大快活電競 (已結業)

有時係附近返工，想食生炒骨，都會黎依間大快活嗌外賣，原因係佢價錢中中，生炒骨黎講佢都好好食😋加上九展附近都好小中式餐廳，多數西餐，食面，越南野，泰國野，日本野；所以想食中式d既飯，正係諗到佢。而且個餸都幾足料，又有菜，啖啖肉，唔洗驚有骨，又有得多飯，岩晒平時食飯唔夠飽既朋友最重要既係，佢係熱氣黎講最健康，因為佢係唔落味精系列！其實佢電競主題幾特別，環境都幾大，不過佢冷氣更大，唔岩我，都係外賣好d！

呢間暗黑大快活 唔係因為難食 係因為佢既電競主題,你去到呢間大快活 ,好有網吧FEEL,十分支持呢D創新主題,張張台都有WIRELESS充電,都好正,雖然宜家疫情冇人黎打機,不過都希望佢可以頂住落去啦雖然D食物都係同一般大快活一樣既 不過我覺得佢都整得幾好味今次就試左S29 越式法包餐 仲有杯青檸梳打 都幾好味既 ,越式法包內有酸酸的夢白,仲有兩條越式春卷親民的一餐

又黎到呢個食飯地獄既九龍灣國際展貿中心，之前食過幾間都麻麻，見有間大快活新開張，就入去試下。入到去發現，呢間唔係普通大快活！？係有得打機既大快活（其實都幾九唔搭八）。而事實上亦都見到，其實係無人打機，大家都係當普通大快活咁係到食飯，只係多左幾個mon放係到講返野食，呢間大快活唔知係咪太不務正業，連d食物質素都好似差d焗豬扒飯首先，堆雜菜真係好似幾碟食淨堆砌出黎，賣相太唔吸引。之後，果豬扒太薄又鞋口，真係唔多掂。最後連果汁都偏酸，食左一半都頂唔順要放棄

話說近期開OT，就同班同事一齊去食晚餐。竟然發現有新驚喜，大快活晚市推出火鍋套餐。價錢絕對抵，份量多，有牛有豬有配菜有烏冬，仲可以有酒飲。絕對有驚喜。剩係得呢間可以喺大快活入面飲酒。

大快活同電競crossover都幾有創意，邊打機邊食大快活，呢間大快活環境非常大，好多坐位，可以喺度一邊食一邊睇人打機。黎到緊係要食佢嘅招牌焗豬排飯啦，上面鋪滿大量番茄同芝士，仲有幾粒新鮮菠蘿，豬排係厚切，而飯係炒飯底，非常好食。

九展開咗間大快活電競館，同鍾意打機嘅朋友嚟參觀+食嘢，係門面已有自助點餐機，夠曬方便。配合電競主題，餐廳裝飾都整得好潮枱上有得無線叉電枱底亦有usb叉電位，正！叫咗個茶餐超豐富！奶醬多-煉奶同花生醬可自己控制份量，多士焢得剛好夠脆，加埋奶醬食到唔停口蜜汁燒雞翼-蜜汁冇得輸，夠曬甜，雞翼好滑餐肉煎蛋泡麵-正常味道，食完超級飽嘆埋杯可力好滿足除咗正餐外仲設有吧枱！不過晏就嚟仲未開，有機會都會再同朋友嚟感受打機氣氛

叫了个什么黑椒意粉 套餐有加鸡批的他告诉我没有了让我换春卷我换了 结果拿回来的时候连春卷都没有？？？让人怎么吃 而且一点味道都没有比方便面还难吃 还不如花十块钱吃个方便面

其實都開咗成個禮拜，諗住遲啲嚟會冇咁多人。點知日日都好多人，咁我唯有面對現實....排隊啦。食物方面，其實同其他大快活一樣沒有分別。我依舊食我嘅焗豬扒飯，但我發現呢間嘅焗豬扒飯真係好食過其他大快活，豬扒係juicy，一啲都冇乾爭爭嘅感覺，真係估佢唔到。呢間大快活電競，枱邊有 port 位俾人叉電，枱面有無線叉電話，都幾細心吖。唔錯唔錯。行晒成個場，我見佢有幾間直播房，係最入嘅位置，就有好多張電競枱。因為暑假關係， 已經有好多𡃁仔係度打機，最正就係我見到個𡃁仔邊食邊打機，我先至發現原來有叫餐服務，意思係個餐送到你枱面，如果佢可以有埋餵食嘅服務，我相信由早到晚都會有好多人係度打機唔走。😂😂最驚喜嘅係佢有酒吧區，但可惜要5點先開。我同同事決定晏啲再過嚟試埋個啤酒佢。😊😊

九展又有新攪作，九龍灣唯一最強競玩競飲競食綜合酒吧餐廳，有得打機，有得食大快活，仲有手工啤酒飲，日日仲有電競比賽送食品飲品獎品，咁新咁好玩九龍灣仲有邊度有得簡？