影片
电话号码
25112818
营业时间
今日营业
14:00 - 23:00
星期一至四
14:00 - 23:00
星期五至六
14:00 - 00:00
星期日
14:00 - 23:00
以上资料只供参考，请与餐厅确认详情
食家推介
叫咗个网上外卖平台外卖 两碗 一碗系腐竹糖水 一碗系紫米芋圆 一打开个糖水得六成 另一碗就正正常常嘅 先唔讲味道 即刻联络店舖 净系话拒绝退款 系正常份量 即系点即系另外一碗正常系施舍畀我？ 跟住社交媒体网站联络佢哋 仲搞笑 话佢哋嘅标准系300ml 会唔会系畀咗个大碗我 根本两只碗一样 我真系笑咗出嚟 就算你话用左个大碗 系咪应该要同个客讲呀 仲问我屋企有冇办法度到系几多容量 依家我系客 我觉得我系畀你玩多啲 你身为一个负责人唔系咁样讲嘢呀 同埋如果你真系话要300ml 系咪要系个menu度写明呀
继续阅读
屋企人住天瑞邨，以往每次返去食饭都必买大甲芋圆。自从两年前开始有几个出名既影片分享平台红人介绍之后，佢地既生意系好左，夜晚堂食好多时候都差唔多满座。上个月系大甲芋圆几个月前转左餐牌之后，我第一次再帮衬，发现新餐牌既糖水种类多左好多，多左好多港式糖水。由于唔知食咩好，听左店员介绍佢地杨枝金捞（$42）同仙草特盛（$38），味道系合格，只系价钱上无左之前$2x就食到个种抵食既感觉。但今次要写食评系因为每当我睇餐牌，店员就好主动推介，推介亲都系算贵既糖水。今次佢推介俾我既系芒之迷（$38）同豆花特盛（$38）。豆花特盛卖到$38，仲要无左有馅既包心芋圆同芋泥，我已经有d失望，不过味道系正常，合格的。但不可不提芒之迷，由于餐牌无写系包括咩配料，落单时问左店员系咩黎，佢话系芒果汁、小丸子、芒果雪糕同新鲜芒果，我都几钟意食小丸子，所以就嗌左。我一打开个盖，我真系呆左，卖到$38，个份量系装得个碗既2/3都无，只系一半再多dd⋯⋯小丸子10粒左右，芒果6粒左右。我宁愿佢装个再细d既盒比我都无咁肉酸。因为本身芒之迷个外卖碗系矮身过豆花特盛添嫁啦。呢个价钱，我想讲行去天瑞街市有芯记、有锦记，真系唔一定帮衬你大甲。老实讲呢个价钱我可以去T town 食椰子妈或者天水围一糖都系差唔多价钱。希望大甲你睇到评价，重新考虑过自己定位同定价，你要加价无问题，但水准同份量要成正比呢！
继续阅读
餐牌转咗味道都冇变， 冇咗糖煮芋头。多返有馅芋圆🤤 好味😋 叫咗宇治牛乳芋圆，仙草特盛同埋红豆凉粉。大家都话味道冇变，好似仲好食左。不过系真系贵左啲，但都系正常价钱。之前真系太平。 但有啲挂住招牌大甲，如果之后有返就好了🥺 仲有 糖煮芋头🥲🥲
继续阅读
装修完第一次食，外卖自取番屋企食。叫左一碗海底椰仙草配花奶同埋急冻芒果西米露。点知道第一碗嘅份量得外卖碗嘅一半，而之前个外卖碗系大啲而且份量都足一碗。跟住第二碗就完全无俾到芒果，净系得珍珠同埋西米。失望，差评
继续阅读
装修完第一次帮衬，转咗新menu，除咗芋圆仲多咗好多唔同款式嘅糖水买咗𠮶$30 芒果西米捞现实得到嘅就系几粒芒果+几粒西米+几粒珍珠同埋一大碗奶用一个碗都装唔哂啲奶食完同冇食过一样，呃钱以前主打食芋圆抵食好多，而家价钱贵咗仲要𠮶份量少到咁失望，唔会再帮衬，$30买咗碗垃圾，嬲到即刻上嚟写我既第一𠮶食评。。。。。。。。。。。。。。。。。。。。。。。。。。。。。。
继续阅读