影片
营业时间
今日营业
07:00 - 00:00
星期一至日
07:00 - 00:00
以上资料只供参考，请与餐厅确认详情
食家推介
两个人去食中午，叫咗瘦肉粥，鱼片粥同埋一碟牛肉肠首先，望落个环境都几暗，地下有唔少垃圾未扫。个第一印象已经麻麻，但系心谂，横掂都嚟到啦，照食，或者啲嘢食唔差呢，如果唔得咪无下次。点知，我发现我真的彻彻底底错了，佢跟住落嚟上枱啲食物真系颠覆我想像。瘦肉粥，系虽然个碗入面有好多瘦肉，但系全部都好咸，应该全部都系用啲火腩烧肉去做，一啲咸瘦肉都冇，碗粥咸到顶唔顺，从来未食过啲咁咸嘅瘦肉粥㗎。鱼片粥，呢个仲正，碗粥一上枱，攞只匙羹一捞上嚟旧鱼片系生嘅，唔系唔熟咁简单，系全生，红色㗎。我估计佢系啲粥滚咗，直接掉几旧生鱼肉落去，滚多两下都费事，就直接上枱。唔食到肚疴算好彩。牛肉肠，呢个好快上，一叫，唔使1分钟就上枱，我心谂，肠粉都要蒸，起码都三几分钟先搞掂啦，使唔使咁快啊？食咗一啖，啲肠粉冻㗎，仲有入边啲牛肉系生牛肉咁，系红色，我觉得佢系未熟嘅，我唔敢博，我叫佢换过一碟俾我，个楼面话，帮我蒸多阵，我心谂，算啦，都唔会有下次啦，费事搞咁多嘢，万一你响我碟嘢加料咪仲弊。碟牛肠返蒸完，出返嚟，系热嘅，但系个质感就当然冇第一次整咁正常，不过呢个唔系重点，重点系我发现上面多咗一只昆虫，有一只死蚊响碟肠粉上面，咁我就要求换过第二碟，我不如稳阵啲，转虾米肠算啦。佢碟虾米肠当然又系好快喺1分钟之内就上碟，我夹起一食，真系想讲粗口，又系冻嘅，我帮衬咁多间粥舖，未试过有一间啲肠粉上枱系冻㗎。佢仲要啲豉油已经变酸，根本就系一早整定，豉油一早落定，摆咗好耐，当有客order就即刻攞出嚟。连肠粉呢啲上枱时候系要热嘅最低要求都可以做到咁样，间嘢到而家都未执笠，都算系一个奇迹。总结就系，永无下次，执到钱都唔会帮衬啦。呢间嘢要执笠个老细真系多得啲伙计。
继续阅读
好X憨x食个粥加个咸蛋，比晒d蛋白我，少少蛋黄都无，连蛋黄味都无，食左一次唔会再食，五蚊系少事，但我比左钱，都系我自己买左嘅野，都系钱黎，唔建议。唔会再黎第二次。切一半少极都会有嘅，未试过少少都无，点X样做生意的🙏🏻
继续阅读
入到去见到舖头唔系话特别大有八九张枱左右 都算坐得舒服 有可能因为夜晚去所以人都比较少 冇遇到服务态度问题之类嘅事黄沙猪润粥 $36佢一碗粥嘅份量啱啱好 佢猪润俾佢份量都好足同埋好大嚿 碗粥唔会太稠亦都唔会太稀 食落去好绵 而且煮粥嘅时候应该已经落咗调味料或者汤水个啲 所以碗粥唔会系白粥咁冇味 都唔会食完之后觉得喉咙好干涸 所以佢满足嘅味道系啱啱好叉烧肠 $20望落去佢嘅皮好薄 而且叉烧比嘅量超级多 唔知系咪因为碟肠粉唔系特别热 所以个皮食落去冇话特别嫩滑 但佢入边啲叉烧食到有半肥瘦 佢调味料区 都有豉油 唔够豉油嘅可以再自己加油条 $11油炸鬼就还好啦 佢面粉比较多食得出面粉比较厚而且唔系脆卜卜 就咁咬一口都要咀嚼好耐 单食嘅话就一般般 如果浸落粥度嘅话就可能要浸耐啲先变软 同埋比较易咬开豆浆 $11原本系叫热豆浆 跟住佢直接拎咗冻豆浆俾我唔知系咪听错咗 问返佢 佢先话冇热豆浆 豆浆都系普普通通一支豆浆有落糖都系甜嘅 饮到底都冇话特别沙
继续阅读
今天走过就进去食，先整体来说说今天感觉跟味道整体：一进去员工在刷地拖地，其实时间只是大概10分钟，这都没所谓清洁卫生，我都能理解我选了在店中间的位置坐下。抽风系统：重重的油烟味把你的味觉大大减少。味道：今天叫了艇仔粥，之前食的时候质地真水，这次有进步。味道：味道偏咸加上重的油腻味，顶不过10分钟我就要放弃面前的食物，因为食物味道咸加上餐厅环境味道油重。另一个食物叫了虾米肠，样子好看，粉的质感在你口里面还有是粉粉沙沙的，这是我这次食过的质感😐
继续阅读
早上9:30左右去到得二枱客，我叫了菜干猪骨粥和炸两。碗粥得1小嚿猪骨及唔好食，炸两系冻嘅油炸鬼入面系林嘅，本人一路食…店员一路大声说话及讲粗口，完全冇心机做嘢及唔尊重。唔会再去👋🏻
继续阅读
您可能会有兴趣的...