大皇拉麵小籠包 (已結業)

首先要講番樣野, 呢間唔係上海店, 係一間比茶餐廳高級小小ge rest. 佢d 野食算係ok ga la~ 但係我都覺得係黑店, d 野貴到死~ 又小又貴~ 完全唔合理!!! 入到去成日都叫人食小龍包, 食crab個隻, 因為係60蚊4 隻~ 次貴~ 真係好唔掂呀!!!! 應該價錢同野食ge 份量合理d 就好la~

這間食店可說是我到過的食店中最差的幾間之一.service 差不在講. d 食物真係好好好好好.....難食.從來無飲過咁難飲的酸辣湯, 又唔熱, 又稀, 又唔酸, 得個辣字, 不知所謂從來無食過咁難食o既小籠包, 一夾即散, 完全無小籠包應有的香味, 古古怪怪!現在回想起都令我食慾大減!!!!

點了:面k $24牛腩面:難食,味如水海蜇:超難食,一點味道都沒有,超細碟牛腩面+海蜇+drink 是套餐,$42,很不值至尊小龍包k 但$24 4個,不值地方不衛生,太太比蚊咬了好幾個大包,食具破,tissue 也沒有侍應態度差,最後埋單時還算了加一(menu冇寫),付了$100受難,完全是打開門騙錢

同D朋友趕住睇演唱會，經過見到呢間食肆，見佢個門面尚算唔錯，就入左去試下。裡面唔算好多人，D待應一D都唔忙，但佢地D態度真係好唔得，我地叫野食個時，個落單阿姐好似好唔願意咁，一路落，一路"gip gip"聲。我叫左碗手斯雞拉麵，個碗賴大，個其實得好少料同麵，仲有D味好淡，D湯好似"水"咁，一D味都無。D小龍包好唔得，仲話係招牌菜添。D野食難食，服務態度又差，埋單每位都要成$60元。我地成班friend以後都唔會再來呢間野食。

昨晚跟朋友一行八人於7時左右入座，當時全餐廳入座率只得兩成，侍應人手充足亦不見忙碌，下單時我們輪流叫自己的一份：「擔擔麵呀唔該...(不足半秒)...呀!唔好意思，都係改手撕雞米線呀唔該。」再望望此中年女侍應，她已眉頭緊縐，蔑嘴蔑舌的「摺」聲四起! 一點都沒誇張，她不耐煩的「摺摺」聲浪及頻率，均慌死客人聽不到。待她一輪「摺摺」過後，我再叫一杯凍檸茶少甜，她即縐著眉頭道:「摺...即係前後幾杯檸茶呀?」，然後自言自語道：「摺...寫死人咩。」我的朋友答過後，她隨即轉身，用不大不少，剛好我聽到的聲量說：「真係麻煩！」無奈當時我們人多又趕著看演唱會，故沒轉身就走，朋友又怕她在食物加料，故不敢多言。直到那女侍應在茶水吧公然大喊：「唉！麻鬼煩，唔駛理寫咩啦，總知前後5杯凍檸茶喎!」我即忍不住向上緊菜的老闆娘(狀似)道：「乜寫5杯凍檸茶好煩咩?位侍應的態度好差喎。」那女侍應即時走過來為自己平反：「茶水睇唔明，我話茶水之嘛！」老闆娘解畫：「佢\唔係咁意思啦。」由於不想人家因此丟掉工作，故當時我們就息事寧人。不計服務，此店食物質素方面比cheap cheap 商場的foodcourt還差，我叫了一碗手

去開尖沙咀行街, 友人突然想食豆沙窩餅, 咁又係附近, 就入左去啦。入到去, 我地叫野食, D侍應十分沒有禮貌。我地坐左落張台到, 走黎叫我地坐第2張,個到又唔係多人, 得個幾台人, 咁我地都冇所謂。叫左個雞絲粉皮,揚州炒飯,小籠飽,酸辣湯,豆沙窩餅。雞絲粉皮唔夠凍囉,D粉皮痴住曬,D花生醬落得太多囉, 又勁細碟,失望>.<。揚州炒飯,咸到死呀, 同埋勁細碟,2個人食左少少就冇左啦。之後個酸辣湯仲衰, 好似"士"油咁,又"希"WO,想係想鬧人, 飲左少少都冇飲啦。小籠飽, 個侍應叫我地一定要食,話好出名, 咁我地叫左6隻。黎到,唔OK囉,D皮唔知點咁。最後,我友人期待既豆沙窩餅,係極極極少,黎到我地Ｏ左咀囉,好細舊＝．＝。個皮又硬, D豆沙唔好味, 不過咁多之中係唯一最OK個個囉。期間, 我個FD不小心倒瀉左杯水, 個侍應見到, 係到話哎呀, 之後就冇理到我地＝．＝。跟住另一個阿姐好少少,幫我地抹,但唔幫我個FD加返水囉。之後我個FD叫左幾次先幫我地加返。埋單,我個FD叫佢比單我地睇,佢要我地比左錢先比單我地, 之後我地比左錢, 再問佢拎單, 佢話冇WO。跟住講講下又好

