大日子酒家

营业中

休息中

大日子酒家，在大埔已經歷史悠久，老港的味道😋我爸爸就最鐘意嘆茶，食點心。今日我做個乖乖女，陪下爸爸食個豐富嘅早餐先嘩早晨孖寶hkd28.8好抵呀，好多選擇，有粥有飯有不同嘅點心，我哋選擇咗👇🏻🌟柴魚花生豬骨粥，粥底好棉，好足料🌟燒腩卷拼蓮蓉包，燒腩入口溶化，加上芋頭同南乳嘅香味深入個包度吸收晒啲精華真係冇得頂。蓮蓉包，好滑而且不太甜👍🏻🌟晶瑩鮮蝦餃，鮮蝦爽口彈牙，皮薄餡靚🌟蟹籽蒸燒賣，肉味十足🌟瑤柱素翅灌湯餃，大大隻好足料，湯底先甜無比🌟薑蔥牛柏葉，好爽🌟雷沙湯丸，唔係度度都有，餡料多到入口爆出嚟🌟蠔皇六頭湯鮑扣鵝掌，鵝掌炆到好淋，鮑魚好鮮味，冇得頂呀

大埔其實有好多飲茶嘅地方，今日去咗呢一間鄰近火車站嘅酒樓，佢前身係一間桌球城，而家改裝成酒樓，食物質素亦都唔差。我今日去咗飲佢嘅早餐，叫咗唔同嘅點心，質素都唔差。佢嘅燒賣幾大粒，而且蝦肉嘅鮮味亦都幾好，配埋辣椒油一齊食，個燒賣幾好食。之後就係佢哋嘅燒腩卷，燒腩卷入邊有舊芋頭，連埋芋頭一齊食，腩肉就冇咁肥膩，個包都幾好食。再之後就係一個砂鍋XO醬腸粉，佢呢一碟腸粉係新鮮炒嘅，砂鍋非常熱，而且配埋芽菜等不同嘅配料， XO醬亦都非常香，腸粉亦都好大條。幾好食。再之後就係佢嘅灌湯餃，佢嘅灌湯餃屬於特點，但係真係幾好食，湯包裏面本身充滿左湯汁，非常鮮味。再之後就係佢哋嘅粉果，粉果屬於中點，早餐時段大概$19 ，有三粒，裏面非常足料，有花生、芫荽等，配埋辣椒油一齊食的話就真係幾好食。我哋亦都叫咗佢嘅煎釀茄子，茄子非常大嚿，讓埋魚肉一齊食，一齊食嘅時候，啲油同埋醬汁非常飽滿，不錯。最後就係佢嘅南乳豬手，皮厚醬汁非常濃郁，非常好食。

其實都係咁岩要見下我個sweetheart, 先過嚟食番餐飯坐下傾傾心事.今次去左一個地方叫做大日子酒家佢喺運頭塘嗰條街, 大埔墟火車站行過去7-10分鐘左右非常近入去酒樓第一下感覺 係非常企理乾淨 同埋裝修門面算新淨 之後拎飛 之後就有部長同職員帶位入座今日嘢傾所以要求坐一個比較靜嘅地方 佢好好傾下未來的事...下省3000字.好多餐牌. 睇睇先. 今日點心只有下午茶同其他小菜同埋糕點. 我都唔客氣啦!! 馬上拿拿臨填單叫D嘢食先咖哩蒸鮮魷咖哩蒸鮮魷 非常之爽口彈牙 濃度香口適中. 非常好味薑蔥魚腩煲薑蔥魚腩煲非常之道火喉 上菜時傳來陣陣爆香 魚腩夠肉 小骨汁夠濃 配飯其實一流蒜香花姿片蒜香花姿片其實好似椒鹽鮮魷魚 ，但比較薄身D 好岩女仔食 同埋加上好好味嘅喼汁 點一點 食一口 絕對唔會輸比大牌檔香煎釀茄子 香煎釀茄子 有三隻, 隻隻都好大 但係都感覺有啲似鮑魚 一上菜嘅時候 我哋都覺得係咩嚟㗎 咁大隻嘅 哦 ....原來係咁原來係茄子...仲要爽口唔算油膩.. 正過小食檔的三寶家鄉鹹薄罉我哋仲有個家鄉鹹薄罉 又唔係好喊 有D似蛋糕餅咁 老人家應該都會鍾意 呢個小食真係好啱做開胃小

2/5點心就好普通，但朋友話晚市唔錯，海鮮整得唔錯，價錢又合理。未至於難食，但係食一次就夠。炸嘢反而唔錯，啱啱好，又唔會油膩，不過好似成塊都係炸皮，入面舊肉食完都唔係好知係乜。

