大快活 (廣源商場)

营业中

休息中

收工本身諗住出面食完先返但又未想食野住，所以返到屋企附近先算初頭想是但買啲小食返去，煮個面但落車忽然想鋸扒！諗返起上次大快活個扒就衝左落去搵左一陣，唔見左上次食果個餐...見到個邊爐好似幾吸引（好多人打緊..）望一望有4安士同半磅肥牛餐我就梗係半磅肥牛啦，湯底呢就辣湯！佢仲可以追加配料，雖然望落個餐已經多野但打邊爐點可以無！追加返個午餐肉先～收銀姐姐仲話加2蚊變大杯可樂，抵埋單都只係80蚊多啲啲有肉有菜有丸有烏冬(可轉公仔面）睇到佢個份量同食落正常既質素算性價比中高～

阿媽話唔煮飯落大快活打邊爐,我又無乜所謂就去左打邊爐lu, 一放工返屋企放低野~6點正就落到去,轉晒牌已經有得買晚餐,見到d小菜都好想食,又唔係貴,見隔離枱份量都好多上次一人一鍋飽到上心口,今次醒目叫一鍋再加配料就算8oz肥牛火煱$80, 汽水+1轉大杯(上次收銀無講都唔知有得轉),一至五配料半價,牛豚菜盤拼盤除外,加左午餐肉同拼盤,再一次覺得午餐肉好抵…$5 3大塊…上次烏冬有1.5個今次只有1個肥牛一d都唔肥好食!今次又比錯湯底,希望收銀可以留意一下

今晚無飯開得我同阿哥2丁友,阿哥提意落去打邊爐,咁就早d出門7點落去,因為之前試過晏少少去就售罄lu, 時間尚早,今日去到得幾個人食緊飯,火煱直情未見人食一人一個餐叫左雙倍牛,加左一份午餐肉,平日加配料半價.好抵!!本身諗住$5三塊午餐肉就算好薄都可接受,但佢係厚身!仲係半圓,好抵呀!肥牛唔會淨係見白色肥膏,咁既價錢不能挑剔太多然後有腸仔,貢丸,1.5個稻庭烏冬,2 3款蔬菜,一個人食好夠飽,下次2個人叫一份加多d送就應該夠食啦!仲送杯可樂,遲d涼d再落去打過

想食晚餐既時間有少少雨，唯有到附近的食肆開餐，附近食肆不多，質素參差，唔知食咩好，求其揾間大路的舖，於是決定去大快活。入到去，想食鐵板餐，但冇牛扒餐，只有呢個BBQ燒排骨及雞扒餐，醬汁揀左黑椒汁。雞扒幾大塊，加埋醬汁，好好味；燒排骨竟然係好長既排骨，冇諗過會用呢款肉，都好味，但太長，所以食起上來唔係太方便；而成個餐最驚喜係兩片既蒜容包，新鮮整起，好香好脆，為成個餐加左唔少分數。雖然個鐵板餐比以往貴左幾蚊，但係感覺高級左，唔係以往咁，俾幾塊扒你，每塊紙咁薄，有進步，賣呢個價錢，可以接受。

今次推介依間分店並非針對會有美食,大集團水準通常都統一咗㗎喇。主要係想講吓佢嘅環境。因為地處廣源邨,一個充滿濃厚古色古香嘅社區。所以都感染咗鄉土情懷,周邊都係綠油油嘅樹木。當你一邊食餐一邊好舒暢咁欣賞吓環境,感覺絕對OK。況且你身邊唔會有趕頭趕命嘅白領人士,只有休休閒閒嘅公公婆婆或者食完就過隔離街市買餸嘅C9順帶一提,個餐粥非常唔掂。食剩九成九無味不特止,非常(湖口)。真係有股衝動攞出去換過另外一款食材

今天收工後自己一個人係屋企附近大快活食飯，叫左個我最鐘意食咖哩牛肉飯，淡淡牛肉香味，佢d咖哩汁撈飯真是一流，暑仔炆到好惗，個飯晤夠食仲可以再添，自己真是煮晤到呢個咖哩口味

