大戶屋 (已結業)

好幾年前已經開始吃大戶屋。其日式風味，令我好想飛去日本，吃地道的家庭料理。個人認為，大戶屋的食物水準較穩定，不會因開業久了而每況愈下。每位定食包括沙律和湯。沙律新鮮，湯是麵鼓湯。都好好味。▶️黑醋鱈魚野菜🐟🍆🥕鱈魚份量不算多，但個汁酸酸甜甜好惹味。野菜新鮮爽甜。配飯一起吃，一流。▶️滑蛋燒雞飯🥚🐔媽咪鐘意濕濕地的菜色，選了滑蛋燒雞飯，即是親子丼之類，有滑蛋舖在雞肉面，很下飯。由於雞肉燒過，入口更香。

雖然第一次食喬麥麵，但感覺非常唔錯大戶屋配上獨特既汁，可以撈埋d麵到一齊食。重有吉列雞扒，初初以為得幾件雞係面，再加上少少沙律菜。 原來唔係，食左一件雞扒後，見到底部有好軟綿綿既飯。 大滿足！！翻食指數

今日同朋友過咗嚟大戶屋呢邊食飯😃我哋兩個都係喺牛頭角嗰邊放工講咗話你呢間食嘢好耐🥰😋！因為我哋大家都好掛住佢嘅豬扒鍋飯😋😋😋一鍋嚟到嘅時候個鍋熱到沙沙聲。我哋叫咗一個豬扒鍋飯🏆同埋一個雞鍋飯🏆仲有我個朋友🙈指定要叫嘅菜式 - 黑醋豬沙律🥇其實一個餐入邊已經有飯啦 茶漬蒸蛋啦。面試湯啦。仲有個沙律添，已經好飽！ 🐥🐤🐣不過佢嚴重推介要食佢個黑醋豬。咁我哋叫咗一份迷你。原來入面得三舊肉。🐷哈哈哈笑死我。🐷🐷唔夠食之下我哋點多一份！ 後尾我哋買單$400有找兩個人食到飽飽食物方面好好味不過地點有啲複雜🙇🏼‍♀️💁🏻‍♀️🙍🏻‍♀️因為我哋喺地鐵站嗰邊過嚟 途中都要問吓啲人點樣行過嚟！🤦🏼‍♀️

其實已經不是第一次遇到，等位等得太耐😤門口一堆人等位，裡面大把吉位無人理，個個客都企係門口投訴。其實佢地有冇諗過方法改善呢？裡面得4個人處理晒成間餐廳，收錢、落單，送餐😓荔枝角呢間大戶屋係去過咁多間服務最差的。😤😤😤

其實我都幾鐘意去大戶屋食飯, 由其係當我好掛住日本嘅時候, 跑去食一個定食餐, 就當住自己係日本好吧. 尋晚老公終於帶我去食啦, 本來係諗住去太古城分店食, 但係最後決定去比較近屋企嘅荔枝角分店, 以前都有去過食, 印象中都唔錯! 之後可以順便去隔離嘅Aeon supermarket 買野.去到即刻攞飛等位啦, 係外面等緊嘅時候都已經留意到入面做野嘅員工得do-re-mi-fa, 4位咁多! 係店舖前又貼咗張招聘廣告, 心諗好似真係唔太夠人手喎... 但係因為自己好想食佢嘅五花腩, 所以都繼續等啦, 等咗大約30-40分鐘, 終於有位, 坐定定後都已經即刻落order, 希望快d 有得食!等得唔算耐就有, 但係有點失望... 點解嗰樣咁嘅? 份糧好似少咗d, 賣相差咗咁多嘅? 五花腩係偏多肥肉, 雖然味道同以前接近, 但係已經冇咗"好好味"嘅感覺! 食到一半時, 我要求添飯, 點知女侍應同我講依家煮緊... 當時心諗, 唔係呀化? 咁要等幾耐? 又冇講! 好, 我等! 等咗15分鐘同一位女侍應再同我講就快有.. 點知過咗12分鐘都冇, 原來飯係有啦, 但係冇人記得要俾我

