大美督嘉年華燒烤

营业中

休息中

我哋同行四個家庭相約，考試後，比小朋友大放電，又給大家鬆一鬆的地方,香港人真係好鐘意燒烤，所以去之前一定要訂位。當去到有大量停車位揸車去是最好的選擇，如果喜歡踏單車也提似可以踏單車去，雖然訂了位不知道為什麼都等了很久先可以入場，當入場的時候他們會給大家一個豬印給大家方便出入場外場內，入到場內會有園工開爐，十分方便，但個人感覺他們都比較環保他們會循環再用個鐵絲網，同商場裏的韓燒或燒肉個風格及特色截然不同！食品方面是凍肉店的貨色不作什麼介紹，但我哋拿肉的時候佢哋都有佢哋規則，又話任食佢哋的理念是都啱嘅！到茶水店的一part又話我做收銀不是做pick and pack ,看到他們非常有team work spirit,但只是欠了清晰指示姐！大陽下山了在停車場拿車時天色黑了看不到指示離開！他們有經十年的經驗經驗豐富在江湖都有地位，大家都識得揀啦！

秋風起，當然要去下郊游，去完大尾篤放風箏踩單車，然後去燒嘢食，一日田園風Day tour大滿足！不過其實大尾篤都有幾間bbq ，見到嘉年華bbq 燒烤有兒童遊樂場設施，啱哂兩件化骨龍玩足一晚😃😃。有港燒、韓燒、重慶燒烤，任君選擇，哪一個味道適合自己。環境空曠身心舒暢，也有兒童遊樂場設施。地方清潔整齊枱與枱的空間到十足，亦是防疫的最好設施。超過50款食物，要早上加下午先預留胃部空間，傍晚入場後大快朵頤。有齊各款港人喜愛的丸類食物，墨魚丸丶蟹子丸丶脆皮芝士腸丶貢丸、牛肉丸等等，無添加味精，吃得放心。食物包羅萬有，全部已經醃製到入曬味。我哋叫左大蝦、雞翼、牛扒、豬扒、豬腩肉、冬菇、粟米、各款蔬菜類等等。燒大蝦另需加錢，質素頗佳，鮮甜美味。值得一讚，豬腩肉肥瘦均勻，要清淡啲仲有燒韮菜，顏色翠綠，爽口清甜。我哋食到都唔捨得走，原來場內晚上嘅氣氛都幾chill。每位顧客進入本店都需要掃描安心出行，大家絕對可以放心地係場內暢所欲言，同三五知己一齊享受美食。

天氣凍咗啲又係BBQ季節❄️，今次踩完單車再燒嘢食！事前無預約定出名啲嘅燒烤場🔥，好彩walk in呢一間仲有位。環境寬敞又有小朋友玩樂設施，坐位都算鬆動，但係安排就真係比較差👎🏻⋯搵紅色衫職員開爐後，就去飲品部拎燒烤用品同換飲品卡，所有用具都係配給制，建議加$35買燒烤網。排隊拎嘢食條隊一直都好長😵‍💫，直至8點先少人啲。肉類同蔬菜要交比食物部嘅姐姐幫你執，平價丸類就放係出面任拎，呢個時候好似饑荒咁混亂😿，個個都想拎多啲。提提大家第一輪未拎過食物可以行到最前⚠️，比你張收據紙仔姐姐幫你執，呢個時候比你嘅橙色托盤先可以拎食物✅，啡色托盤不適用㗎！而呢一件事係無職員同我地講，好彩有其他食客提醒，唔係就排餐懵⋯💬後記：熱氣同唔舒服千祈唔好BBQ，因為我燒完就喉嚨發炎同傷風————————————————👅4小時任食（成人$188）平日包任飲任食，星期五至日每人只係包兩款指定飲品，長期都覺得好頸渴，又係時候拎你銀包出嚟喇😂，明顯係策略啦！食物太多就集中介紹食咗覺得ok嘅啦⬇️.🔸醃製肉品🔸👉🏻醃料醃味都幾入味，味道都唔錯，當然唔好期望係新鮮肉品，叫做食得過咁樣啦！雞翼有幾款口味，又有最正嘅雞全翼🤩

秋風起最岩就BBQ 🍁呢幾日天氣一涼，就撩起左BBQ 既癮，就即刻揸車入BBQ場集中地既大美督去搵食。最終揀左大美督嘉年華燒烤，佢呢度有3款燒烤方式揀，有港式燒烤、韓式及串串燒。呢度地方竟然有韓式燒烤，好得意，就揀呢款。呢度仲有另一賣點，就係呢度星期一至四價值$10嘅飲品都係任飲，基本每款汽水都可以，只要飲完之後拎個空罐就可以再拎。我最鐘意BBQ係可以由朝燒到晚，呢度任燒5個鐘，時間充足。我夠鐘都無人叫我地走。揀住張食物list出去同職員講想要既食物，感覺會衛生啲，唔會人人都接觸到啲食物。呢度既食物無落味精，質素唔錯，味道適中。自己特別鐘意既係，彈牙雞腎、juicy叉燒粒、同惹味羊架。另外都會送菠蘿、台灣腸、海蝦，個台灣腸好好味，同埋菠蘿都超甜。今晚真係好盡興，真係由朝燒到晚先走。

