大師傅粥品 (埃華街)

营业中

休息中

餐廳性價比挺不錯的，主打粥的價錢都不算貴，而且質素都挺不錯，份量又足。難怪晚上挺多人吃和叫外賣了。狀元及第粥（４０元）（加魚腩１０元）粥底非常綿滑，加上了豬心、豬肝，豬粉腸和豬肉丸，粥變得特別鮮甜，而且完全沒有內藏的腥味。口感也很豐富，豬心爽滑，豬肝爽嫩，粉腸粉嫩，豬肉丸彈牙。另外加的魚腩亦很嫩滑鮮甜。叉燒腸／牛肉腸／豬潤腸（１９元）腸粉都很足料的，全部都是只有食材沒有配菜的。叉燒和豬潤大大片，牛肉是肉碎，味道挺香的，特別是豬潤挺爽的。腸粉也很滑嫩。豉油皇炒麵（１３元）味道挺香的，炒得挺乾身，口感彈牙，份量也挺足的。油條／牛利酥／煎堆（１０元）每款的尺寸都很大，炸得完全不油膩，外脆內軟的。油條鹹香，牛利酥香甜，煎堆軟糯。

大師傅粥品選擇多樣，味道都好有水準。🥢狀元及第粥粥底煮得非常滑，次次嚟親都必點及第粥，足料，大大碗，配料新鮮又唔腥，豬心有嚼勁，豬粉腸軟腍，個粥亦都好綿滑😍🥢手打肉丸粥 +蠔豉肉丸彈牙有鮮味，蠔🦪豉唔會好硬，質感唔錯，配上熱騰騰的粥。🥢炒麵麵條炒得入味，搭配醬料，味道唔錯🤤加啲甜醬更正。🥢牛肉腸牛肉腸口感滑順，肉味濃郁。🥢豆槳豆味ok🥢炸兩腸食粥必點，兩腸外脆內軟，味道香脆，搭配醬汁更好食。

如果話屋企附近有間返唔到轉頭嘅粥店🏠， 一定係埃華街呢間「大師傅」！ 坐得舒服，價錢又合理，重點係每款粥粉麵都好足料😋。豉油王炒麵 $13炒麵炒得乾身，每條面都佈滿醬油，加埋蔥段及辣椒醬一齊食就最正😋。蝦米炸兩腸粉 $20油炸鬼炸得非常香口鬆脆，如果話個腸粉皮加埋蝦米，外滑內脆又香口😋。XO醬煎蘿蔔糕 $28蘿蔔糕口感濕潤軟滑，帶陣陣蘿蔔香味，表面煎至微微香🔥，混埋XO醬一齊炒，勁香又惹味🤤。XO醬炒米 $28米粉炒得乾身入味，又充滿XO醬香味，特別好食😋。黃沙豬潤粥 $33(另加半隻皮蛋$5)厚切黃沙潤住得啱啱好😋，口感粉嫩，潤味香濃，白粥底口感綿滑，米香味突出，加埋薑絲及皮蛋，特別滋味。豆漿 $9/支

💫 皮蛋瘦肉粥 $25啲料超級多🐷應該最少都有半隻皮蛋🫶🏻由頭食到尾都係熱辣辣嘅粥，加埋胡椒粉仲正❣️💫 粟米生菜粥 $25呢個粥食落去會比較清淡🌽粟米有少少甜🥬生菜就比較有口感，鍾意食清啲同埋食素嘅朋友就唔可以錯過啦💕💫 炸兩 $18鍾意食炸兩嘅原因係會落好多醬！😂😂腸粉同油炸鬼嘅融合已經係經典🤙🏻仲要加埋甜醬同麻醬正正子🥸（可以自己落醬先係重點）💫 蔥花腸粉 $14唔使落醬料，就咁落豉油都已經好好食😋俾好多蔥花🤩仲見到啲姐姐攞成塊皮出嚟卷成腸粉🥢💫 牛脷酥 $10傳統粥舖小食🥳甜甜地又外脆內軟咁❤️🤣仲要大大嚿咁！💫 XO醬蘿蔔糕 $28XO醬裹面有蝦米好香🦐唔算係煎得好脆🤣💫 豆漿 $9每次嚟都肯定要叫一支豆漿！正遠豆漿嘅糖分冇咁高😍飲落重豆味🥰📍 大師傅粥品 (埃華街) (大角咀)大角咀埃華街69號地舖

呢排愛上食粥品，加上最近太多飯局，都係要食得清淡會好啲！💎狀元及第粥 - 非常足料，有齊豬潤、豬心、豬肚同豬粉腸，食完好滿足💎鮮鯇魚腩粥 - 魚腩肉厚身嫩滑💎牛利酥 - 外表脆，味道甜甜地，非常有質感💎蠔油生菜 - 生菜好嫩💎鹹肉粽- 餡料有五花肉、咸蛋黃，當然仲有綠豆，糯米口感綿密軟嫩💎豆漿 - 最鍾意店舖用枝裝，非常方便，當然味道係ok的！整體地方光猛，價錢親民，上菜速度又快，店員服務態度很好，原來這間店舖仲有好多分店，咁下次食粥品又可以有多啲選擇！