之前同屋企曾經食過 食物都ok，但服務態度麻麻。過佐一年之後我地諗住再去食下 ，我地有10個人去食，都預佐要等1小時以上，但等佐個幾鍾都冇枱，去問餐廳職員，佢就話我地前面仲有d人等到未有位，咁我地再等， 結果等超過90分鐘仍是沒有位。我們唯有去格離間餐廳食，因為已經好夜，所以勁肚餓。再過多幾個月，諗住去食下，今次早D去拎位，我地拎佐9位，6：57分拎飛，等到7點23分覺得唔對路，拎多張8人飛。8人飛8點左右職員就問我地，可唔可以分開座，我話我地想一齊坐，唔介意等多陣。再過多15分鐘，職員叫我地，結果都話冇辦法，要我地分開坐。我話咁我地再等陣啦，佢就話唔會等到。咁我一早就拎2張4人飛咪唔駛等囉，我拎8人飛，梗係想一齊坐啦，係等嘅期間，我仲發現佢地根本唔會留位俾我地張9人枱，根本就是白等。其實佢等位嘅機制係一張枱走，一張枱入，6人以上的枱是永遠等不到。我明白晚上時間客人好多，佢地嘅做法係無可口非，但如果係根本等唔到位，或且要分開坐，會唔會應該事先通知客人呢，我地可以預計等定唔等，2次都係等佐個幾鍾先話冇枱，而且佢根本取票唔駛咁選擇多人，反正都只係最多6人可以一齊坐，6人以上可慎選去唔去食，

平日好鍾意去荔枝角Aeon裡的大戶屋，鍾意佢食物好，服務都唔錯，尤其有個高大肥哥哥同瘦瘦長髮女生。其他員工就一般，但重點係佢哋嘢食唔錯又唔迫人，所以我長期去，儲晒積分。不過，今日極度不滿要寫上嚟分享吓。今日照例叫五花腩定食，我落單後見隔離枱唔知叫乜嘢食但等咗好耐咁，因為有員工嚟同個叔叔講要再等耐啲同埋俾咗啲湯佢飲住先，我已覺得今日個廚房可能有問題，煮衰咗啲嘢食要再煮。我個定食大約落單後10分鐘到，仲快過隔離位。嘩，賣相極差，我諗住趕時間算啦照食，食咗一粒，全肥膏! 我忍唔住攞返之前影嘅相嚟睇(之前影低想寫嚟讚嘅)，一對比真係更嬲，今日全肥仲要又少又燶，我想話個餐唔係set lunch, 係百幾蚊嘅叫嚟當lunch, 現今社會唔算好貴但都絕唔係平。咁都敢上枱過骨，令我覺得今日廚房堅出咗事。我搵個waitress 嚟講，佢仲要態度好似覺得我好奇咁話今日返貨係咁，我叫佢睇吓之前啲相對比吓，佢話係返貨問題冇計，要食五花腩就係得呢啲，我問佢點解唔remind食客今次返貨有問題可以叫其他，佢話返貨係點佢事前唔知，我話佢應該同廚房溝通好先開始serve客。好心佢啦，死雞撐飯蓋，衰咗咪講聲唔好意思囉，

同朋友2個人去食，一開始睇餐廳覺得好特別，全部野食都係單點價，跟住就可以加$20轉餐，轉餐加$20包左好幾樣野食，有漬物，蒸蛋， 麵豉湯同飯，但係因為我淨係想食飯，其他小食同湯我都唔啱食，所以就諗住問下淨係加個飯幾錢，本身加$20咁多樣野幾抵，不過諗住唔啱食就無謂嘥，個職員就話淨係飯就$15一碗，本身諗住加，點知個職員非常好咁提醒我好，原來加$20既定食餐除左有上面我講既野食之外原來係可以免費添飯一次，所以佢建議我唔使加$15，我朋友個定食免費加飯之後個飯俾左我就ok，由於我地第一次黎食所以完全唔知原來可以咁，估唔到啲職員咁好主動提醒我地，我地叫左個鐵板牛舌同燒五花肉，牛舌5大塊夠厚夠肉汁，五花肉有成3大條，而且啲肉夠嫩又燒得夠甘香，而且職員服務態度友善，會不斷主動加水，所以忍唔住叫多2個甜品慢慢坐多一陣傾下計，我地都叫左朱古力芭菲，好足料，除左基本既雪糕同脆片，仲帶朱古力蛋糕，而且雖然成杯都係朱古力味既野，但係一啲都唔會偏甜，第一次可以自己食晒成杯芭菲，只可惜部份野食掛住食唔記得影相~

係aeon 入面環境同衞生一定唔會差☺️成個餐有兩個配菜仲有湯，豬扒係厚切型仲要好多汁，唔會太老👍🏻醬汁比較濃味燒魚都掌握得唔錯，但味道就鹹左小小，要加埋蘿蔔溶一齊食會比較好😋成個餐最欣賞係茶碗蒸，好滑😋