秋風起，涼涼地，行完山去燒嘢食就最啱✌️大美督汀角路有好多燒烤場，今次嚟呢度就係睇中佢有港式燒烤、重慶串燒及韓式燒烤三種選擇。燒烤場有一大片草地，綠意盎然，提供很大的活動空間。草地中央有一個巨型吹氣城堡，旁邊還有滑梯，好適合小朋友放電的設施👏除咗室外的燒烤爐，還有冷氣蒙古包，啱晒怕熱嘅朋友😊今日揀咗韓式燒烤，韓燒區域好似韓國的大牌檔，韓式飲品都有唔少選擇。食物方面，味道唔錯，燒烤場標榜不加味精醃製，令大家食得放心👍

位於大埔大美督嘅嘉年華燒烤場，除咗有港式BBQ仲有韓燒或重慶燒選擇，今次我哋揀咗韓式燒烤。 空間非常寬敞，設有多個燒烤區。星期一至四收費為$168一位，罐裝飲品任飲。星期五至日收費為$188一位，包兩罐罐裝飲品。另外星期五至日燒烤場內設有大型吹氣床，非常適合小朋友放電。食品方面，都係非常傳統嘅BBQ食材，而蔬菜選擇豐富，非常欣賞燒烤場嘅醃製食物係冇加味精醃製。讓大人同小朋友都食得安心。員工都非常殷勤有禮特別係幫手夾食物嘅姐姐👍🏼

吾講食物, 燒烤野冇乜期望, 飲品吾凍雪吾切, 排隊攞野你預半粒鐘.態度真係差到一個極點收錢個位姐姐: 吾期望你笑面迎人, 但都係吾係差到咁LAW, 好似要去受你氣咁.全場搵吾到幾個職員, 叫加炭等半粒鐘...最後係自己去攞隔離用剩個D加, 吾係等到有人幫手.姓感姐姐一個人一轉搬幾箱水, 幾箱野飲搬左成晚, 睇見到覺得好慘.個場咁大, 十幾個人迫埋係2張枱仔, 隔離又冇人, 坐過隔離又話吾得張枱吾係你地我心諗限聚令吾係最多6人一枱架咩? BBQ吾洗跟?總結: 食物好一般, 態度好差(特別係收錢自以為好巴閉個個女人), 環境吾得, 吾洗錢都要諗過先

同小朋友黎左燒烤，呢度除左港式BBQ，原來仲有韓式燒烤同重慶燒烤。我地選擇左韓式。平日一至四同星期五至日有唔同收費，星期一至四係任飲指定飲品同任食，而星期五至日係任食連2飲品，時間都有啲分別。但最重要係星期五至日原來會有大型充氣彈床開放俾小朋友玩。咁岩影到遠處個充氣彈床滑梯，呢度仲有滑梯同大草地，仲有個影相位小朋友有得玩既小公園，公園仔都有3組唔同既滑梯。最欣賞佢唔加味精醃食物，呢個幾好。先去拎飲品同餐具，之後去旁邊轉角拎埋食物，選擇完食物之後仲會包好埋保鮮紙先俾你拎返枱開始燒，覺得都幾衛生仲跟埋啲醬汁。一包包入起既係韓燒餐送一份既，我地個日拎到係蝦、菠蘿同一包似係肉腸，之後就可以跟點餐紙叫食物。推介呢個孜然羊扒同香辣雞腎，微辣，好開胃，羊扒都嫩滑，雞翼既口味都有4、5款，我個小朋友就好鍾意食呢度既蜜味义燒粒，因為無骨易咬又入味～豬排份量十足，厚切，燒既時間要耐啲囉啲坐位都算寬倘，空間都足夠，仲有大風扇。交通都方便既，小巴、巴士站落車過馬路就到。小朋友有得玩，大人有得食，個日小朋友都玩得都好開心

作為屋企既CEO:chief entertainment officer😎，我經常都會發掘下有咩好地方一齊去玩，呢個bbq場就符合要求，大人細路都啱玩。首先，去燒嘢食唔使自己買嘢食、透爐等，已經輕鬆左一大截！呢度係任食，食物款式大約4-50，肉、丸、腸、包、菜等都有，佢塊豬扒係勁大勁厚，淨係食一塊都飽飽地，等於出去食西餐既一個主菜，而雞翼都有五款，醃得唔錯，仲有雞全翼添！平時都少食。另外有蒜茸包、咖哩角呢啲小食，芝士年糕燒都好食，後來想試吓個福州魚丸都食唔落了。想食海鮮都有架，可以加錢另外買鱔片或蝦，我哋食左幾隻蝦，可能燒得過龍，乾咗d，如果燒短時間應該好味的！呢度本身可以揀港式、韓式或重慶燒烤，港式就係大家平時自己燒咁樣，用燒烤叉，韓式就似出面既韓燒，有個爐可以放嘢上去，不過呢度用既係備長炭而不是gas 爐，所以享受到炭燒香味既同時，又享受到方便的好處。至於重慶燒就係一個長形嘅炭爐上邊，用竹籤吉住食物黎燒，但竹籤要自己吉，為免麻煩，我哋都係揀韓式燒烤了。如果心大心細樣樣都想試，只要夠人多就可以，因為而家四人一爐，人多就可以三款燒烤都試晒啦！飲品方面，星期一至四先係任飲，五六日包每人兩

