大快活 (中保集團大廈)

今朝同爸爸去咗中環整旅行證件，整完之後就梗係要嘆返個靚早餐啦，大快活個火腿通粉同燒汁雞扒早餐一直都係我嘅最愛，每次食大快活，我都只係會食同一樣嘢，我係從來都無一次試過大快活另外一款嘅早餐🤣🤣🤣（當然爸爸媽媽有時比我一嚿半舊嘅魚柳⋯⋯牛扒…..嗰啲就另計啦），而今次第一次嚟到中環嘅分店食，估唔到同我平時喺屋企附近食嗰間店嘅味道可以有同一水準🫶🏻而且地方都乾淨，啲哥哥姐姐嘅服務又好，個個都好有禮貌👍…查看更多

The thing I want to praise is not about the food (Although it was better than expected), but more about the attitude of the people working there. Mostly old people, but with hearts of gold. They were extremely friendly and were quick when I asked for a takeaway box for my extra rice, and even helped me put the rice into the box. We exchanged pleasant words, and I am touched by their kindness. In short, do Not look down on them, for I see that they take their job seriously, and I admire them for keeping a level head in this society. Best costumer service. Thank you so much for your hard work, 姨姨s! ❤️…查看更多

豬扒泰式雞上脾飯   2.5/5分   凍飲轉配+3元   43元1. 豬扒又細又薄,食得出有肉粉味,救命2. 泰式雞上脾都幾多肉,但入面見紅不夠熟,又救命3. 米飯略濕,幸有豉油4. 椰菜和豆,依然係咁難食,算吧啦5. 凍鴛鴦的甜度可以自己加,但會出事,因為杯底才有味,下次還是正常味道好吧其實大快活每星期的特選餐都是40元包飲品,價錢不貴,但不要對味道有期望,剛好有上次未用的優惠券才再來消費,我還是建議大家選擇其他餐,例如咖哩雞飯或煲仔飯吧~…查看更多

連續三日錄到 ❤️零❤️確診真係好鼓舞🔆🔆！不過香港人都千祈唔好鬆懈呀！鍾意喺返工前出去食個早餐嘅小妹，繼續都係外賣自取，今日瞓遲咗，一旦起身😅即刻諗吓究竟有邊度可以快快地食個早餐，大快活肯定係最快😁今次我嘅套餐，有吉列豬扒、多士、低糖凍綠茶和 加9蚊 雪菜肉絲米 x 2！咁就搞掂我同老公嘅早餐😆吉列豬扒，我嫌佢多粉咗少少，但係好彩買返嚟都仲係熱嘅，我下次會記得叫凍綠茶少冰，啲冰多到返屋企都仲有三份一杯冰未溶，雪菜肉絲米 一直都係我比較喜愛嘅麵食，雖然大快活嘅味及得上傳統茶餐廳整得咁好食，但食落都OK，起碼唔會啲麵淋哂，而且雪菜同肉絲份量都足夠，以呢個價錢來講，小妹覺得係抵食同值嘅！…查看更多

臨近月尾手頭緊，係時候搵下平野食。午飯時間經過大快活，門口有個易拉架寫住個特價飯$39有野飲，即刻吸引到入去食。大快活位於地庫位置，network好差，係一個大缺點，但好好彩個地方有提供wifi，叫做有嘗試去解決現今香港人不能機不離手既問題。特價飯正式係有豬扒同金沙骨既物體，仲有菜，都真係幾良心下。唔可以話係好高質好好味，但作為填肚平價之選，算係咁啦，好過餐餐去食美式快餐。場地其實都大，雖然真係有好多人去食，但都唔難搵位，同埋姐姐都好密手去清地方出來。…查看更多

令到返工旺區嘅餐廳食飯，都唔想好多人都係姐姐嘅手腳都好快，所以可以接受嘅。但係叫一個40幾蚊嘅飯，我諗比飯嘅份量，真係得兩三啖，變相啲肉好多，但飯就完全唔夠食啦！…查看更多

有謂一日之計在於晨，早上有個wonderful 的早餐，工作都醒神點。今日點左個「阿活香滑炒滑蛋套餐」，食這個加左奶炒的滑蛋，仲要加兩樣秘方：胡椒、Salt，咁先可以帶出滑蛋的香味 😍😍再黎一個自制懷舊茶餐廳奶油多 - 麵包上輕輕搽上一層薄薄的牛油，再問服務員拿多份煉奶（免費的呢🤑🤑🤑🤑 唔洗好似茶餐廳咁加錢），簡直係美味無窮🤩🤩🤩🤩🤩…查看更多

又是忙碌的一天，除了約了客戶外，我午餐多數幫襯快餐店及茶餐廳，一來價格相宜，二來快。我自己對食物有少少要求，無奈工作及銀包所限，總不能每餐大魚大肉吧，對午餐要求只是飽肚及不難吃，中上環餐廳衆多，卻不是每間做到。今天光顧大快活，甘筍馬蹄汁雞胸配紅米飯，今早做完Gym比平時更餓，叫了多飯。這個餐感覺上較為健康，雞胸脂肪低又有豐富蛋白質，紅米飯比白飯多纖維又低GI值，雖然是甘筍馬蹄汁看似健康，醬汁要煮得惹味，一定會加入大量油鹽糖，所以一定要走汁或少汁才健康。…查看更多

