大快活 (圓方火區)

营业中

休息中

成個下午食得塊餅，餓到打鼓。到大快活發現有鐵板雜扒餐，就對自己好少少啦，$56 又可以用支付寶消費券。點知原來下午5-6時有早鳥優惠$50 咋! 包埋野飲，用埋支付寶劵-$3 即是$47!! 正!! 勞動人民恩物!講返個餐，正常水準，扒醃得夠味，係個豬扒我自己覺得鹹左D。條芝士腸真是很多芝士，牛扒唔硬，發揮正常，當然對食肉獸嚟講，塊牛扒厚D就更完美啦。個迷你粟米肉粒飯是細D，不過晚上唔好食咁多澱粉質，都👌。

今日來elements睇戲，趁有時間快快趣趣去食個下午茶先，點了西多士配燒雞脾配紅豆冰，也點了燒味雙拼飯配汽水，由於太開胃，再加一碗碗仔翅。最有驚喜的是碗仔翅，有水準.

早餐選擇比較多, 當天早上10.30到逹. 大部份中式早餐已售罄.  但早餐我還是喜歡西式的. 叫左個咩都有的W07, 有蕃茄腸片炒滑蛋, 雞扒, 煙肉加薯餅, 再加配雪菜肉絲米.  炒蛋加了茄腸, 感覺比一般炒蛋多餘左. 蕃茄完全蓋過了蛋的味道, 下次叫普通的炒滑蛋足夠. 雞扒及煙肉味道正常.  薯餅相對M字某某餐廳比下去了. 口感及味道一般. 勝在種類多.

大快活相信大家都食過，有時突然好肚餓，想平靚正快啲搞掂，都會去食吓。今晚收工真係好肚餓，餓到想食好多肉，之後路過見到鐵板牛扒餐先56蚊，仲有埋碗飯同嘢飲，真係抵到爛。咁嘅價錢就唔好有太多要求，入面有齊牛扒、豬扒、雞扒同一條好大嘅芝士腸，仲想點。牛扒係好簿嘅，不過都幾多肉，而且好易咬，牛味就冇乜，同普通茶餐廳牛扒早餐d牛扒差唔多。豬反而幾好味，一d都唔肥，有咬口。雞肉都ok。不過個黑椒汁就太jit，睇相都睇得出，唔係流汁嘅，係一patpat，所以成個餐嘅賣相就唔太好。蕃茄汁飯幾好味，不過最後食唔晒。

秋風起，風和日麗，最適合郊遊啦！呢日我地帶咗個小帳幕，嚟到西九文化區紮營，度過悠閒的一個下午。睇埋幻彩咏香江，我地就收拾離開，再步行至圓方搵食喇。去到圓方都差不多晚上8:30, 很多餐廳都已last order, 所以我地退而求其次，搵間快餐店食個快飯就可以了。幸好喺圓方都有快餐店嘅選擇，我地就揀咗去食大快活啦！我地快快地點了餐，服務員隨即將兩份套餐火速送到。很欣賞今時今日快餐店都有送餐服務，真的非常貼心！餐店也沒有因為即將打烊而怠慢客人，兩份套餐都有湯有菜和滿碗的白飯。熱辣辣嘅獅子頭煲仔菜而菠蘿咕嚕肉則較為遜色，因為份量較少。不過我倆都已經非常飽足了！

外賣要健康其實都𠸝唔係好多選擇，係圓方要搵平得黎健康就更難。好彩依到有大快活，可以比我食雞胸飯。咁大快活既雞胸飯係幾出色既，周圍個味都差唔多，幾standard。咁一打開就見到個雞胸係幾大塊！切落去都唔會好實好難先切得開。咁食落去真係幾嫩口，仲要都有幾多肉汁，整體塊雞胸係煎得唔錯。飯方面唔係普通白飯，而係紅米，所以都健康啲。之後佢都有唔少菜跟埋，所以營養都夠。仲要成個飯既份量都幾大！真係幾抵食！

大快活一向係咁連鎖快餐店入邊我認為最有水準嘅一間，佢嘅咖喱牛腩飯尤其係我嘅至愛，但係今次寫嘅素肉醬飯，都係我第一次食。由於最近迷上左食素，所以今次見到原來大快活嘅餐牌都有素食提供，就即刻決定試吓啦！食完之後先發現，原來素肉醬嘅味道同普通肉醬幾乎一樣，酸酸甜甜嘅蕃茄汁十分開胃，鍾意素食嘅朋友下次可以試吓。

Winter has arrived and it's time for hotpot!In Elements, Fairwood is the most affordable restaurant. It offers a number of seats. One mini hotpot with beef and pork only cost less than $80, with some meat balls, qualify is fair.

