大自然素食

营业中

休息中

我地一家大細黎呢度做節,一圍檯,點左個套餐加一些散叫...全部野,無論味道定係大小等等,都比以往幾次無咁好,唔知係因為人多,定係師傅放假,定係轉左人做,佢地連menu都唔同左...好似上次點左個糖醋魚,係似條魚咁款,今次唔同左,係一大塊一大塊厚切...無咁好味,最後吃剩都係呢味。至於個湯餃呢,塊皮就厚到死。我地要左一碟炒烏冬同埋一碟炒飯,都係好普遍,但係勝在唔油膩,夠乾身!竹笙羹唔夠味,頗淡。沙律卷又唔係幾好食,因為太多沙律醬,而且味道好寡。比較好食既只係蟹肉扒西蘭花,佢又真係做得好鬼似蟹肉...個魚其實都好似,人人食過都話以為自己食緊膠魚。呀!係有一個值得提,就係燒乳豬,無論賣相定口感,都真係似到十足十囉!真係好厲害呢!同埋呢一味,係配一件件饅頭食,打開半圓形饅頭,放一片燒乳豬入去,再放醬,夾住黎食,味道都好味,而且特喇!食完之後,大家都覺得,係就係有新意,但係唔係十分好味囉!

我是一個食肉獸, 之前一直對素食無甚興趣. 但試過E 間令我想試多D 素食店芝麻手撕雞: 雞絲味道口感都好似真肉, 加左榨菜, 同芝麻一齊好香口, 必食!再叫個二人餐, 有一客小食, 兩盅湯，兩個餸，幾抵南瓜魚翅羹: 甜甜地, 又濃, 好味炸菜肉雲吞: 一碟四隻, 點小小酸醬, 香脆可口南乳烤雞: 烤雞味道同口感都好, 點D 南乳汁..... 好味芝士焗茄子牛肉：牛肉唔多似真肉，但係都好味，個芝士汁多，送飯一流三絲炒麵：幾多油下，不過味道唔錯既雲耳蒸雞：E碟唔掂．有紅棗, 猴頭菇o向入面. 整到好酸, 後悔叫左E 樣, 仲要唔平添乳豬掛包: 見隔離枱枱都嗌又試下先. 包軟熟, 乳豬好似真肉, 再夾D 蔥根同醬, 真係好好味, 最鐘意E 味甜品係紅豆沙, 送既, 清清地不太甜, 不錯玄米茶又好飲!上菜幾慢, 可能因晚飯時候人多關係. 同埋好趕你走. 送都未上就問要唔要糖水. 服務態度真係要檢討下. 想做多D生意都要人客滿意嫁

第2次黎....上次食o左北京烤鴨,好似真的鴨..今次食了南乳雞..又好似係肉!!!~但又唔太鍾意個芝麻雞wor...好似好多油咁??家姐都大讚佢o既百合露筍~送埋糖水...ok啦!!

從落單至埋單，只可以在30分鐘內進行，否則會遭受無禮的待遇。只是過了25分鐘，侍應不斷予以嚴厲的眼神和落力地催促埋單，那只是週三晚的情況。既然以這樣的食物、價格、和環境作招徠，至少應配以最基本的服務態度。

味道OK. 係炒麵太油.. 油都唔係幾想食...最好食應該係飯類, 炒飯煲仔飯都係入得口.. 好食架.晚飯少黎食... 同區有更多更好的.LUNCH, 下午茶價錢OK, 抵食.下午茶諗唔到食咩, 呢度真係唔錯.同埋唔會太多人.. 但有一日, 我地坐收銀隔離, 聽到manager 講3 個人黎呢到食都係食得O個23 蚊...=_=" (我同我個FD 聽到滴左汗...)下次行遠D 講比較好.

