大快活 (淘大商場3期)

营业中

休息中

看見大快活大力宣傳它的秘製蕃茄醬就姑且試一試$27一個焗豬扒飯加$10一個海撒沙律先說沙律有生菜有煙肉上面還有一條芝士餅乾單看面相已經吸引混在一起吃感覺清新但沙律醬用的是白汁相信用千島醬會更配而且份量也略少!至於焗豬扒飯要等10分鐘左右但新鮮焗也值得好大一塊的豬扒差不多有兩隻手掌蕃茄醬充滿蕃茄應有的鮮味不會被調味料蓋\過而且酸酸的不過甜配上用蛋炒過的飯實在很對我胃口那塊豬扒就真的又粗糙又沒有鮮味對我來說可有可無也不是重點那個蕃茄醬的確令人很開胃!

原本去快餐店都冇乜expectation但係今次有d驚喜首先款式配搭極多岩哂我呢D乜都想試少少既人叫左個美國炒蛋早餐有炒旦+魚柳+咖啡加多個雪菜肉絲米先講多士係英式果隻,幾厚幾脆!我中2食包連皮所以好滿意魚柳麻麻夠熱但係就唔夠脆,亦都散散地炒旦滑得黎有旦汁,唔會過熟同鞋!咖啡好飲,咖啡味好夠已經超過快餐店水準!最驚喜係雪菜肉絲米以為加3蚊唔方會有好野...點知好多雪菜同肉絲!米線唔會好稔又唔係好硬,有口感!$22食到一個有heart既早餐好滿意!下次會再去!

午市鮮原茄系列--一口鱈魚($25)+$5 =飲品欖油意粉不錯~ 只是有那麼點點的油有微微的香味而不覺油膩控制得十分好~蕃茄汁足夠~ 酸酸甜甜好開胃~幾個魚柳o岩o岩炸起~脆卜卜真走運!!結果清得7788十分滿足~ ^o^

今晚同朋友到淘大睇戲食飯，响戲院上面嗰間大快活食，咕唔到間店6點幾己經人山人海！一心嚟試吓個火鍋，唯有等吓，好彩都唔使等好耐就比我哋揾到位，跟住火速到收銀位買飛、取火鍋。全程都幾快，服務都ok，員工快得嚟都有笑容、有禮貌。我要咗個蕃茄湯底肥牛鍋、而我朋友叫左個皮旦湯肥牛鍋。2個人4盤嘢張枱都唔多夠位放！個鍋又幾特別唔係一般不銹鋼銀色鍋，有啲似石頭飯嗰鍋，都幾得！而食物份量都算多，肥牛片好正好新鮮，蕃茄湯底好香濃，2個人每人$39蚊食到飽飽，差不多食咗一個鍾至食晒全部嘢，好彩樓下就係戲院，差不多食到開場前3分鐘至走人。想起上星期响淘大大家樂食火鍋就真喺未食就火到嚟！買咗飛都要等5個字，啲所謂東星班同肉食又(梅)，湯底又無味、份量又少...仲要貴過人！啲員工又無乜禮貌....真唔明同區咁多對手都可以生存到？

尋日早上同細妹去九龍灣li間大快活食早餐,d位都幾好坐,我地揀左個'美國鮮嫩滑雞蛋早餐',個餐有一隻好好好滑gei蛋,一塊吉朱/牛/雞扒,一個多士,一杯野飲,一碗牛腩/雪菜肉絲米粉....都係$19ja!!!好快拿到野食,就即刻食個隻蛋,嘩!真係美國鮮雞蛋,我之前食過都係li隻味,好正呀!個扒又唔係大薄,夠食有突,奶茶都沖得好飲呢^^

補完課去自修室之前的lunch~跟karen去了試這個新出的鮮蜆意粉[$30]一看價錢都有少少呆架..冇諗過要成$30~不過食完又覺得幾抵,,因為好好味~你拎意粉既時候staff會幫你落d黑楜椒碎,哈哈,唔知係咪我大鄉里呢,我覺得好得意呀果舊落楜椒的instrument~好啦,講返食物的味道~d意粉好入味...又真係有好多蜆,good 呀!!個人覺得大快活比起以前做得好左好多..以前咁多間fast food 最討厭大快活,但e+已經變成最鍾意la~haha

厄瓜多爾隊食蛋出局，而我今日既早餐竟然係一碟臭蛋！客氣D講句：係怪味道蛋。難道一向因開放改革俾我好感既快餐店就咁出局？定係加時再賽，個人既排行榜上(就平、靚、快)位置保持不變，咪駛降班？

以前一般人對幾間港式快餐店的排名是：1)美心2)大家樂3)大快活。但近年大快活真是有好大好大的進步，食肆在裝修、食物水平、生、菜式及型像都有好大的改善，現時大快活的型像是好young、好健康，而且裝修真係一流，比好多西餐廳還好，最犀利是連食物水準同菜式都大躍進、好似最近去左淘大大快活(即前麥記的地址)食左個上海排骨菜飯餐，嘩！我真係唔明為何快餐店可以造到這樣好味的上海排骨，就算好多上海舖亦未必可以造到如此好味的菜式。現時，大快活不斷創新菜式，佢宜家係帶住美心同大家樂走，你睇美心同大家樂要重新裝修分店來迎戰大快活，但美心同大家樂的裝修卻是低手，個style低大快活一級，另外最近更見到美心改logo，但too bad，又係低手，完全唔係阿活的對手！另外，大快活首先提出提磨咖啡及用橄欖油造意粉，其他銀食肆又要照跟。仲有呀，大快活率先全店禁煙，Excellent!最後我的總結係，現時的排名是：1)大快活2&3)美心同大家樂。(P.S.我唔係大快活的員工或股東，早知先一年就買大快活的股票啦，呢一年好似升左好多呀！)

意粉煮到arm-arm好，帶者蒜香，又唔會過多油。三文魚塊(細細件)味道幾好，一D都唔腥(做得唔好會幾腥架！)，若份量多番DD，伴碟既西蘭花味道若濃番D就perfect啦！連杯凍飲$34，俾到咁既水準，收貨！另外一提，呢度既interior design俾人一份幾cozy既感覺，而inhouse music(竟然係chill out, down tempo等類型，唔係果D好cheesy既elevator music)既選取，比較起同類既「大XX」，fairwood真係做到與時並進呀！