大爺燒鵝 (石圍角村)

大前日（13-6-2025 Fri）晚，因老公帮佢男友人TW整嘢，所以都系我自己一个人食饭，由于屋企已经冇菜，又唔想整餐肉炒蛋或煎蛋，买外卖啦，食咩好？烧味，又想食烧味，但石围角冇烧味，一系茶皇殿，跟住谂到我好耐冇帮衬嘅呢间，我连名都唔记得，咁环保啲，就嚟呢喥堂食。嚟到时，见佢门口贴住所有食品，堂食外卖全日八折，咁我入去，都重有位。睇完menu后，决定要$75.00嘅乳猪四宝饭，加$3.00要热柠水。落完单，首先系例汤到嚟，捞起睇，系青红萝卜汤，一饮，味道几甜，几好味。5分热柠水到嚟，我食完饭至饮，都唔系笃得好犀利，第一啖都已经涩。0.5分乳猪四宝饭到嚟喇，睇见排得几靓，有叉烧，半只咸蛋同油鸡。油鸡俾咗鸡翼位，都几咸同肥，麻麻。0.8分乳猪，系全肉，但好细件，个皮唔脆系韧，好失望。0.5分叉烧系全瘦，都松松地嘅，但味道唔够。2分咸蛋应该系正常啩，但原来唔系，蛋黄有啲干。2.5分饭就OK软熟。3分服务：系有礼貌嘅。3.5分环境系3.5分抵食：八折后收$62.00，都系如果唔系有折，就唔会有咁高分。2.7分上次食评系2024年12月5日提交嘅呢篇：https://www.openrice.com/zh/hongkong/review/%E6%9C%89%E5%84%AA%E6%83%A0%E5%B0%B1%E6%8A%B5%E9%A3%9F-e5806122…查看更多

晚饭去食烧味饭，叫咗半只豉油鸡同埋烧鹅下装，再加一碟油菜，送两碗例汤。例汤味甜有味素师傅嘅痕迹，油鸡就够晒大只，豉油味淡而鸡味亦清淡有啲嚡口，但好彩无干净净𠮶种口感。烧鹅一般，烧鹅皮韧而肉质亦都唔系咁腍，味道就浓郁有淡淡五香粉味，小店收一百七十八个大洋嘅烧鹅例牌下装觉得有啲贵。油菜冇油淋淋属于健康系列，两个白饭就收钱$12一碗，第一次食到有微微发黄嘅米饭，唔知系咪捞咗少少鸡油，但系睇落又唔似，米饭缺乏饭味而软热适中。屋邨小店埋单二百九十五唔算亲民，堂食唔多客人，但系外卖似乎就多啲人帮衬。烧味饭店楼面及餐具都干净清洁，但系出现几只乌蝇仔飞嚟飞去，老板需要立即搅搅卫生灭虫活动。…查看更多

这间烧味舖是在新冷气街市，这间其实是一家烧味舖加餐厅，有烧味同烧味饭外卖，店舖就位于街市门口ok便利店旁边非常容易找到，今天是第一次来，叫了一个油鸡加烧鹅幼面下午茶先有34蚊冻饮加三蚊，份量一般唔系话好大份，味道都唔错烧味够林，胜在系环境唔差，午餐就有平有贵50到90蚊都有，认为太贵嘅话可以食外卖烧味饭盒，35蚊单拼38蚊双拼，都系畀其他烧味好贵几蚊。算系喺石围角多咗个选择，唔使呀我都成日食麦当劳大快活同埋𠮶间车仔面。…查看更多

台风半日要返. 谂住食过15min快饭赶巴士返工好多人等外卖. 入面都有一个位.伙计有啲乱. 师傅3个. 切野速度慢，可能新埋位唔熟位唔就手。等左10分钟先黎. 叉烧同烧肉好干身比柴好少少. 同地盘饭差唔多。本身可能其望高. 失落大最最大问题系冇落鼓油. 同伙计讲想要加d鼓油. 佢比竟然俾支家乐牌鲜露，完全唔夹味🫠60蚊食真心贵. 份量偏少. 最后我勉强食晒啲肉. 饭食左一半. 真系太干食唔落。本来想俾1分. 不过佢新开张. 希望有改进. 食物提升下. …查看更多