響尖東諗住平平地，點知一食即死。食少少野，兩條友一飯一麵一小食，埋單都過百。食快餐都加一？搞錯!!!D小籠包可明顯係雪野。完全唔掂。好差，真係好差。

唔知食乜好，見行過咪走去試吓law！一試即頂！完全唔掂，我煮可能仲好食，雖然我唔識煮叫咗個醉雞拉麵，一咬件雞，已經覺得唔對路，好硬，乾身，o的麵應該係翻煮，摷晒皮o既，個湯底苦o既，顏色好似魚湯，但冇魚味，我地都食唔出係咩味。仲要數茶錢，我地每人飲得2杯，即係$1 per杯Sevices就唔講嘞，越講越興！

11/3/2006 7:30pm和女朋友d在尖沙咀找地方吃晚飯，因為女朋友喜歡吃上海麵食，所以便來這裡來。還境不太差，尚可以，叫了酸辣拉麵和牛腩拉麵，麵質不錯，女朋友很是歡喜。但服務態度真是九流，落單的時候不斷舉著手也沒有人理會，侍應態度囂張，不可一世，就連筷子也要自己出去拿，埋單的時候又計算多了，白白騙了我數元。他們的服務態度那麼差，我想不會來了。

病到死死下都要外勤，簡直攞命。上次飄過附近發現有呢間食店，一心想試，咁岩今日去新東海整d大陸文件既簽証，攪掂就過黎試下。唔知係我個樣似學生定我本身個人比人feel到寒酸呢，入去到叫N次都冇人拎餐牌黎(無人理我=^=)…見到跟我之後的大年紀客都已經有餐牌響手….好辛苦終於叫停其中一個亞姐，佢竟然說：“下午茶未出呀，所以唔畀餐牌你住呀~~“我好嬲呀，我咪話“依家我唔叫下午茶得唔得呀，我鐘意齋叫丫~~~“攪左5分鐘，餐牌終於到手=口=想食上海粗炒menu上冇，一問之下點知好貴，肆呀幾蚊鬼食咩。睇睇下其他野都幾貴，叫湯粉就平d。叫左個’老’水雞翼米線$26：雞翼味道不過不失，唔特別；湯淡喵喵的，有點失望；反而佢既米線滑到不得了，真係好幼細同滑﹗食完唔夠飽，一心想食下乜野係豆沙窩餅^^齋叫$20下午茶就$18，叫左一個再配蜜糖紅茶囉^333^見個麵唔好食諗住小食都唔特別，點知個窩餅超好食，即叫即整，裡面d豆沙唔係太多，夾得岩岩好﹗反觀杯野飲好難飲…..我喉嚨痛呀點唔好飲都飲d潤下佢囉(哈哈)唔使加一，一個lunch$44。服務嘛，無人理我反而年紀大同熟客就成日理佢地…嗚嗚~雖然想試小籠包，不過唔

早排同男友一齊黎食晚餐,我要左鱔糊拉麵同小籠包,男朋友要左個排骨拉麵。結果男朋友碗麵好快到~食完哂先到我果碗=.=其實果陣6點幾姐,客人又唔多= =點解都咁耐的?珍珠奶茶呢~得個甜字小籠包的款式好多,不過都係試番佢最基本果種先~可能新鮮整,所以都再等左10分鐘度,入面都幾夠湯,可以放滿一個匙更呢=v=最欣賞依樣!

13 Feb,2006 星期一這晚和男友睇陳奕迅演唱會,到這裏食dinner。男友選了香菇拉,我選了手斯雞拉麵。上枱時看似很熱,但其實不是。味道只是比一般更一般,。所以我和男友不用20分鐘便吃完埋單。埋單: 約HK$6X.00

尋日同3個friends去食下午茶, 我第一次去呢間野, 睇到d價錢係TST都算幾平,所以試下.我同2個friends都叫拉麪, 我個碗叫"手撕雞拉麪", 但我覺得應該叫"雞絲拉麪"囉!!!雞絲係用刀cut既.....又乾又'鞋',完全同手撕雞唔同!!另一個friend就叫左"吉列魚柳沙律", 大家一般見到既吉列魚柳沙律都係配d菜or少少生果架啦係咪??但我真係第一次見到d餐廳會就咁俾三塊乾既細魚柳---然後就咁唧d沙律醬係面就係所謂既吉列魚柳沙律!!!大佬!!!呢間係上海餐廳姐!唔係外國餐廳呀!d 中文水平咁差既?? 好明顯個碟應該叫"沙律醬魚柳"啦!!!好誤導客人囉!!超級唔值!!而服務水準,唔洗講,大家睇之前d食評都知有幾差.雖然價錢唔係貴, 但呢d咁差既餐廳真係唔會再去, 費事貼錢買難受!!

今日星期五下晝3:00幾去到，見到出面玻璃貼住，有寫下午茶，一碟飯+一杯飲品=26，見都OK，入左去照叫，食完埋單，盛惠$50，有冇搞錯，問佢，佢話單冇寫就冇下午茶優惠，計正價，份量多D GA，首先我唔覺大碟，二來我照張POSTER唻叫，你又唔出聲話冇平，擺明係屈。50蚊可以食餐好好GEI下午茶LA,我以後都唔會再去

(1) 服務態度"完全無"，自己o黎都無咁"慶"！(2) 檯未清潔好，就放o的筷子o係度！(3) 有o的侍應個樣... ！(4) 又落漏單！(5) o的食具洗唔乾淨，好dirty！(6) 食物好差，o的湯仲有昆蟲o係度浮下浮下！(7) o的侍應叫極都唔應！(8) 我杯檸檬茶仲十世都唔o黎，最後仲要自己親自去拿，問您死未！