大班麵包西餅 (已結業)

今日有同事下午請大家食蛋撻，就買咗大班西餅嘅蛋撻！拎到返公司仲係熱辣辣，因為買嘅時候係啱啱新鮮出爐啊！佢嘅蛋撻蛋嘅比例係比較多，而且焗得岩岩好，唔會焗完粒左入去中間，曲奇皮做得夠脆，成個蛋撻都好大個！下午茶食返個蛋撻真係好寫意！

由於我非常喜歡食麵包，所以經常一日三餐都食麵包。琴日剛好經過旺角，竟然發現了大班麵包店。本身大班就唔係有好多分店，所以一見到就馬上入去睇下有咩特別款既麵包賣。俾我發現左布丁麵包，好奇之下就買左一個試下。個麵包好軟熟，布丁唔會好甜，兩樣野個味道好夾，好好味，簡直一試難忘！

今早我們要去西環做嘢，本來諗著做完嘢之後先食中午餐，但行過旺角快富街嘅「大班麵包西餅」見到新鮮熱辣出爐嘅麵包，就忍唔住要買嚟食！我們買咗媽咪最鍾意嘅合桃提子菠蘿包，面層嘅菠蘿皮非常香甜酥脆，另外仲有啲瓜子舖面，提子包嘅包質相當香甜軟熟，而且提子乾嘅份量亦都幾多，差唔多每一啖都可以食到香甜嘅提子乾，真係超正呀！白汁鷄丹麥包嘅鷄肉肉質都幾軟滑，但醬汁同沙律醬嘅份量比較多，所以感覺比較膩！玉桃蘋果玫瑰花包嘅外層係麵包，內層係用香甜蘋果肉圍著，而中間亦都係麵包，砌成好似一朵玫瑰花咁，令到賣相精緻吸引，真係好有特色！

(827)原來大班麵包西餅始創於1984年，分店逐漸增加，Open Rice 記錄，全港暫有32間，基本上各區都有分店，這天行經旺角，有些餓，又趕時間，就在這裡揀了一個流沙芝麻包，即時可以填填肚。流沙芝麻包，做特價，每個賣5.5元，包身不是很軟熟，內藏黑黑的芝麻餡料，沒有呈現慾流的姿態，我想...剛出爐時，也許是會流的...，口感話我知，這個包誕生已久，唯一來說...味道還是可以。有時...沒有太多時間，簡簡單單的吃個包，快捷又方便。