同屋企人一齊黎食大快活下午茶，叫左個餐，有餐肉煎蛋米粉，熱飲(我要左熱咖啡)同燒雞翼，total $30。個餐黎到望落系幾豐富既，個煎蛋原來系太陽蛋，依個我有d驚喜，餐肉同太陽蛋食落ok, 米粉略嫌少左同硬左d，但可以接受既。至於隻雞翼，我覺得簡直系一流，有淡淡既香草味，燒得剛剛好，肉質煙韌，有雞味，的確唔錯! 杯咖啡亦可以話系高水準，分分中比得起出面貴價d 既餐廳d 咖啡。所以總括黎講我幾滿意依餐下午茶😊

開完會都夜 又肚餓就近近地上廣源食dinner食過大快活茶餐 但好少食晚餐所以就打算入去試下揀來揀去 都係揀左個雞扒鐵板餐整個餐賣相不錯但我嫌飯嘅份量太少所以加6蚊要多碗白飯細細個蕃茄粟米焗飯味道不錯 好重蕃茄鮮味但份量認真唔夠鐵扒餐塊熱板我覺得不夠熱所以啲黑汁倒落去嘅時候無"咋咋"聲不過塊雞扒好夠大塊一咬成個口充滿肉汁 好好味腸仔無煎過 所以好普通但整體上係ok ge

今日放左學 見3點3好肚餓又有排先晚餐就上廣源邨high個tea咁見到大快活好耐無食就走左入去睇有好多款下午茶餐揀而且好抵食2幾蚊就有個餐呢個面好好食撈有肉碎同微辣醬汁撈仲有香葱令個撈面更加香我中意食辣就攞左包辣椒醬落真係好好好好味呢個西多都唔錯即炸即整唔係炸完擺好耐果啲有煉奶又夠蜜糖真係又脆又軟又香又甜廿蚊就食到咁好味嘅茶餐唔似得啲茶餐廳又貴又唔好味遲啲都會再去嘆下午茶！

年初二真係好難搵食, 所以都係要選擇呢d連鎖集團, 好彩都算等位等得快............. 熱狗+紅豆沙 雖然我知道新年返工係唔會有人機做, 但都唔好整都隻熱狗咁樣衰丫, 一pet嘢, 散哂咁, 見到都唔開胃............個包已經切得衰, 條腸、生菜同d沙律醬, 係咁易pet上個包面就算, 我都唔知點食好? 唯有包有包食, 腸有腸食, 菜有菜食咁lor~~ 個包就唔係好夠軟熟, 條腸又實咗d咁lor~ 紅豆沙又煲得幾沙, 竟然落埋海帶tim~ 開頭我見到果pet綠色菜, 仲以為佢唔乾淨, 執咗d菜落嚟tim~ 睇真d原來係海帶, 咁就夠哂清熱, 而且唔算好甜, 少少甜咁啦~又係新年返工唔集中的例子, 明明叫個A1餐, 落單時竟然落咗H1餐, 但覆單時明明係覆A1, 到等時發現, 即刻叫收銀更正, 但入面廚房依然冇理, 照出...............

唔知係咪勞動節多人放假, 平時食開的茶餐廳全場爆滿, 唯有選擇第間, 但第間又未夠下午茶時間, 只有大快活開始咗下午茶餐, 所以都要選擇呢間, 好彩都係啱啱開始下午茶時間, 未係咁多人, 仲有位坐, 而我地選擇坐响收銀後面果張2人枱, 廢事等陣人多有人搭枱...........老公去咗買嘢食, 我乖乖地坐响度等佢時, 無啦啦發現枱面多咗舊塵, 明明記得坐低時張枱好乾淨, 吹走舊塵之後我望上上面, 見到冷氣、喉管位全部都係塵, 成吋厚, 所以頭先舊塵應該係响上面飛落嚟, 但見佢周圍都係咁, 根本坐邊都冇分別, 只係睇你好唔好彩, 唯有快d食快d閃, 一路食我都一路驚佢再飛塵落嚟, 搞到我食都食得唔安落..............由排隊買飛到排隊拎食物, 起碼用咗10分鐘時間, 餓死我............. 雞翼拼咖哩角配碗仔翅 雞翼係全翼, 但唔熱, 而且燒得唔夠香, 又瘦又細隻 咖哩角有3舊, 又係唔熱, 雖然好脆, 但好油, 又冇乜餡料 碗仔翅好杰, 呢個就夠熱, 料就冇乜, 只有少少肉絲、蛋花、木耳絲, 顏色就夠哂深, 但味道就冇乜