為慶祝父親大人生日,一家四口係度開餐!芝麻手撕雞:嘩!雞絲勁似雞呀!無論口感,味道,賣相,都足以弄假成真!我地係度研究,究竟用咩整,同埋點整,先可以有咁既效果呢?味道又好味,除左素雞絲同芝麻,仲加左榨菜,好香口;鮮茄炒牛肉片:同芝麻手撕雞唔同,呢的肉片唔似牛,口感有少少似,但係睇落就知一定唔係肉,不過呢味菜好重茄味,又有真正鮮茄,所以好好食,尤其喜歡蕃茄/茄汁既人,一定唔好錯過,味道似蕃茄炒肉片,唔錯;粉絲什菜煲:好清,好普通,有菜仔,西蘭花,椰菜花,菜心,菇菌,粉絲,大什薈咁囉;六和菜炆米粉:所謂六和菜,我地數過,原來係荷蘭豆,菜心,菜仔,西蘭花,粉絲(竟然咁都算!?),同埋一味唔知乜,碟米粉清到你唔信,同茶餐廳果的炆米比較,簡直係另一類!不過估唔到又幾入味喎!因為清,唔油又唔膩,所以食多幾啖都ok,而且好搶手,好快食晒;什菌湯麵:原來只係一碗生麵加幾種唔同菇類,一人份量,好好好普通。每人有一碗甜品送,果晚係花生麥米粥,好味,因為唔會太甜,感覺係清,連唔喜歡甜食既細妹都話好食呢!咁多樣野之中,反而我最欣賞呢個免費甜品,真係搞笑!仲有呀,呢度的玄米茶都幾好飲呢!

這裏食家對這店的評語，可結論為：服務差勁、食物好吃，但並非出眾但我曾吃過常悅素食及素食一家那裏的食物總是帶一點怪味，好像是為了掩蓋食物本身的味道，而強加的怪味調味在這裏，我沒有這種感覺我吃了酥炸貴妃雞，口感不錯(即是與真肉相似)，香脆而不又油膩，連鄰枱都好奇我們點了什麼其他的高湯素翅、福建炒飯、鹵水鵝片(味道極像鹵水蛋)，雖不算精彩，但也算味道可口最後我因好奇點了三文魚米紙卷沙律，所謂三文魚應該是類似果凍的物體，味道與三文魚相距甚遠但我覺得單純以吃一道素菜的心態來吃，它的味道還不錯，清新爽口，毋須每每與葷菜比較最後我和友人兩張嘴把以上的食物都吃得清光(我得強調我倆不是細食之人)但我卻看見鄰枱有餘菜，可能這裏不是每道菜也好吃至於服務.......唔......我訂的是星期三晚八時半，負責人已告訴我要等一會，但估不到這一會是廿五分鐘，而我看到至少有數枱人與我們有同等遭遇假期晚上情況可會更不堪？侍應其實也有做功夫，我見到他很落力地"勸"一些已吃罷但還未離席的人埋單去騰出空枱換轉是我，除非我及早被告知需要何時交枱的話，否則我埋單時的心情一定會非常惡劣上菜不算慢，這可能與我叫套餐有關但其實這裏的

看見這裡的食評幾好，又這樣近，當然要來試試；來到時，侍應說要7:30pm前交回枱 ，問我們有無問題，如不是便要撘枱 ；想想我們也趕時間，就答應了，想不到這樣好生意。坐下後，看見餐牌的自選套餐，感覺都幾抵食，我們最後選擇了鹵水鵝肝片、老火例湯、印度咖喱羊腩煲、金絲裹劍魚、糙米飯和紅豆沙。鹵水鵝肝片- 外貌很似，唔知還以為係真鵝肝，當然味道就完全唔似，感覺像有點豆味，幾爽口，肉質帶點韌，都幾特別。老火例湯- 好像係紅蘿蔔清保涼湯，味道鮮甜，紅蘿蔔清爽，飲完都唔會好口喝，感覺幾好飲。印度咖喱羊腩煲- 椰汁味很香，咖喱味就唔算太濃，羊肉外貌幾似，肉質偏韌，口感也幾特別，用來送又硬又無味的糙飯，正好不過。金絲裹劍魚- 外面用麵條包著，拿去炸，本來主意係幾好，可惜麵條太多，一口咬下去，感覺硬比脆還要嚴重，如涼了一點食，什至感覺好韌，如減少一點麵條，相信會更加好；劍魚感覺幾好，外皮包著的紫菜，帶有點點腥味，感覺就更加相似。糙米飯- 一粒粒，又硬又無味，如沒有咖喱汁送飯，真係咬到牙都軟。紅豆沙- 想不到送的糖水，水準都唔錯喎，紅豆唔算大粒，但幾有咬口，雖然比較上甜了一點，但都可以接受。食物都算幾好，但

其門若市的「大自然」，其菜式和佈局都和佐敦白加士街的「禾之家」很相似，一問侍應之下，原來兩者是同一老闆～為了遷就食肉獸的朋友仔，二人餐我就要了許多素肉類如燻魚、海皇翅羹、貴妃雞和菠蘿鰻魚炒糙米飯，份量好多，兩個人都吃不完；而仿肉類的菜式亦造得挺真的，味道不錯（味精卻不少喎）；只是個人認為糙米飯不宜炒只宜焗，好硬好乾呀，牙骹軟埋．．．．令人驚喜的是甜品：綠豆清心爽，好清甜～服務都不錯，在我入座時侍應已講明結賬時間，期間侍應也快手快腳，有求必應的，難怪生意這麼好～

