大榮華圍村菜 (已結業)

看見滔哥本人，但其他店員也不見得服務殷勤，仍舊懶洋洋般🤷🏿‍♀️，可惜😏豬油撈飯，沒有以前那麽香，份量也不多。滷水豬仔腳，可算是最出色的一道，滷水味道非常入味，豬仔腳有些大有些細，細的比較普通，大的就非常出色，大大件豬仔腳，其中一邊很大團肉，完全沒有骨，滷水味入味，肉質鮮嫩，滑溜，非常美味。如果全部都是肉又生怕太飽，家人建議叫一個豆腐，結果點了一個椒鹽豆腐，椒鹽的味道有點兒香，但是炸蒜粒不算太多，還好，起碼豆腐沒有變酸，而且外皮不算太好，溫度夠熱，味道正常。砵酒會羊架，反而味道比較普通有點兒酸，雖然內裏用了不少，有薯仔，大大條蘿蔔，但是羊架的確比較肥膩😫，羊味普通僅微羊羶味。雞蛋焗魚腸等得最耐，基本上其他菜式都已經來齊，也差不多吃完，再追一追單，魚腸😪才來到。但是有點兒失望，雖然內裏的味道很百變多端，多種不同的香氣，亦都有芋頭、其他菜絲等等，但是魚腸的份量可說是極少，只有幾絲魚腸。不太划算，每樣平凡小菜也須$90，連茶芥加一，也每位兩百多，還是留給遊客吃吧。

家姐難得唔洗翻工就特登過嚟同我飲下茶，bk左大榮華因爲貪野食款式多而且價格適中！2個人唔叫得太多，嗌左個燒賣，味道還可以，好大一粒！豬肉彈牙多汁(^^) 之後叫左個奶黃水晶包，好似波波咁，皮好彈牙，煙煙韌韌嘅，奶黃亦甜度適中，輕鬆食完一粒。仲有一個鳳爪排骨飯，好快就上！份量幾大下，30幾蚊好抵食！排骨亦好淋，唔會過硬嘅，而飯底亦好正，加左士油撈埋食仲正，甜甜地咁。最後仲嗌左個春卷，好脆口，有好多馬蹄，好有咬口。

Happy Friday lunch梗係要食好小小，就打電話book jor大榮華圍村菜飲茶啦！準時到都要等一陣，不過佢都幾大所以好快入得^_^嚟到一定要嗌佢嘅水晶奶黃包，出面基本上唔會揾到，建議大家要襯熱食，凍左就冇咁好口感。佢嘅水晶皮好QQ,入面奶黃好多一定滿足到鐘意奶黃嘅人(^^) 而且唔會好甜，不過食一粒已經好夠，始終有小小濟會。今次仲叫左個大榮華炒飯，有d似福建炒飯，同事都覺得ok.但我就唔中意d怪怪臘腸啦

Lunch時間要有位食飯最保險梗係去飲茶，灣仔區新開返既酒樓大榮華就剛剛有位，味講住、食左先講！靚位靚位，小開放廚師旁邊可以見到「不」野食既過程。有幾樣野要同大家分享下。第一係個奶撻，入面個餡都幾香滑，又唔算太甜。但最唔好既地方就係撻皮非常淋，一攞上手幾乎就散曬啦。而且唔係某一個撻係咁，而係一碟3個都係咁。之後就係個勝瓜，呢個出奇地好食！雖然無用咩特別調味，但勝瓜本身個味好甜好清新、亦無渣滓，好耐無食過咁好味既勝瓜！個紫薯煎堆聽落好似好新穎，所以叫黎食下。但最後都有點失望，因為個煎堆size偏大，入面既餡亦都太甜太膩，食半個已經飽飽啦。雖然已經叫到成枱都係，但總想有少少甜品作結，我地想叫煎糕、因為賣相好吸引。最後係無叫到，全因為叫糕唔可以再好似以前既菜樓咁、一碟可以要幾款唔同既糕。其實將所有糕mark曬同一個價錢咪幾好，賣相又吸引，又可以去貨去快點、客人食到更多元化既食品自然開心啦。

親戚識人 所以呢兩年既團年飯都黎食菜式創新又夠大碟 價錢又經濟實惠有韜韜睇住 唔差得去邊既去親都見到佢 好好笑容好熱情頭抽乳豬拼脆皮乳豬脆皮既食得多頭抽乳豬炆到個皮好煙韌 感覺又無咁熱氣但我覺得鹹左少少懷舊桂花蟹肉炒魚肚蛋蟹肉魚肚同芽菜炒埋一碟啲料碎濕濕 魚肚夠爽 呢碟老人家都啱食牛油洋蔥爆海蝦無乜特別 唔係好食到牛油味不過啲蝦又幾大隻既福祿北菰紅燒鱷魚掌即係南乳蚊冬菇同鱷魚掌鱷魚掌成枱人幾乎無掂過竹笙銀耳燕窩羹幾好食 兩種口感竹笙好爽 燕窩份量偏少 不過都預左之後係海斑兩味兩碟唔同煮法既海斑一碟係古法蒸斑尾條魚都幾滑另一碟係枝竹火腩炆斑頭腩斑腩輕輕炸過 同枝竹一齊炆個人喜歡蒸果味多啲奶皇馬拉糕超中意呢度既馬拉糕超大份 一開八三層糕夾住兩層奶皇甜度適中 好好味仲有燒雞同砵仔飯燒雞味道正常 雞肉唔太嚡砵仔飯其實係豬油撈飯有兩支頭抽同豬油俾你自己落

