大熊本洋風料理 (已結業)

今日唔係第一次去食6,7 點去到好奇怪,全場得兩三成位有人坐記得之前個次去要等位我同女朋友兩個人去帶位小姐帶我地去到最入o既梳化4人台我見冇咩人咪諗住同女朋友一齊坐同一邊o既梳化位點知個帶位小姐即刻態度極差咁話:果度唔坐得!面對面坐啦!嘩~大姐呀~我心諗你咩態度呀?你好聲好氣同我講,我唔介意面對面坐但你咁o既態度....本來心諗唔食算數不過費事女朋友餓親最後我向經理投訴,先下到啖氣坦白講呢度d野食唔差但咁o既服務態度.... >.<再幾好食我都一定一定一定唔會再幫親!!!p.s. 呢家咁少人去食,都唔知係唔係因為服務態度唔好呀~

都食得過，不過環境怪怪地。今次食o左：1.魚乾燒- 甜甜地，幾好食2.蟹肉汁海鮮焗飯- 大份，但係以蝦最多...=.=3.九州叉燒拉麵- 唔錯，不過個湯唔夠濃4.三文魚+北寄貝刺身- 幾新鮮5.燒多春魚- 都ok環境主要係個景好假，裝修唔靚同埋播D同氣氛一D都唔match的音樂，但都幾乾淨。如果只著重味道都食得過！

約左大班朋友食飯，十個人叫左好多野食，至少包括：　麻醬鮑魚雞絲冷麵-幾好食o既開胃菜~炸軟殼蟹-麻麻~咖哩香蔥餅-用日式咖哩配香蔥餅，不敢恭維~炒野菌-ok~北海道帶子牛油燒-失望，唔好食~蟹肉汁海鮮焗飯-料偏少，好在味道都唔差~三文魚辣泡菜飯-怪怪的味道，麻麻~炭燒南瓜-冇試no comment燒金菇牛肉卷-ok~綠茶雪糕巴芙-冇試no comment紫蕃薯雪糕巴芙-一般~炸雲呢拿鮮奶-麻麻~紅荳芝麻球-冇試no commentHaagen Dazs雪糕拼盤-有strawberry加夏威夷果仁味雪糕各一，再加清甜菠蘿，good!一定係全晚最好食o既dessert!　overall食物水準、環境同服務皆一般，但價錢更低，都算食得過~ o係旺角，好o既食肆一向比較難求，依度算不過不失啦~

因為我係星期二夜晚去，所以冇咩人。我同fdfd 係去食芝士火煱個度有兩款1. 肉2. 魚我兩都選左肉因為我唔食魚開頭等左好耐，以為仲未熱d 芝士，後來個經理話我地知，如果一熱就滾上黎，所以就即刻將d 食物放入去。佢個野另一邊仲有個炸野用既平底獲可以燒下d牛肉不過好易痴底唔係幾好d 雞肉冇咩味大家要快d 食，如果唔係就會好流架啦....一個煱兩個人食夠哂。d 料其實都好少(肉類) ，菜就一大咋...法包ok啦數量!!!238 蚊兩人埋單!個景好假...d waiter 要叫先識裝水!!!好煩!!!

見佢有個百零蚊既芝士火煱就上去試下, 叫左有龍蝦果個, 隻龍蝦都ok大既, 其他材料有三文魚同北寄貝剌身, 同一d 菜類. 個煱好似好耐都唔滾咁, 不過味道都可以. 不過比較出面幾百蚊既芝士火煱, 呢度都食得過.

10月11日下午12 點幾原先諗住去唱k，點知度度都full，於是走去食飯算，唔知食乜好就黎呢度試下，上到去得四張table有人坐，total有廿張table。所以可坐窗口既卡位，食物普通啦，不過d鐵板燒好抵食，三十幾蚊就有仲包凍飲添呀…個fd話唔錯。我就食拉麵，不過好淡lor，唔係好夠味。

星期日同朋友睇完戲後上去食飯,叫左個泡莱鴨胸飯,等左成半個鐘先到,一落枱己聞到一陣酸宿味,再聞清楚,嘩!D飯好大陣酸宿味,同個侍應講他攞入去一陣攞出來同我講:師父話,係咁樣,個D係泡莱味.我攞D泡莱聞下比較跟本係2種味,係泡莱味同酸宿味.同個待應抝左一輪先同我講食第二樣,真係激死我!

昨晚和朋友在旺角買電話, 後來看見大熊本的RECEPTION 好有禮貌就上去食Dinner , 叫waiter/waitress order 食, 個個唔想寫單, 叫左個鹿兒島燒餅, 好難食, 是否餡料懷, 諗起都想嘔... 其它食物都幾好, 不過份量太少, 要加食又冇人理會.最後都冇加到埋單走人. 這餐廳服務態度太差, 以後都唔會再去.

地方就逼左少少,張抬好細,但算就腳。order 如下:芝士火鍋: 有d失望,只係普通好稀既芝士汁，但要快手食唔係就好快轉濃甜刺身: 幾新鮮，金龍卷: 好有口錦鹿兒島燒餅(薄餅): 內有芝士、肉粒等西京燒牛肉: 細細粒的牛肉，配帶點酸味的醬汁

最好食係金龍卷, 其他壽司一般,如果有非吸煙區就好.

今日食左個焗蕃茄豬扒飯，下午茶廿几蚊，食完都幾漏har.. 個飯越食越麻麻lei.....

同屋企人上黎呢度食野,叫個麻醬冷(唔係好記得個名),都唔錯，仲有個甚麼雞絲青蘋果沙律,酸酸地咁,好開胃,叫個泡菜飯,果陣味酸得黎怪怪地,味道普通........蟹子海鮮炒飯都算幾多料,可以試下!!!整體來說都可以，下次會再去!!!

平就平.但我上次食d 野就一般喇我family就話好食...我就一般啦幾好坐環境唔錯

尋日食左,叫左兩個下午茶餐,一個芝士汁三文魚焗意粉同咖哩汁牛奶拉面...個拉面夠大碗,牛肉夠多,味道唔錯,夠快送到個意粉雖然等左成三個字,不過食落都好好食,好香芝士味,食落d芝士汁味道濃郁,值得一試,意粉唔似意粉,似E面多d, 不過仲好食五十一蚊埋單,已加一服務態度好,環境都唔算差,夠多卡位...總之,今次算係幾好,下次會再去....

叫左個芝士火鍋,真係唔得!一來太稀,仲稀過金寶;二來太甜,易陋!d芝士稀到唔太stick onto d食物...失望‥唯一係個金龍卷好食,真係成隻大蝦做涵,正!其他都冇乜特別‥個芝士火鍋已經令我冇晒食慾‥坐位方面‥冇卡位坐o既話幾迫...隔離傾乜都清清楚楚...好似一齊食咁近...