值得一讚的新派素食主意~好多食材& 配搭也很創新...而且味道也很不錯!!!特別是招牌冷盤小食"手撕雞"...真的很有口感~其他菜式也好好食...^^來到這家素食館...真的要試新款的菜式丫~不要點傳統的...因為新派菜式才是這家店的賣點~

當時經過始創中心也沒想到素食店居然會這樣旺場, 加上朋友的介紹, 我亦曾光顧過.聽前幾位人兄的評語似是受到不禮待的遭遇, 本人卻沒有這種感覺. 唯一只覺得員工做事不太週到, 餸菜方面算是不錯, 也挺合我的口味吧! 總好過某些素食店弄得不倫不類,價錢又貴.曾光顧這素食店已有數次, 可算是不過不失吧, 有機會我必再來.

一家人再食,都係0甘好味,試左黑椒河,印尼抄烏冬同羅漢齋抄麵,加腐皮卷,食完雖然好飽但完成無"濟"的感覺,同抄野夠火喉,食感覺同非素食係無甚麼分別,0甘點解一定要有肉食?不過好多人係"無肉不歡"唔係個個接受到

同工友去食晚飯, 等左四十五分鐘先有位. 服務態度好好.1. 七味海鮮煎腸粉: 無海鮮, 問老闆娘, 佢話七味海鮮粉咁解. 味道一般.2. 錦鹵雲吞: 唔脆, 但個汁就另上, 足料, 夠酸.3. 羊城咕嚕肉: 味道同口感與真正咕嚕肉係無咩分別, 值得一試.4. 咸菜胡椒豬肚湯: 少少辣, 味道唔錯.5. 紅燒豆腐鮮竹煲: 味道唔太濃, 但油就多左少少.6. 燒汁鰻魚飯: 有魚肉既口感, 夠香.7. 芋絲鵝片: 凍, 硬, 無味.8. 六和菜炆鴛鴦米: 味道幾特別, 兩種唔同既口感, 但太乾身, 不宜放得太久.訂位都要等, 但你留低電話之後, 可以去行街, 有位就打比你, 呢一點唔錯. 老闆娘好好人, 講得笑.素菜以我所知, 應該唔食辣既.總括黎講, 味道算唔錯, 唔係太好, 但亦都可以接受, 唔會會再黎, 機會比較微. 試過一次就夠.

素食巡禮﹝十一﹞假期的第一天，要去旺角辦點事，見這裡大大個招牌，想起又一試無妨，就爬幾層自動電梯來看看。十二時左右，卻是座無虛席，可見環境好一點的新派素食，實在不愁銷路。這裡有套餐供應，有前菜有湯，亦可選兩個主菜，也懶得去掀餐牌了。前菜要了雞絲粉皮，凍凍的沒有配汁，但吃落又不差。粉皮頗爽口，亦有咬口，幾清新，是一個稱職的前菜；湯要了個比較清淡的海皇冬茸羹，也是清清的，芡不過濃，也有冬瓜的甜，味精不多，幾對胃口；主菜選了九製陳皮骨及蛋白扒荳苗，選前者，純粹因為好奇，想知道素食怎會做得到「有骨」的效果？結果是沒有的，只是炸麵糰。而也沒有什麼「九製陳皮」的味道，五香粉及咖哩的味道就有一點點。炸得也不錯，幾脆口及香口，而麵糰也有點咬口，配以米醋，味道也不差；吃素的話，翡翠苗也是個人而言幾喜歡叫的一味，貪其脆嫩鮮甜，也清清淡淡的，夏天也正合。是日的還打了個蛋白玻璃芡，不算杰身，吃落亦爽滑，整體感覺也不錯。套餐不包飯，要了糙米飯，吃得牙也軟，不過當然會比吃白米飯健康一點。另外亦要了炸春卷，熱辣辣，可以一試。見樓下的食評也批評這裡的服務，是日所見，就算是全店滿座，幾位阿姐的服務都不差，態度也沒有問題

唸住想食清些,巳經同侍應講唔想食炸,唔想太肥膩,佢地大部份都係炸架!佢地建議既所謂清既就是支竹豆腐煲,好油,豆蓉湯浸時蔬就ok,如果愛食炸素食,可以一試,但我個人認為食素係想清淡