是日晚餐大快活中餐，包括主菜一款、中湯、中國茶。加少少錢有蒸旦或生菜。菠蘿咕嚕肉：咕嚕肉肉味一般，外層算脆口，有菠蘿、青椒、洋蔥作配菜，不馬夫，獻汁稀杰適中。西檸脆雞：脆雞不夠脆，份量較少，配薯仔真是第一次，我一塊也沒有吃，西檸汁味道酸甜適中。瑤柱肉碎蒸蛋：加$6，沒有特別期望，竟然有驚喜，分量不容，口感滑，有旦味，不油膩，還有細細粒瑤柱，底吃。油菜：加$4，分量和價錢成正比，算新鮮，但其豉油較鹹。冬瓜薏米雪耳豬骨湯：隨餐附送，標榜無味精，較油膩，味道確不錯，有家湯感覺，用料足，碗內的湯料我全部都吃光。白飯：沒有飯味，但夠熱。最後還有中國茶一杯，以快餐來說，可算中上和底食。

個日勁想打邊爐, 但得一個人, 就去左大快活,佢個邊爐真係冇得輸, 冇野飲送, d料又差, 又得一個員工係度開爐, 仲要唔知去左邊...相比其他2間快餐, 真係冇得輸... 佢又少野簡..........又唔吸引............個湯底又冇味..........不過個牛都幾好食ge, 雖然一堆野咁拎出黎, 又散開哂細細塊咁, 我諗佢最好食都係雞脾飯...........

裝修前已經令我一試難忘。看見大快活三個字已望之卻步。不敢再次與他有任何關係。重新裝修後，還以為他會脫胎換骨，重新燃點了我對它一絲新的期望。怎料今回卻令我永世難忘。唉~~~~~~~。銅油酲始終都是盛裝銅油的。這間店鋪真是「一生不變」，食物仍然是這麼「難」吃。店鋪內環境感覺闊落，光線稍暗， 冷氣略為凍了一些。看了餐牌，食品款式沒有太大改變，隨意點了一客牛扒拼燒春雞鐵板餐（燒汁）。令加龍蝦湯和唐生菜。是晚消費也要$50元正。接過售票小姐的電腦收據，找了一個靠牆邊的坐位，很悠閒地等待著新鮮出爐的鐵板餐。等候期間，在百無聊賴下看著手中的電腦收據，才發覺單據上寫著的不是牛扒拼燒春雞，而是豬扒拼燒春雞。本想找落單的職員更改，但想到時間已經過了十幾分鐘，食物應該已經製作中，算啦，牛扒和豬扒都是扒，就賣一個順水人情給售票小姐，隨緣吧！當我前往櫃台接收晚餐時卻發現漿汁中帶有點點黑色的物體，燒汁沒有理由會有粒粒小黑點出現的，當下詢問職員是不是燒汁，他回答說：「黑椒汁」。嘩~~~~，怎會這麼樣的，樓面和厨房的水準真的是一致的，一致的錯，錯完再錯，試問我如何大方也不能接受，何況本人真的不能吃黑椒的(食完喉嚨會發

早些日子與男友試了一人火鍋。大快活的一人火鍋果真迷你，份量只夠一人食而已。選了蕃茄湯，很淡，沒味。配料很少，大部分都是青菜。最後我們兩人share食都不夠，要另外再食多一個煲仔飯，味道依然麻麻。試過了三大快餐店的火鍋，份量最多的是大家樂，味道最好的我認為是美心，而大快活就是比它們都遜色的。