平日放飯時間，諗住去就近的大快活解決午飯。我叫咗個豬扒雞扒飯，餐飲揀咗凍可樂。豬扒雞扒飯煎得都算Ok, 不過不失啦，份量就將價就貨，薄切，刀都唔洗用就切得開。但白飯嘅份量真係太少喇，食兩啖就無晒，食完都唔夠飽，唉。配菜有啲椰菜，白炙嘅，無咩味，啲豆仲有啲乾身。凍可樂淡而無味，應該係溝咗水，再加超多冰。埋單$41，只可以話中環食飯咁貴，想平平地簡簡單單填飽個肚就算，大快活快餐係性價比幾高嘅，勉勉強強都收貨。…查看更多

很久都沒有去過大快活，今天來了上環整野，行過便落去食番個下午茶餐先。叫了A08 餐，$27，熱狗中規中矩，雪菜肉絲米味道ok，比想像中大碗，熱檸茶就有點苦，不過這個價錢來說，都可以接受的。…查看更多

曹植的“七步詩”。。。煮豆燃豆萁，豆在釜中泣。本是同根生，相煎何太急。中環人的生活， 節奏急速，風高浪急 。在股海中， 數個價位上落，已經令人膽戰心驚。 加上數不完的辦公室政治 ，生活就是營營役役 、再加，營營役役。能夠在中午跳出來， 和舊同事碰碰杯 ，唞唞氣， 八卦一下。今日down-to-earth啲， 喝杯十元八塊的奶茶， 亦是一份賞心樂事。大快活的奶茶。。。 本質不壞。 應該是從茶餐廳的某某師父中偷了師。 改良了品質。 絲襪沖出來的感覺， 應該是用了數個茶包， 所以茶味很濃很列。 茶飲來幾滑。。。 奶味濃郁， 不輸蝕 於坊間茶餐廳的 絲襪奶茶。 值得一讚。 而且外賣速度快 ，不用等 。最啱我呢啲急性子的人。還是 學下大快活 。。。阿Q一點的率性格。。。 豁豁達達 又一天， 喝杯奶茶 ，生活就是Easy。這才是香港仔 可以在狹縫間生存的unique strengths啊！…查看更多

中環辦事完畢已經到了晚餐時間無意中走到這家店，位於中保大廈地下位置其實蠻好只是在出入口比較偏僻，位於幹諾道而不是主要行人較多的德輔道，不過門口就有上行電梯直達中環行人天橋系統，交通都非常便利。因此這家店入口處全部包裝成大快活特色的橙色非常顯眼還擺有廣告牌介紹菜式。下了樓梯，就餐區域非常大而且晚餐時段顧客並不多不需要排隊，座位也超級多可以一個人享用四人位而不受打擾，這樣的地方在香港餐廳非常罕見了。除咗就餐面積好大外還帶有獨立洗手間，點完後會有電子牌發給隨便坐到選定的位置，把電子牌放到桌子上的專用區域就等服務員端上來吧。真的好方便，一份套餐大約40-50左右，煲仔飯很燙米飯有沾在砂鍋上脆脆的感覺，很地道。油菜配醬汁好好吃。朋友要的薑汁雞飯，整半只雞肉多滑嫩，仲可以免費加多白飯，同時配有一份湯品。😆這樣的地段環境價位出品可以說非常棒了。…查看更多

平時早餐我係會去大家樂，貪距個J2餐有烚蛋，健康d。J2餐($22)：火腿、細多士、 烚蛋X1、火腿絲通粉/麥皮同熱飲今日就去大快活，試下距個S2。S2餐($23.50)：雙蛋、、大多士、一片火腿通/麥皮同熱飲雖然大快活係貴$1.50但：1. 多士size係大家樂1倍（仲可以轉奶油豬或者方包飛邊~好鬼正~) 2. 雙蛋而非烚蛋X13. 個火腿通大碗好多如果大快活可以有烚蛋就更好！順帶一提，而家大快活有炒蛋白，方便五食蛋黃o既人~~…查看更多

放工上公司樓上既大快活食個tea ，見到寫住新推出既炭燒豬扒包，總是喜歡新嘗試既我於是又試了新野食！😚今次食炭燒豬扒包加雞翼配紅豆冰，我order 既時候可能講唔清楚，個收銀以為照比我原本跟餐既奶茶我，其實我係想轉紅豆冰，所以後尾飲唔曬甘多野飲，浪費左😔炭燒豬扒包分量都好足，對於普通食量既女仔下午茶黎講算大，仲要食埋個雞翼，可以唔使食晚飯lu😂😂 個包一咬落去，第一個感覺：點解甘硬既🙈😳不過內餡既豬扒唔錯，juicyjuicy～又香。而紅豆冰對於我黎講比較甜，不過紅豆量足！👍總括而言，黎個炭燒豬扒包值得推薦！滿意😊…查看更多

本人今日中午前往上環干諾道中73號中保集團大廈分店購買午餐。見到餐牌上最新推廣嘅炸蠔黑豚咖喱飯非常吸引決定一試，就買外賣返回公司進食。一打開飯盒，只見到如食剩般嘅豬柳同一粒如十蚊硬幣大嘅炸蠔，極度失望！首先看看異常吸引的promo圖:再看令人髮指的真相：我作為消費者覺得被騙，$45換來一盒不知所為嘅飯盒，絕對不合理。我強烈要求大快活合理回覆！…查看更多