本身叫咗幾個餸，但除咗馬拉糕其餘都冇影相，其中一個紅燒乳鴿，呢到嘅乳鴿都算大隻，另一個就係做緊78蚊嘅鮑魚鵝掌，鮑魚應該係罐頭鮑，鵝掌都幾淋，不過不失，個扣肉南乳味不俗，唯一都係想講個馬拉糕唔太甜啱好，不過要趁熱食如果唔係個皮會有d硬。

同舊同事飯聚，大家都無咩idea就由我拍板試下聞名已久的大榮華，因為大家都係灣仔返工放工過黎好方便黎到大榮華必點豬油撈飯，超香，令人拋開致肥因素都要一試另外仲有椒鹽豆腐，比其他餐廳大件但好熱好好食，皮夠脆豆腐夠滑另外仲點左鮮魷炒通菜同釀茄子，幾好食但唔會有咩驚喜最後必點既係馬拉糕，侍應會見大家食得七七八八就會收起碗筷換一個乾淨既碟比大家好似上甜品咁好好笑，試完發現馬拉糕名不虛傳真係唔錯，唔會太甜而且好鬆好香！

係灣仔覓食，見到大榮華，趁仲未到晚飯時間，即刻走上去睇下仲有無位先。好彩，全場滿滿地座，還有位，唔使等。見到餐紙，多得眼花撩亂，選擇困難症發作😛呢一版紙，全部$85/碟，超抵食👍🏻👍🏻呢一張係特別推介，多一味兩食，十分之咁抵👍🏻👍🏻👍🏻人少少，叫咗3樣名菜：花鵰煀雞雞件好滑，秘製惹味醬汁，加上入哂味嘅葱，好好味。釀鯪魚呢個釀鯪魚實在太棒👏🏻👏🏻👏🏻外型吸收，原條鯪魚上碟，炸完都有番個型，勁！入面嘅鯪魚肉仲正，足料好彈牙，唔腥，而且落重手，鯪魚肉餡填滿哂成條魚皮，真的手工菜，真的堅好味！古法馬拉糕去大榮華，無論早茶、午餐定晚市，都必食一底馬拉糕，實在太美味！它軟綿綿、又鬆軟，唔甜，一件接一件食，好開心😛

灣仔史釗域道,大榮華斗大招牌和韜韜廣告畫盡現眼前.我未嚐過正式客家圍村菜,不曉得這𥚃懷舊味道正宗否?朋友提議此店,説是價廉物美,味道不賴,可以一試.食店陳設裝潢衛生服務都很...一般,氛圍氣場十分"麻甩",也非常"元朗"~~我沒有抵䛼之意,純粹個人感覺罷了;雖然老套,這也不失為一種浪漫,滿載舊時代情懷,那個抱住電視扒飯的年代..食物,終歸是主角,我們點了以下幾道菜:{圍頭五味雞},當時道不清何謂五味,後來方知道是以花椒,八角,桂皮,陳皮,草果,加頭抽,玫瑰露,糖浸製..並未嚐出傳聞中勵害的層次,説是油雞更見容易理解,雞肉尚算嫰滑便是了.{頭抽浸牛脷},本身不大喜歡牛脷豬脷,是口感使然,不過略嚐小口,很是清爽,味道不俗..{咸水檸蒸烏頭},傳統製法,咸鮮相宜,相較陳皮更呈鮮味.{蟲草花魚肚浸菠菜},蟲草花口感類近金針菜,味道不張,併上魚肚碎和菠菜,食制居然調和..{金銀蒜蒸鮮腐竹},十分家庭料理菜式,腐竹清爽略嫌乾身,若然加多少許上湯,更見濕潤豐富..{燒汁炸釀茄子},

去飲下午茶，菜品一般般，而且好多都無或者賣曬，有一碟野上菜時有條頭髮我已經忍佢嘎啦，但點知居然仲有一碟有曱甴，而且個侍應仲好似好平常咁，打算收走了事。之後我都無曬胃口，部長過黎一句道歉的說話都無講，淨係同我減佐碟包嘎錢最後同佢嘈起身，部長只肯打半折，仲要要求刪相以後封殺尼間酒樓，永遠都唔想再去，佢檔口D臘腸臘肉唔敢再買！