之前來過覺得食物一般但位置不迫 有私人空間所以原本打算今天來大戶屋好好吃一頓晚飯等了半小時多終於入座了但進場後附近一台大媽及小朋友大聲叫嚷遊戲聽到同桌另一位女仕有叫小朋友小聲點不要吵到別人但大媽依然用雄亮的聲線與小朋友溝通及玩場內內部迴音嚴重 小朋友及大媽聲線讓人震耳欲聾附近亦有客人對大媽及小朋友有微言 私下討論但場內竟無服務人員維持環境質素由於聲音過於刺耳及頻繁本人身體欠佳難以承受此環境帶來壓力友人替我與服務員要求調位可惜遲遲沒有得到帶領等著等著身體開始發抖 手震乏力 頭暈 難以集中 只好放棄這頓等位等了半小時多的晚餐結果在步出店鋪時 卻看到有數張空台而且還較不受聲音及迴音影響服務員的培訓及處理手法讓人對香港版的大戶屋完全失去信心到店外後 頭也是暈暈的沒食慾 身體也花上差不多半小時才回復過來最後轉移到附近另一家日本餐廳進餐該店店員親切有禮 顯示是日式服務 形成極大對比對香港大戶屋很失望 也浪費了很多時間服務生的培訓跟快餐店的差不多以後不會再去香港大戶屋 也不推薦給日本朋友吃晚飯服務最低評分是一 不然這次一定是零分或以下

環境不錯，幾寬敞，坐得舒服。牛肉壽喜燒份量幾足，牛肉質素收貨，豆腐嫩滑，粉絲美味；但菜太少啦，真係得一條！！盛惠$130（未加一）。呢個價錢食牛肉壽喜燒確係無咩選擇，但係食其他野應該有好多好食過佢既選擇。食完其實同係吉野架打完邊爐嘅滿足感差不多。全晚無人添茶，叫佢俾個碗，硬係入面要淨返啲水（洗碗水？！）算吧啦，唔好妄想自己係高級餐廳喇......有冇下次呀？應該都有既，當我想食日本野但係又想食清啲既時候......

行到荔枝角Aeon想食日本野，特別係好掛住壽喜燒既味道，於是就去咗大戶屋食～壽喜燒定食牛肉份量都足夠既，肉質都可以，煲入面有豆腐、冬菇～正常既壽喜燒嘅食材都有～我自己就好鍾意壽喜燒甜甜既味道，所以食得好開心～朋友叫嘅呢款照燒雞扒定食，雞皮都好夠脆，有香味～唔錯～

係特別節日黎講荔枝角既呢間位於Aeon 內的大戶屋算係冇咩人排隊，唔洗去市區同人迫餐死，呢間餐廳食物同價錢都同和民差不多，今次同朋友黎食，雖然係假日但等左大約15分鐘就入得，餐廳內坐位多數以開放式為主，冇卡位，以日式餐廳黎講欠缺左些私人空間，今次叫左一個壽喜燒定食同一個日式烤雞扒定食，定食配有一杯冬菇雞肉蒸燉蛋同味噌湯，先說個燉蛋，口感好滑，有好香既香菇味，好似加左上湯一齊蒸，好夠味，另外個味噌湯就冇咩特別。至於個烤雞扒肉質係幾嫩滑，但雞皮烤得唔夠脆，同咸左少少，不過都幾餸到飯，整體黎講都唔錯，個壽喜燒我試左幾啖，覺得就一般般，都係冇咩特別。不過呢個價錢黎講唔算抵食

難得有時間，專登搭車黎荔枝角食大户屋。第一次喺荔枝角分店食，見到門外唔算多人排隊，拎左飛之後點知都要等成半個鐘。等位都唔係問題，最大問題係帶位嗰位疑似經理既服務態度令我覺得自己好似食緊茶餐廳咁。我拎A21號飛，當叫A20叫左兩次無人應，佢就叫A21, 螢光幕都打左A21飛，當我行埋去既時候，A20又突然衝出黎，咁個經理就帶左A20入座，咁我就問另一位侍應我係咪繼續等，佢就話幫我問下，到經理返出黎，佢竟然話A21 入左啦。咁我就話未啊，頭先係A20, 之後佢就用好差既態度話，咁你等下啦。到之黎有檯，佢完全唔係帶位，行過講句呢度就算。日式餐廳計，佢既服務態度真係算好差。講返野食，我地叫左一個五花腩定食，一個壽喜燒定食。五花腩定食先黎，但係無左燉蛋，啲五花腩好燶，同之前食既味道差好遠。燉蛋食到差唔多食完先補返。過左15分鐘黎，壽喜燒先到，壽喜燒味道唔錯，但係牛肉好多都係肉碎，只有兩片牛肉片。

去左荔枝角碧海藍天午餐，12:50到，1:00落單，到1:36都無得食，職員話無飯碗出飯，但落單時人不多，我1:50要走，所以我說取消，職員即出個餐比我，但我叫泡菜鍋，咁熱，點10分鐘食完？所以我堅持取消，同枱的人杯餐飲也1:50才送到⋯下次無兩個鐘飯鐘，唔好來食1:20時已追單但，職員還理直氣壯地說落單後要等30分鐘，仲話：落單後要等30分鐘，你唔知架咩？我比百幾蚊食個餐，要受你氣咩？咁大間餐廳，唔夠飯碗出飯？