趁未正式開學，同小朋友把握最後機會玩餐飽，今日嚟咗大美督嘉年華燒烤，好耐之前已經想來，因為佢個充氣彈床太吸引了！由於充氣彈床只開星期五六日，又想避開週末的多人，於是我哋週五黃昏過來，人潮唔多，小朋友急不及待已經沖去彈過不停，充氣彈床有工作人員睇住，夠高又好玩又安全，家長可以放心去燒嘢食了！其實除咗充氣彈床，嗰度仲有小型遊樂場、滑梯，同埋亦都可以買泡泡水、飛機等兒童玩具，連夾公仔機都有！不過淨係一個草地，其實都已經夠班小朋友喪跑放電。行入嚟先知呢度嘅地方真係超級大，燒烤位置分幾個區域，有露天草地燒亦有有蓋地方，而且燒烤亦都分享港式、韓式和重慶燒烤，價錢一樣，星期五六日成人每位$188 ，小童$118 ，限聚令之下要四人一爐，開爐費$50 。今日我哋就揀咗個韓式燒烤，幫我哋開爐嘅工作人員話，呢個爐係新訂返嚟直接韓國入口，同出邊嘅韓式燒烤不同的是，呢度係用備長炭燒，令到火力更均勻，而且都幾襟燒喎，我哋燒咗三個幾鐘，完全唔使換炭。可以享受炭火燒烤之餘，又唔使自己拎住隻叉，可以舒舒服服邊傾邊燒，唔錯啊！食物方面，一開始嘅時候佢會俾個標準裝你，有最基本嘅腸仔、丸、雞扒、牛扒和叉燒等，食完呢roun

話說好耐無BBQ ，上網揾到呢度有韓式BBQ就唸住黎試下喇！路程方面唔難揾，汀角巴士站行1分鐘已經見到大大個招牌。一行2大一小，比我想像中大好多好多，而且風景好靚。我地等緊開爐嘅時候，我就同小朋友四圍行下。完全無唸過噤大，同埋有個遊樂場！仔仔一見到梗係開心啦！重點係，小朋友可以玩住等嘢食，噤就唔會覺得唔耐煩。我地坐室內位置，都好大下。食物方面，種類都算多嘅，有個食物盤比我地，食完再揀選噤。食物我就推介呢個蜜味叉燒粒同燒汁牛扒，好入味多汁好食！向呢度仲有夾公仔機，啱哂小朋友，而且唔貴！我地好好彩夾到！整體黎講，一家大細有得玩有得放電，又任食，都真係唔錯嘅選擇！會再黎！

燒烤最緊要係個爐、燒烤場有三款選擇有韓式燒烤爐、重慶串燒爐、港式燒烤爐。揀咗韓式爐後、職員就帶返我哋入座、勁鍾意食雞翼嘅我、見到有五款選擇嘅雞翼仲要不含味精、有d驚喜每爐額外配有一啲菠蘿、黑椒腸、蜜糖、紙巾招待、由於閒日去既關係、飲品任添又多選擇。燒烤食物本身既調味剛剛好、唔會偏䶢，但都有附上胡椒粉、油既調味。拎完野食之後，見到燒烤場設有兒童設施比小朋友放電一流、放完電就可以慢慢燒、補充能量！想放假去一去郊外地方燒烤，又唔想準備食物、炭，又一家大細想幫小朋友放下電既可以試下

一直想燒烤，然後見到個店名以為係每年一次的嘉年華活動，就跟朋友去報名預訂，後來先發覺原來只係一個店名。 因為疫情，開左2個爐，一個港式一個重慶，不過都係推薦重慶爐，可以解放雙手。食物方面，最好食係牛排，店鋪自己腌的食材，味道都好足夠。有滴甘既食物質素已經算好好了。會送每人2罐野飲，都夠啦。另外，外面仲有供小朋友玩的遊樂設施，同供情侶影相的同心鎖，風景還是不錯的

大美督有數個燒烤場，今次選了嘉年華燒烤。場地比較大，有蓋冇蓋兩者均可選擇❤️平日飲品任飲，場內有小朋友吹氣遊樂設施夜晚要打卡燈光食物不是自助的，要叫職員幫你，非常衛生

食物不是自助取的、我們2⃣️大4⃣️小要加$100開2⃣️爐、食物比隔離的麥師傅差很多、特別是肉類、非常失望、而且管理人員態度差、大家有選擇下、而且收費貴！以後我去其他的。我們真實的意見、給各位參考一下！