這間酒樓經常只會招呼熟客, 多次取票等位 , 就算只是數張枱 , 都要等很長的時間 , 因為熟客都自行跑道樓上取位這個星期六 , 大約中午十二時 , 居然沒有人等位 , 到樓上一看 , 原來尚有大量空枱 我被安排的座位 , 發現有滴水, 水滴在枱中心的位置 , 於是要求換枱 , 侍應不敢作主並通知部長 部長只是聽了我的說話然後就離開 , 再也沒有回頭 我要求侍應找部長 , 可是部長經過我的枱也不願停下腳步, 要我走離座位問部長是否已給我安排轉枱 , 他沒有答一句便行開了 於是乎我唯有找經理 , 當他看到我跟經理談話, 他又消失了一陣子 , 回頭的時候告訴我已通知公關安排座位 我只需要知道他的名字 , 他居然躲到男廁 , 這個叫黃發忠的部長 , 是我遇到服務最差的人, 大日子酒家不是大埔區最平或者食物質素最高的酒樓 , 只是有一班長期光顧的老顧客 , 我已經找不到任何理由再光顧這一家酒家

晚上經過大埔區想找間酒樓吃個小炒，見到大日子門口有套餐推廣，於是便試一試的心態入去食個晚飯。是晚叫了孖寶套餐,燒味拼盤（$88）及清炒豆苗（$80）。可以話抵吃二百幾蚊龍躉兩味，燒味就普普通通未見特別，反而清炒豆苗喜出望外十分大碟菜，炒得很嫩口很好吃。他們餐後會送上糖水，反而糖水係全日嘅兩點，糖水係即日煮，質素同外賣糖水差不多.

今晚想食炒小菜，唔想等位，去左大日子酒樓食飯。全家一其四人，叫了三餸一湯。湯像落去有少少味噌。不過小菜炒得出色。三個少菜分別係菠蘿苦瓜炒肉片，本來我地想食苦瓜黃豆排骨，職員落錯單，我地照要，無謂要人俾人鬧。另外兩個係咕嚕肉，肉碎炮飯。炮飯既飯先炸過，浸在熱湯上，變得碎博博飯後有糖水送，陳皮紅豆👍🏼👍🏼👍🏼👍🏼👍🏼綠豆沙，兩者陳皮紅豆好好食

生日大日子，生日飯局第二回當然去 「大日子」🎂👭🎂👭🎂👭今晚有三美請食飯當真是人生一樂也，她們知我喜愛客家菜一早預約「大日子」還定了我至愛湯水 「杏汁豬肺」踏入秋季女人最緊要滋潤肌膚，一碗杏汁豬肺湯潤肺護膚入口啖啖杏香簡直感覺到皮膚即時滑滑。😋脆炸門膳魚本人對魚一向不太喜歡，但這個「脆炸門膳魚」炸得脆口不帶油膩，我竟然吃了二件認真無蝕底！😂客家人坐月子補品「客家黃酒雞」超濃濃黃酒用來煮走地雞，香濃沒有脂肪多食無妨，紅棗補氣血木耳能去瘀，就算我不是月子都可用作養生保健食品。話梅豬手煲補一補骨膠原，這味酸甜腍滑入味的佳餚就絕頂了，一點都不肥膩仲越食越滋味！每次來大日子都必食的，「鮮茄大蝦煎米粉」茄汁酸甜正合我意，爽彈大蝦配上煎香至脆邊的米粉，簡直讓我味噌升華至另一層次！黃金魷魚，這道菜應該都不錯，不過個人怕膽固醇問題卻步了。又補身又養生講到咁都只係每位 $230真係無得輸。👍

下午茶時段，等咗十多分鐘才有枱，大日子搬遷復開後從未來過。本來沒甚麼期望，但吃落味道適中，不太油膩，份量有性價比。新裝修(超過一年以上)，地方潔淨，比舊舖光猛得多。

舊菜色在這新潮世代已日漸難尋，一些花功夫懷舊菜色賣少見少，再唔食就成為絕響了。古法金錢雞就是其中一道菜餚，材料是二大片肥肉中間夾著一塊珍肝（雞肝），經炭烤熟後再淋上蜜芽糖，美食當前先不要怕肥，筷子夾起一口咬落去，雞肝肉質嫩帶沙味道香口，非常難忘！話梅豬手，肥而不膩口感軟滑補充骨膠原就最好食得太多濃味的菜色，這碟有換掉醒味蕾作用！翠塘豆腐，滑滑豆腐清甜可口是餸飯絕配客家黃酒雞，男女補身食餚，大大片爽脆木耳能去瘀降膽固醇，肥雞有雞味，紅棗補氣血，我是飲酒之人個人認為如果黃酒可再濃烈點就更好。呢味瓜粒海鮮湯飯，湯味香甜濃郁飯粒脆口，一個字：