大澳砂鍋王

营业中

休息中

行過大澳，都唔知食乜好，點知見到這間餐廳門口有店員殷勤介紹他們的美食，被吸引了，就走入去試試。點了臭豆腐、蠔仔粥、潮州凍豬手、炒銀針粉。首先臭豆腐surprise好食，很有懷舊的味道；潮州凍豬手有凍啫喱配上酸酸甜甜醬汁；蠔仔粥啲蠔仔煮得啱啱好，可惜的是炒銀針粉比較鹹咗一點。小店來講，水準真的不錯。成日到大澳玩都係可能幫襯一些文青feel coffee shop或中菜餐廳，其實都可以幫襯這些地道小店，很有驚喜。值得一讚嘅係，餐廳各位店員都好盡力用心招呼客人，做得好！要繼續努力💪🏼

大澳一向係我嘅bucket list入面，但因我搭唔到長途車而一直冇去到。直至有日發現原來有船搭，先至去番一次，但去到大澳除咗喺阿田阿牧嘅橋度打卡之外，當然要去掃街啦！一到埗之後我就行哂所有景點，包括呢個好鬼遠嘅文物酒店，再沿途買野食。原來到兩點，有檔茶果已經賣哂，又見到沙翁小店大排長龍，所以我朋友去排沙翁，而我就再周圍買嘢食返條龍度，一路排，一路食。最後再食埋豆腐花，飽住肚仔走人，總共$133。 呢間位置幾入吓，而且係新店，主打砂鍋蓋飯與粥品。門口就買緊臭豆腐同油炸鬼，而且係即叫即炸，一入口熱辣辣。 臭豆腐$15x2 臭豆腐聞落就完全冇任何臭味，食落同樣冇臭酸味，只係個普通炸豆腐，但係好食嘅。外皮結實，香脆唔油淋淋。內裏豆腐呈粒狀，質感軟綿，豆香極為香濃。辣/甜醬可以自行喺店外添加，加埋就令佢更惹味。 (想睇埋其除四間食店 可以去到我嘅account度查看大澳餅店/復興行/隱姑茶果/車站豆腐花嘅食評)

大澳一日遊，係食街見到幾得意嘅餐廳，出面有個著財神爺衫嘅聖誕老人🎅🏻第一時間就睇餐牌～ 冰鎮豬手映入眼簾，立刻叫左個試下好快上菜，出面冰凍嘅膠原食落好似啫喱，原來凍食豬手都別有一番風味椒鹽軟殼蟹個人比5🌟！！！香脆可口基本野，但估唔到食落鮮味得來仲有好多膏，唔會油膩，成餐入面最鐘意嘅餸！！仲有叫咗菜莆蝦米炒銀針粉，$38 咁大碟可算非常抵食，味道濃郁，每一條都沾有蝦味～蠔仔粥❤️❤️熱辣辣滾住上，蠔仔鮮美，大澳食海鮮果然唔同d，最叫左「鴨掌、髮菜、蠔豉蒸飯」$53，淋上特別醬汁，飯量幾多，想平平地食到飽肚嘅豐富晚餐呢個係不二之選～基本上全部野食都抵食又好味，老闆好客有禮，同隔離店主都十分友善，feel到佢平時係和藹可親嘅人，一心煮好美食

難得嚟到大澳，除咗食街頭小食，都想坐底食吓正餐，順便休息吓😌（休息完才食過）靚景餐廳今次我就冇去喇想食啲實力派嘅(๑˃̵ᴗ˂̵)見到砂鍋王有咁多人排隊我又試一試先🤪🔹水蟹粥 $68 （細）🦀之前睇《飛虎出征》嘅時候，已經好想試吓水蟹粥水蟹栩栩如生，殼容易開，所以可以啖啖肉咁食，肉嫰滑而且鮮。粥清甜得嚟唔覺淡口，好出色👍🏻除咗有蔥芫茜味外，蟹味就散落喺碗粥嗰度～🦀🔹椒鹽軟殼蟹 🦀又係蟹，不過今次係軟殼蟹，好抵食又大大份，滿足我鐘意食蟹嘅胃上到枱係好熱而且超級香脆🔹招牌豆腐本身都冇諗住點豆腐，但坐喺度食嘅期間見到好多人買豆腐外賣，我哋就試吓喇外脆內軟🤤仲有辣醬 / 甜醬比你點🤭🔹四寶煲仔飯其實我…真係好鐘意食煲仔飯😋抓住冬日尾巴，見到有煲仔飯即點煲仔飯有飯焦得嚟完全冇燶🤓而且足料，有臘腸、潤腸、臘肉、油鴨😎正正正！食完暖曬～😜🔹潮洲凍豬手特別野，老闆誠意推介俾我哋me之前都冇食過係凍嘅豬手，外面仲有層凝膠（係咪骨膠原嚟😙？）豬手原汁原味，保留本身豬嘅咸香味📍大澳砂鍋王

在門口位，已經超多人排隊，門口頂位還有一大隻蟹公仔及一個財神公仔，超易找～碗碟都是即棄式那種，每一份都是包裝好的，在疫情下，安心很多💗～水蟹粥🦀～很大的一窩粥，眼見內裡都有3到4隻水蟹，水蟹也算大隻，有蟹肉的；粥底很清甜，加了芫茜更香～髮菜蠔豉鵝掌煲仔飯🥘～新年吃這個超好意頭，髮菜有很大堆，蠔豉是BB那種，數量很多；窩底有飯焦，脆卜卜很香～酥炸軟殼蟹🦀～必吃‼️炸得酥脆又不油膩，數量也十分足，眼看每桌也必點這個～椒鹽炸豆腐🧂～外脆內軟，每件也能夾得起不散～酸辣炸雲吞🥟～雲吞皮炸得脆卜卜，餡料亦很爆，好味👍

第一次去大澳就無晚巿堂食，正正要慶祝朋友生日又想食好D🤔，就比呢間餐廳隻蟹公仔吸引咗😍，叫咗金牌豬肚雞、水蟹粥、臘味煲仔飯、椒鹽豆腐，店家仲借埋個砂鍋比我地😊豬肚雞煲好多料，胡椒味非常濃，就算再加水都仲係好好味😋水蟹粥有一大一細蟹，係有膏架，好鮮甜😋臘味煲仔飯，臘腸潤腸都好香，如果D飯乾身D就更好😏椒鹽豆腐炸得太乾，唔係幾欣賞總括都係正嘅👍👍👍👍👍👍服務又好，幫我地包好哂嘅外賣仲有額外嘅芫荽、胡椒、生蒜、辣椒，令外賣都盡量保持水準，絕對有下次😋門口有臭豆腐同埋勁辣魚旦，下次又試下先