影片
以上资料只供参考，请与餐厅确认详情
想去烧嘢食!又想食好啲! !就试吓呢间啊!招呼服务好好!又有得玩掟飞镖!🎯！仲有K唱🎤！今次点左一人餐！另外加左一份猪腩肉🐷！仲有河豚🐡干！食烧烤点可以冇🥂呢？
继续阅读
有日去摘士多啤梨经过见到呢间大棠烧，门面几吸引就入去睇下食咩，一知道系炭炉烧马上坐低，因为我系一个好钟意用炭炉煮食既爱好者，炭火烧出黎既食物，必然唔会差，睇完餐单同老板介绍，知道佢地主打日式食材，就选左猪腩片/鸡扒/鱿鱼等等，一上个炉已经觉得好得意，细细个炭炉好适合一家几口玩下煮饭仔，而且仲系用环保炭，少D烟同唔会食完成身炭味，赞！老板好细心教我地烧法，我觉得好好玩，第一口试既系「英国有机猪腩片」，一试真系不得了！！非常脆非常好味！用埋佢地自已调既酸汁，真系令我食唔停口！！其他食物都非常有水准！推介一定要食佢地既日本菠萝，好甜好开胃！！虽然我住得好远，但宜家都成日去食，成日心思思好挂住呢度既食物，大家一定要去试下！！
继续阅读
前阵子,在大棠烧这个地方参加了一个朋友的圣诞派对, 当晚只品尝了一客普通的晚餐后,已觉十分回味, 决定再来,这晚我们一行三人,除了预留一些海鲜外,便由店经理帮我们安排。日式烧烤很多朋友都试过, 但大棠烧的日式烧烤却叫人回味。 很多人会问回味在甚么地方,回味是它的食物新鲜,物有所值, 回味是需要腌制的食物,除了好味也不添加味精, 吃了几小时的烧烤,喝不过两罐的饮料。 回味是那儿寛趟舒适的户外空间, 一般室内日式烧烤不能㛟美的空间感。 回味那儿的设备,一边是可以掟标的地方, 另一边是可以让顾客即兴唱歌的地方, 在一些特别的日子, 还有live brand 表演。功欲善其事,必先利其器, 烧烤炉是用还保炭的, 所以身上不会留有烧烤味, 而调味架上的调美料都是外国牌子, 十分讲究。先上场是肥美的大花甲, 没有沙, 也不会韧，十分鲜甜。接著是大大只的鲜饱鱼, 上桌时还是活力十足, 在烧烤架上更一跃而起撞在我的脸上。在这儿吃了二次圣子,但每次都未感满足,因为店主为了确保海鲜的质量要新鲜,所有海鲜是需要预订的, 正所谓瘦田无人耕,耕开有人争,何况是爽甜而不韧的圣子王, 大家尝过第一只后, 都要番单, 每次都订得不够。说到沙巴有膏大虎虾,真的是好吃过龙虾, 骤眠一看,还以为自己在吃鸡腿呢！BBQ怎可以没有墨鱼(八爪鱼),八爪鱼须, 烤到脆脆的,很好吃。原条秋刀鱼, 洒上适量的海盐, 不但带出了鲜味, 亦没有鱼腥味, 十分可口。吃完海鲜, 当然要来点肉, 五成熟的牛排, 七成熟的羊架, 十成熟的鸡扒, 把肚子填得七七八八, 意犹未尽, 加了一客不可不吃的大棠烧鸡翼和让人一试难忘的五花腩。 至于蔬菜方面, 配了鲜菠萝, 栗米和大啡茹。吃到八八九九的肚子, 感觉还未满足, 好像还差了点甚么.....此时此刻, 店经理端来了一个大棠烧招牌煲仔乌冬, 滋润了BBQ的干燥, 也刚刚好填补了吃烤肉的不足, 十分贴心。埋单计数,每人约六百元左右, 已是没设预算的尽情地吃, 以食物的质数和环境作评分标准, 一点也不算贵。 在大棠烧吃日式BBQ, 很有渡假的感觉, 可以暂且放下烦忙的工作, 跟三五知己吃喝谈天是一个不错的选择,而食物方面也是丰俭由人, 大家可以参考已上载了的餐单,一般来说, $280元已有交易。
继续阅读
2018年1月20日第一次到来试，环境舒适，约有6-8个停车位，食物质数唔错，工作人员态度亲切， 6个人点了3份基本套餐及加了鸡扒及鸡翼再加6枝饮品，食饱饱共$801-埋单，可以再食，正!
继续阅读
平安夜嘅晚上，经友人介绍，我哋一行16人去咗元朗大棠呢间新开冇耐嘅大棠烧举行今年嘅平安夜派对。由元朗站搭的士嚟呢度都几方便，落车一入到去畀我有一种温暖感觉，尤其是最外面嘅圆枱可以自成一角，里面有个台可以唱歌，啱晒一班唱家班。讲番食物，呢度嘅老板特别为我哋写咗个套餐，第一味系日式串烧拼盘，有鸡肾、鸡软骨串、鸡肉串，鸡肾用咗五香粉腌，入口好香，而鸡软骨同鸡肉串同平时食开嘅味道差唔多。跟著嚟咗鸡翼同香肠，鸡翼腌得好好味，唔会好似其他烧烤场𠮶啲咁重口味，烧完仲有肉汁，加上火力均匀，唔会咁易烧㶶。而香肠道用天然肠衣包住啲肉，非一般食开嘅香肠，唔会死咸，相当出色。平时烧烤都好多肉，惊喜地嚟咗碟素鸡串，烧到有啲金黄色就食得，素鸡好有豆味，几特别。接住落嚟有秋刀鱼同鳗鱼，秋刀鱼系我最近食过最好嘅一次，一啲都唔腥，而鳗鱼加上照烧汁，同埋冇乜碎骨，肉带点爽，证明几新鲜。烧到咁上吓换个烧烤网之后，重头戏嚟喇！个套餐可以猪扒、西冷牛扒、羊扒之中选择其一，我哋一啲拣咗牛扒，一啲拣咗羊架，西冷牛扒肉质唔错，如果火力再猛一点，更可锁住肉汁，外脆肉嫩，而羊架有羊味得嚟又唔会膻，加埋香草调味恰到好处。友人想食啲海鲜，于是另外叫咗蛏子，大小刚刚好，肉质好爽，好有鲜味，来货非常新鲜。食咗咁多肉，系时候食吓菜，包括金菇、粟米、椰菜、翠玉瓜，其中粟米好甜，椰菜冇平时出面食喺𠮶啲奇怪味道，加啲海盐调味啱啱好。最后嚟咗个锅烧稻庭乌冬，乌冬好弹牙，对男士嚟讲，有啲淀粉质落肚，相当满足。烧完咁多嘢都唔会成身炭味，皆因呢度用咗环保炭，而佢哋调味用嘅盐、香草、胡椒都系用意大利嘅来货，落足本。店内都唱K设备，大家一展歌喉，渡过咗一个愉快嘅平安夜晚上。总括嚟讲，虽然大棠烧价钱稍高一点，但以食物质素、环境、服务而言，真系物有所值，一个好适合搞聚会嘅地方，值得再去。
继续阅读