影片
一间唔起眼嘅小店，大成面馆睇名子以为只食面，事实系内有干坤😋除了有车仔面外，仲好多款鱼清蒸或香煎😍钟意食鱼嘅朋友大喜讯👍 小店没有华丽装修，平民贴地做街坊生意😊 连价钱都很贴地👍蕃茄豆腐鱼头汤饭餐$67汤底有鱼味😋 成大大个鱼头煎完滚汤，内有豆腐，蕃茄，小白菜配埋碗一大碗白饭饱晒😋 另上一碟秘制豉油给点鱼食😋用热油爆过姜丝葱粒👍鲜百合西芹炒鸡丁套餐 $53有镬气得嚟唔会好油👍 跟一大碗白饭好饱😝 煎饺子4只 $20即叫即煎， 香口热辣辣😊是日例汤：五指毛桃汤，足料有家的感觉😊套餐加$2可配热饮一杯😃
继续阅读
大成面馆名字虽然叫面馆,但店内亦有提供很多不同类型的𩠌菜美食,尤其系鱼类料理,不同种类的鱼,煎、蒸煮法样样有,而且价钱不贵,绝对是主打街坊生意的好店。小店铺仔细细,台面很整洁企理,店员阿姐亦很亲切。套餐饭量充足,而且送足料汤水,性价比很高!!
继续阅读
上年网上社交媒体群组介绍食鱼驰名，同朋友食咗几次，因上枱太好食太正唔记得影相，所以冇写食评。今日去屯门医院覆诊完，约下午一点半左右，坐轻铁到兆康站转西铁到元朗，到朗屏站落车步行去到约两点。本身想食鱼，但又想试下佢其他厨房嘢质素，谂住留待下次两个人再去时，叫两款鱼餐时捞乱食仲正。入到去除咗我之外，只有两枱食客堂食，及一啲外卖自取熟客。比平时我夜晚去人少，生意确系难做 ! 我叫咗韮菜虾仁炒蛋饭，先有碗热辣辣中式例汤饮，应该系白、红萝卜煲猪骨，唔错几好饮唔颈渴。冻奶茶同时上味道偏淡，但淡奶系非常足够滑。等咗约 8 分钟碟饭上枱，厨房加咗甜豉油好开胃，但我都系嫌啖加咗几滴、枱面摆放嘅李锦记鲜味生抽，加完更加惹味成碟食哂 ! 之后慢慢饮埋杯冻奶茶，慢慢坐到员工午饭摆枱前，我识做要求先埋单唔好阻佢咃食饭，我就用八达通消费劵埋单，再坐多一阵就离去，到附近买全元朗最便宜蔬菜。 之前食过香煎马友，煎得好均匀唔油好干身香脆，但用筷子夹落肉好鲜嫩，加上碟边伴有香葱、蒜片、葱花、芫茜，及甜豉油熟油，倒小匙羹伴碟甜豉油落白饭，超级开胃好食。另外又食过豉汁蒸鲳鱼、果皮蒸泥鯭、及香煎牙带鱼都非常好食，价钱大约六十几近七十蚊起。去开街市睇冰鲜牙带鱼，短过手掌最平都约 $30~35元一条。呢度煎得好靓屋企家生煎唔到，加上例沙及饮品，现场堂食空间虽然唔大，但枱櫈唔浅窄坐得好舒服，仲有各类电子收费相当方便。绝对推介中意食鱼人士，相信元朗区最抵食、及整得唔错之一，绝对值得推荐 !
继续阅读
平时经过唔多起眼既铺头，冇华丽装修，细细间咁，唔多留意，但今日天气好热，冇乜胃口，突然之间好想食汤饭，见佢门口写住有wor，即管叫个鸭腿汤饭返家食！哗。。。返到家一开盒，闻到浓郁既味，入味之余仲要好好食，鸭够软，冬瓜入晒味，汤底一流，仲送埋老火汤，冇咪精，白饭超大盒，真系冇得输！！仲要送埋野饮，咁既价钱系边到揾！！家庭式经营，有人情味之余又足料，真系怪自己发现得太迟！之后都要多多帮衬下，支持小店！！！
继续阅读