正正常常啦水蜜桃黑松露芝士飯😂😂水蜜桃同黑松露完全唔夾

好耐都無出街食嘢，今次趁放閒日陪兩個長者去到黃大仙食午餐，揀咗入大自然食素，叫咗6樣嘢食，有燒汁蘆筍牛柳卷、香酥花枝圈、陳皮白菊素蛇羹、原盅黃耳素翅燉椰皇（職員推介嘅）、原隻木瓜蟹籽沙律、法式牛油果焗多士。食完後，我哋都覺得份量啱啱好，啲嘢食都幾特別，燒汁蘆筍牛柳卷，食落口感真係好似食緊肉咁，加埋啲燒汁又真係幾好味，而陳皮白菊素蛇羹及黃耳素翅燉椰皇，兩個都好飲，都好多料，一啲都唔似係食素，至於焗多士，我就覺得牛油果唔夠多，食唔到牛油果味，反而原隻木瓜蟹籽沙律抵食又好味。最後埋單$290，走嘅時候，幾位職員嘅態度都好有禮貌，行出店舖去商場洗手間時遇到其中一位職員，竟然都仲同我哋微笑點頭講多謝，店員服務態度真係比我想像中好。

黃大仙店service超差！1.叫咗牛油果多士，叫佢剪開一半，佢放低較剪叫我地自己剪！2.叫咗砂窩雲吞翅，佢放低碗叫我地自己分！3.未食完就上糖水，我地8個人，佢放低3碗糖水就走咗去！4.老人家想買蘿蔔糕，叫咗十世都冇落單！5.糖水係芋頭西米露，一啲甜味都冇！

今日家人同一個食齋的親友去食飯，每次必來大自然素食，因為佢的齋整得真係幾似肉，好搞笑，味道都唔錯。每次必點係法式牛油果焗多士，真係超好味，大大件，勁厚的法包上塗滿牛油果，上面再舖滿厚厚的芝士再焗到香脆，真係好難唔好食。每次最少一人一件。其他的齋就不過不失吧，但中式的菜會比西式和日式的好味。平日下午茶時間有半價非常抵食，我儘量都係呢段時間來的。

素菜午餐喺黃大仙現送生商場一樓，有一間大自然素食，呢個商場近大半年，已經有好多食肆倒閉，呢間大自然素食仍然做得着，都算係一間多客幫襯，而且食物質素屬於好的食店。今日午餐點左乾炒牛河，牛肉當然唔係真牛肉，素菜嘅牛肉都係用麵筋做嘅，加上一啲色素，望落去真係好似牛肉，而且口感煙煙銀銀，咬落都好似牛肉。另外，河粉嘅份量都好多，一個人食晒，真係有啲超飽，下次你應該帶定個盒，打爆拎走食多餐都仲得。河粉炒得好乾爽，唔會太油膩，比一般茶餐廳嘅乾炒牛河，相信健康好多。

第一次下午茶時間入座，發現有半價優惠，即刻叫都叫得輕鬆左。出名嘅南瓜飽店員話已經冇賣，未能一試。叫左個湯水餃，湯底較淡口，但仍能細味丁點鮮味，相對湯餃比較鹹。日式三絲炒拉麵則材料比較簡單，不會油膩。 燒汁雜菌焗牛仔肉較多醬及相對較鹹，亦較多三色椒。肉嘅日感較特別，有啲似苣葯，但可以接受的。overall 味道都還可以。以全素餐廳黎講，菜嘅款式好多，士多啤梨骨個啲都幾吸引，但人數太少好難試到咁多，麵食嘅都算大碟。