影片
第一次黎食，都完全唔知呢度既规矩...令我感到一额汗既尴尬😰其实之前啱啱开业见到人头涌涌，经过见到咁多人既时候以为有啲信心，然后再睇系海底捞旗下既快餐店，更加增添信心，到今日终于经过就想黎试下，夜晚6点见冷冷清清，放工时间冷清都好合理，就抱住期待既心态入去试下！入到去门口就同个点餐既男店员讲左2次食咩，呀....原来佢唔识听广东话，讲左两次佢先示意佢听唔明，要我讲普通话嗌餐佢先明，然后我嗌多杯冻柠茶，佢就咁比左个空纸杯我，我又一额汗，系咪要我自己冲？点知原来个只杯系比饮汽水既人任fill，而我柠檬茶系厨房水吧冲，到最后比左个姐姐收返只杯。出餐后完全冇饮管冇比餐具连柠檬枝棍都冇比，我又冒起好多怀疑人生，我望望侧边左右又完全冇餐具冇野可以拎，问人先知道入到去坐既时候每张枱枱底都有餐具拎，但...但系饮管同督柠檬其实系要水吧比，到最后我都系要主动问店员先知。等餐既时候望望餐厅啲机器，汽水野饮任饮白饭任斟，自助都几方便，好似几好咁，我就蠢左点解自己叫左杯冻柠茶。🍚 番茄猪扒饭 HKD$33份量有点细，但呢个价钱都合理既，外表都几靓仔呀！试食一刻，番茄汁既假甜真系好甜同好假，有啲唔系好习惯呢种甜度，不过还可以接受，到饭底都惊喜系佢炒饭底，粒粒分明仲见到蛋碎，不过其实都冇咩炒饭味，到猪扒系几易咬口，但始终都系Normal之中既Normal，绝对唔可以话难食！🥤冻柠檬茶 ＋HKD$8我真系好少饮到一杯咁难饮既柠檬茶，我只可以话水吧一定唔识冲茶，除左苦之外，完全冇任何味道，完全冇落过糖浆，自动帮我走甜，都唔紧要！最重点成杯野系苦到落唔到口，完全冇茶底既味道，一杯苦水😪总结：平价劣食😪 其实事实上都唔系叫特别平 如果真系返大陆 呢餐应该10蚊人民币都有找 btw 连水吧都唔识冲茶既快餐店 唔会再回头😪 仲有食唔饱都系一个重要既问题 （不过白饭任装既🤪）
继续阅读
试咗一次好难忘嘅经历😰😰谂住试下一个咖喱焗猪扒饭虽然系炒饭底 完全冇蛋味加镬气但系个饭系好淋最惊人嘅系佢地猪扒🤒完全唔需要有牙都食到😑松肉粉好多 完全冇肉质无肉味🤢🤢炸鸡翼正正常常可惜好重油溢味
继续阅读
呢一间野可以话系平价野中嘅平价之选，喺湾仔呢一个区里面竟然可以有$19 1个粟米鱼柳饭，不过可能太多人帮衬，所以我去到嘅时候已经冇晒呢个选择。我见到隔离枱嗌咗个咖喱鸡焗饭，见到真系好吸引，所以就跟佢一齐嗌，我个朋友就嗌咗咖喱牛腩饭。先讲一讲佢出菜嘅速度，咖喱牛腩饭我哋等咗成20分钟先出到，虽然今日午市比较忙，但我相信有进步嘅空间。而去有一部饭机可以自己拣要几多饭，诚购仲可以添饭，啱晒我呢啲大胃王。佢就连嘢饮都系任饮嘅，不过我惊糖尿病，所以净系饮咗一杯可乐就算啦。讲一讲食物质素，啲人话慢工出细货，可能呢样嘢唔适用于呢间餐厅度，我哋等咗20分钟嘅咖喱牛腩饭难食到呕电，佢啲咖喱汁稀到爆炸，医院餐都冇佢咁难食，不过咖喱鸡饭有惊喜，同大XX 可以一拼高下。点都好，佢喺湾仔区里面都算系一个平价嘅选择，啱晒我呢啲穷苦学生哥，下个礼拜出嚟再实习一定会再试吓佢个肉饼饭。
继续阅读
_____好味指数：🌟🌟🌟抵食指数：🤑🤑🤑之前朋友突然分享呢间茶餐厅，话佢啲嘢好抵食，一个午餐三十蚊有找，咁经济嘅餐厅当然要去试吓系咪真系咁抵食。咁啱喺附近做完运动，就先去试试佢哋嘅早餐。环境都算干净，空间几大，感觉上同其他快餐店差唔多✅香煎猪扒+餐肉+鲜茄通粉早餐比我嘅感觉就唔算太抵，不过都系平嘅。嘢食种类都几丰富，有猪扒、餐肉、餐包、茄汁豆同通粉，而且佢哋嘅豆浆系自己去部机度斟，都几特别。味道就正正常常，或者下次要试埋午餐先感受到佢哋嘅抵
继续阅读
因为要去湾仔拎野，就由新界过海去香港果边，拎完野又唔知食咩好，湾仔间间野都唔平嘛。咁岩经过呢间，友人话好平。叫左个最平粟米班块饭（$19）（饭仲要任盛）加任饮汽水（$5）再加蕃薯条（$10）=$34。平到就算出深水埗都好难揾到平到咁。先讲粟米班块，鱼块似岩岩炸起，热辣辣又无翻炸既感觉，加埋忌廉粟米汁，𩠌饭真系一流，个汁偏咸，本来重口味既我觉得岩岩好，好𩠌饭。六旧鱼块，$19黎讲真系无得输。个饭我个人觉得似用大陆米，饭中心有黑灰色，似内地食果啲平价米。本来好干，但捞埋汁就岩岩好。蕃薯条好香蕃薯味🍠炸得唔算脆身，炸完烘住佢果种，但$10黎讲份量好足。再加埋野饮又系任饮，汽水就预无咁足气，但志在解下渴。。。场内都几新净，仲有部洗手机，职员又好好服侍，整体黎讲，价钱系超值之选
继续阅读