午飯黎到大快活見佢有新餐單，有煲仔飯食，於是就叫黎試下。叫左個章魚肉餅煲仔飯，唔係好得。隻蛋焗左勁耐已經成個蒸蛋咁，肉餅又一pat野無咩口感。亦都無飯焦的，得個燶味....麻麻地呀， 唔建議試

我在基層長大，出身自公屋，有人說冇乜地位，仍然喜歡到快餐店醫肚。 這間在頂級商場內的平民快餐店，有很大的對比感， 坐落在商場的一角，座位很舒適，快餐店的價錢，有五星級的環境享受。買了肉醬意粉外賣，有㸃貴，$47，送汽水。回家後，肉醬意粉的溫度和硬度維持得不錯，不是最好吃，但是以快餐店來說，可以接受。

小妹逛街時想找一個地方休息一下，看見STARBUCKS等地方都滿座，便想起在地下的大快活，那裡座位夠多，而且面向溜冰場，一邊吃還可以觀賞別人溜冰呢！由於已到了晚市時間，所以叫了肉醬意粉餐，配汽水雪碧(這是免費配飲，還可以選低糖綠茶或熱飲)。肉醬意粉賣相普通，不算美觀，但份量也充足，內裡肉碎很多，吃完了意粉還有肉碎剩下。這個肉醬意粉偏重香草味，而不是大眾食開的蕃茄味，所以開頭吃是有點不太習慣，香草味太濃了......不過吃多幾口就接受了。在圓方的商場內，有這個地點可以休息下，吃下快餐，也不失為一個選擇。

去到圓方睇完戲 肚仔又餓 身上又無乜錢點算好？比較食得起嘅食物應該就係大快活啦12點半已經好多人啦，好在都唔洗排好耐，俾錢先知道原來宜家仲可以用微信或者支付寶，咁我嗌咗魚肉捲拼叉燒瀨粉，瀨粉望落唔好，但係食起來又沒有乾硬既感覺，ok啦！叉燒沒有雪藏味，口感幾好唔好薄到咬空氣魚肉春捲都幾好食既呢個配搭仲可以轉米粉 加埋杯野飲可以選擇凍綠茶/熱奶茶檸茶咖啡 /汽水，除咗呢d以外其他係需要加錢。檸水放得太多檸檬 一黎就好酸，呢d細微嘅位下次可以改善一下啦

難得早左起身，甘就番工前食個早餐先啦。呢間大快活好開放式，裝修都好靚咖！魚柳拼雙蛋。多士餐我好中意食大快活既英式多士，包夠厚身，又吾會烘到好濃加埋牛油，真係好好食炸魚雖然細細舊，但啲粉吾會好硬，又吾會好多粉漿。煎太陽蛋我好中意食，煎得吾算好多油，又無穿蛋黃奶茶都算香滑咖。不過吾夠熱珍珠雞呢個珍珠雞夠哂大隻！估吾到入面係包左一隻雞槌！好得意，真係有雞係入面。哈。糯米飯都算好香，吾差既。食一隻早餐好飽！

我幾鐘意去食燒味飯，而且香港大街小巷也有的連鎖店是對我呢啲要周圍走嘅打工仔是最方便的，今次試的是大快活的是叉燒拼香雞飯。點了大約5分鐘，便可以拿到，第一眼看到的賣相是幾靚仔的，雞件及叉燒放得整齊有序，再加上一點點的菜及放於底下的飯，說實在是幾美的，賣相已成功吸引了我。再說味道，說實在的，我向來也不會對快餐店有太大的期望，始終價錢決定了質素，食下去後，果然如此，冰鮮雞味很濃，但也食得落的，叉燒乾左啲，如果再多啲醬汁會比較好，反而飯整得唔錯，時間控制得很好，不會過軟或過硬。

食快餐基本上我要求都唔高，求其填飽個肚唔太難食都得過且過算數，今日屋企無人煮飯無飯開，一放工就返到屋企樓下大快活拿拿聲點餐食完返屋企休息，睇咗餐牌一陣就點咗呢個吉列豬扒飯配燒汁，不過原來需時都10-15分鐘，坐喺到等咗10分鐘左右就有姐姐送餐，吉列豬扒都幾多件，食落外層香口脆身有少少鬆化嘅，入面塊豬扒仲好嫩，大快活果然做豬扒係出色啲，飯幾似日本米口感，不過覺得個燒汁都幾咸扣咗幾多分～不過價錢都算合理嘅～