影片
招牌菜
7-6-2025(Sat)晚，同老公离开女友人WYP屋企后，谂自己晚餐，老公话买麦方包或沙律菜夹烟三文鱼食，咁行嚟呢间睇重有冇，因时间都唔早，嚟到时店员都执嘢准备收舖喇。我就直接问有冇麦方包？佢哋答有，咁我就拎一包$12.00有4片，准备俾钱时，店员话买多样嘢有八折，um...，睇吓有乜嘢？见到特浓朱古力软心包好似好吸引，店员话好食㗎。咁就要呢个啦，呢个原价$16.50，两样折咗后系$22.80。返到屋企，老公就安照佢嘅计画，将麦方包搽上芝士后，夹烟三文鱼食，食到佢好浓麦味，系混咗好多小麦，而口应干嚡系正常事。4.5分至于特浓朱古力软心包，我哋到翌日（8-6-2025 Sun）朝至当早餐食，而之前都留意到佢哋有张label建议客人用微波炉叮10分钟，令左朱古力软心变成流心，咁会好食啲。我哋先试唔整热嘅，佢朱古力味道真系好浓，包身几干，朱古力馅系软心。之后我用煎pan煎热嚟食，朱古力馅明显变成流心，但因为我煎嘅时间唔够（大约20秒（？）），而且将佢转住连面都煎，所以唔系完全流心，不过个包被整暖少少，感觉都好食少少。或者我下次留意吓，只煎个底。5分上次食评系2025年2月1日提交嘅呢篇：https://www.openrice.com/zh/hongkong/review/y-%E7%AE%97%E5%94%94%E9%8C%AF-e5892033https://www.openrice.com/zh/hongkong/review/y-%E7%AE%97%E5%94%94%E9%8C%AF-e5892033
继续阅读
在 3月份的 Staycation，我自己四围去寻找美食！ 那天，我走到荃湾，主要想去日式超市激安殿堂 Don Don Donki！经过荃湾众安街的 <大班面包西饼>，顺便买定早餐给自己吧！店内有不少款式的面包、甜品及蛋卷！所以，忍不住买了一盒咖啡瑞士蛋卷，留待翌日早上做早餐！咖啡瑞士蛋卷 $32打开包装盒，散发诱人的咖啡香气！ 共有6件！瑞士卷拿上手很松软轻盈！质感密度高，软绵绵的海绵蛋糕质感，入口甜度刚好，配上一层香滑的奶油，湿润口感！配上一杯酒店奶粉冲制的牛奶，简单美味的早餐就够饱足嘞！
继续阅读
真香港人，要食月饼就选择真正属于我哋香港人嘅冰皮月饼。冰皮月饼真真正正由我哋香港人所创，而冰皮月饼就系由「大班面包西饼」发明的，support Hong Kong，所以我就买大班冰皮月饼食。今次呢个中秋节我买咗𠮶个系「冰皮玲珑九星月饼」一盒就有九个月饼，8个细一个大，分别就系，杨枝甘露绿豆蓉、经典绿豆蓉、流沙芝麻豆蓉、海盐焦糖爆脆vanilla豆蓉、西尾抹茶红豆豆蓉、栗子豆蓉、榛子朱古力豆蓉、翡翠绿豆蓉、芒果绿豆蓉。唔同馅料嘅月饼当然有唔同嘅味道，好难去比拼边一个特别好味，我自己就觉得经典绿豆蓉系特别好味，因为始终呢个系原始，特别有情意结。海盐焦糖爆脆vanilla豆蓉，系另外一个我特别推荐嘅口味，因为味道实在特别到我根本唔知道点样去形容，味道又特别口感又特别，就好似味蕾大挑战一样。
继续阅读
每逢中秋节都一定会买冰皮月饼 🥮，众多选择之下都一定会拣大班。除咗因为老字号之外其实试过出面咁多牌子都觉得大班嘅冰皮月饼系最好。蛋黄绿豆蓉。由冰柜拎出嚟解冻约10分钟左右就可以食，外层烟韧。绿豆蓉入面有蛋黄粒，好有口感，而且唔会太甜。一口气可以食两个啊。题外话，店员如果态度好啲就会更加好啦。
继续阅读
秋风起，猫人肥！又系时候四出搜罗月饼来孝敬屋企人，今年猫人预备咗多款冰皮月饼，满足咀刁嘅为食猫家族😽😽！其中嘅和风新惊喜系列 🎏~ 西尾抹茶，简直让猫人😻😻眼！将迷你冰皮荳蓉月饼，融合了来自名古屋嘅西尾抹茶精萃，拼合出抹茶焦糖爆脆、抹茶拿铁及抹茶红豆3款新口味！抹茶焦糖爆脆 ~ 甜蜜蜜里有回甘，口感层次几丰富，软中爆脆兼爆趣！抹茶拿铁 ~ 白色奶油流心效果令人垂涎欲滴，好似细味一杯滑溜溜嘅拿铁咁写意！西尾抹茶系列属轻便装，1包有两个月饼，同一口味。作为抹茶控嘅猫人，揾机会要试埋呢个系列余下嘅抹茶红豆味先！而另一系列则为「冰皮玲珑四色伴官燕月饼」礼盒装，内里包含1个标准装冰皮官燕豆蓉月饼、每款各2个迷你豆蓉冰皮月饼，口味分别为：黑芝麻、心太软朱古力、芒果及经典绿豆蓉，即一盒总共9个冰皮月饼。心太软朱古力 ~ 一口咬开时犹如朱古力喷泉在咀里瞬间爆发，味道适中而不会太甜腻。流心黑芝麻 ~ 每啖可感受芝麻糊嘅棉密细滑，so sweet！其余嘅芒果及官燕冰皮月，就留待中秋再压轴品尝啦！
继续阅读