原本私藏的吃早飯的地方，被提前當作宵夜拔草了。大榮華圍村菜，在原來榮華酒樓的舊址改名重開的一家餐廳，晚上九點多生意也超好，全都是一大桌圍坐的，典型的客家人風範。姜蔥枝竹炆豬肚煲，火候控制一流，和後面那道陳皮豆豉爆雞一樣，爆炒的程度到位，卻絲絲入味。陳皮豆豉爆雞很有亮點，陳皮入圍肉卻異常的嫩，鍋氣十足……腰果金沙蝦仁，蝦仁之大讓我驚奇。超霸氣的奶王馬拉糕登場，糕身厚實卻布滿氣孔，雖然中間夾層的奶油顯得偏甜，但海綿般的質感仍然讓我愛不釋口。比較遺憾的是號稱全港碩果僅存的豬油撈飯，尖幼絲苗白米飯上桌了，頭抽和豬油沒配……估計太忙的緣故？作為宵夜，總體味道還算不錯，可惜沒有吃到大盤的圍村菜，以及他們最受好評的黑糖年糕，要不要再去一次？

第一次去呢度飲茶，朋友未去過，所以約左今日中午去試下，好多人，好在訂左位咋!點心吾錯，有D點心都幾貴下 (對比其他酒樓)，可能係星期六關係，之前見到有人話D員工冇禮貌，原來是真的! 只係某兩員工(點心亞姐同個年老少少既男部長)，個男既叫佢吾該攞多一張chair 都黑面，攞完我地有講吾該晒都另轉頭就行開左，咁既服務態度好似吾係好好囉，，，我吾會再黎呢間食lu...其他員工服吾錯，有微笑，有禮拜.尤其是企門口兩位，值得讚賞!

平時經常有酒飯局的一個群組拉大隊於這天辦一個大聚會,地點選在灣仔的大榮華酒樓!原本我因家中有事未能參與,但之後問題解決了,便帶著愉快的心情去赴宴!七點多到達酒樓時,很多朋友已在現場,場面十分熱鬧;檯面上放著當晚的菜單,和朋友們一邊寒暄一邊研究著菜單!接近晚上八點鐘,人也差不多到齊,可以上菜了;先來的鴻運乳豬,燒得皮脆肉滑,帶著淡淡的煙燻味,加上咬下去時內裡的油份令整塊肉更甘香!此道菜的豬爽肉夠彈牙,與更爽脆的蚌肉一起吃時,互相增加鮮味,值得一讚!這個蝦餅帶點中西混合菜的形式,薄脆的外層包裹著蝦膠,肉碎,香草與青菜;餡料味道出奇地混和融合,吃到肉類中綻放著香草的清與香,再配合著來自意大利的紅酒,腦海中即時飄逸著歐洲風情!這烏頭魚本身也算夠鮮味,且肉質實淨,用鹹水檸來蒸,去除了泥腥味,效果不錯!至於這個變奏版的叉燒,多了一些酸甜的味道,吃起來口感也紮實,配著酸度高的白酒,值得細味!雞肉做得很細滑,調味略為偏淡,焦點落在炸骨上,也是夠香脆,下酒的好配搭!個人在當晚也很欣賞的菜式,質感很幼細,雖然味道也是偏向清淡,但將米粉吞下去之後,回味有種淡淡的煙燻味與海鮮味,所以炒菜的功夫也是上乘!總結此

以前一直以爲是懷舊酒樓！原來有保留著舊，亦有新點心的款式！跟住潮樓走！真係名不虛傳！我叫一煲滑雞飯～雞件又滑又大件，味道唔錯！完全不會粗鄙！加上飯份量充足！有兩碗！靚呀另另一個蛋白鮮蝦餃，皮薄餡靚！仲好似有少少煙煙韌！有咬感！又嚟一個紫薯水晶飽，晶瑩剔透！包著少甜的紫薯！絕係健康既點心！

想起吃傳统点心, 中午去了灣仔大榮華酒樓, 那位置交通方便, 容易有位.  我想原因是樓底較矮, 座位很迫, 未坐滿客人已經感覺嘈吵. 所以客人吃罷便離開, 人流轉得快.侍應開茶很快, 算是水滾茶靚, 但看看杯和碗仔, 附有不潔物, 心裡有些不高興, 因為以今天香港酒樓的衛生, 他們怎能沒有控制 ?  看看点心紙, 種類很多, 我們選了多個点心.  價錢中等.皮蛋瘦肉粥, 粥算熱, 也夠棉, 頗多肉料, OK.上海炸春卷, 上台熱, 內料豐富, 以菜及翠玉瓜為主, 無肉, 入口很脆, OK.家鄉鹹水角, 大隻, 餡料多, 皮薄, 炸起上枱也不覺太油, 夠脆身.蠔皇撈手打麵, 這是抵食的小点.  蠔油味道好, 而手打淨麵也夠稔軟.切肉燒賣王,  肉質新鮮, 賣相好, 此燒賣不同其他酒樓做法, 因為用切肉方式, 豬肉比較有口感, 也富彈性.而頂上面的也不是用蟹籽, 而是蟹膏.  較特別.  調味適中, 入口不錯.豉汁蒸排骨, 排骨肉多而少骨, 醃得入味, 豉汁好味道, 肉質新鮮嫰滑, 份量多, 是少見的好品質.叉燒焗餐包, 上海煎咸餐包, 我們叫了20分鐘侍應才通知 "賣晒", 效率及服