週末同媽咪一齊食早午餐，佢一早就話想食粥，真係立即考起我，因為現時香港的粥品店真係買少見少，上網搵一搵，發現屋企附近有一間粥店，一於一齊去食吓~粥店環境整潔明亮，員工態度親切，與顧客似朋友般熟稔，感覺大加分!🌟狀元及第粥($40)粥品選擇好多, 除了一般家傳戶曉的粥品如菜乾豬骨粥、皮蛋瘦肉粥、艇仔粥、狀元及第粥等外，亦有其他新口味的粥，如素食的生菜粟米粥、粉腸粥、帶子粥等等,選擇種類好多。我就叫咗狀元及第粥，粥上枱時夠熱，粥有米香及濃稠，非常的綿滑，而且粥料非常的多, 滿滿的一碗, 食完超滿足🤩🌟黃沙豬潤粥，加肉丸($33+$6)媽咪就揀咗黃沙豬潤粥，另外再可以加錢加配料，完全tailor made 個人口味的粥。👍🏻粥底一貫的充滿米香及綿滑，媽咪話黃沙潤煮得剛好，不會太生，而肉丸亦很彈牙。🌟炒麵($13)食粥當然要配炒麵，炒得爽身,麵身爽口,帶豉油香, 配粥一流💯🌟蔥花炸兩腸($19)現時好少有炸兩食,呢間做得不錯,除咗一般的炸兩外,仲有蔥花及蝦米炸兩選擇。炸兩的份量相當充足,而加了蔥花的炸兩, 更加的香,加分!腸粉皮有米香,煙韌有口感,包著厚實的油條,當然一定要加埋麻醬,甜醬,辣醬

收工仲趕得切食碗熱粥～晚上9點路過，呢間街坊粥鋪依然燈火通明✨ 岩曬夜歸嘅打工仔絕對夠鐘來醫肚～ 😍🥣 生滾豬肚粥+生菜絲/皮蛋/瘦肉絲豬肚處理得超乾淨，咬落爽脆冇異味，份量多到好似食極都有😲 粥底綿滑到似絲綢，皮蛋半流心嘅濃郁同生菜絲嘅清新完美配合，加埋胡椒粉簡直系靈魂所在～🍳 雞蛋腸粉雞蛋鋪滿成條腸粉，每一啖都系蛋香🥚 甜豉油同芝麻嘅配搭簡單又經典，想要口味清清地可以揀佢～收工食到呢個質素真系感動～

好多街坊都鐘意呢間嘅粥麵店#大師傅粥品 ！staff親切之餘，地方光猛闊落，內有粥，小食和飲品，價格合理，好食之餘冇失手！我哋決定在此晚餐。✅牛脷酥食落重脆卜卜，甜甜地，味道唔錯!! ✅炒麵食粥清清地，梗要食埋「豉油皇炒麵」，一上枱就出晒煙，重豉油味，炒得好乾爽唔油膩，好有鑊氣👍🏻✅牛肉腸腸粉即叫即蒸，新鮮熱辣，腸皮唔算太厚，都幾滑，裏面包著滑牛份量十足。✅黃沙豬潤粥 - 粉腸豬潤粥底好綿密，豬潤大件份量又多，入口滑嫩爽口，色澤帶淺啡，鍾意食豬潤粥嘅朋友一定要試吓！✅鯨鯇魚腩粥粥底好鮮甜，試左舊魚腩，雖然有魚骨，都算大嘅好易搵，慢慢食唔洗驚，怕魚骨嘅人係岩食嘅!!✅豆槳 

去咗大角咀一間新潮嘅粥品店，餐廳設計簡約時尚，空間光線充足，環境乾淨舒適生滾牛肉粥* ：粥底細滑，牛肉片薄切而鮮嫩，配搭微微嘅薑絲提升香氣，每一口都充滿暖胃嘅滿足感。鮮蝦腸粉* ：腸粉皮薄透滑，帶有一點彈性，完全唔會過腍。內裡嘅鮮蝦飽滿多汁，鮮味十足，輕輕咬落蝦肉嘅彈牙質感更係一大亮點，再淋上少許醬油，味道更加豐富。油炸鬼* ：外層酥脆，咬落去發出輕微嘅「咔吱」聲，內裡鬆軟帶空氣感，完全唔會過油膩，配搭粥品一流，增添咗層次感。

間中也會點外賣，但今天到店內食，點了皮蛋瘦肉粥，瘦肉味道是微酸，應該是剛開始變壞。告知店員，得到的是惡劣的回應。好像是說我吃到酸味是我的問題。完全沒有更換的意思。另外粥底好像加了生粉水似的，而且冇味。難怪裝修後，人流反而減少了。

🙂餐廳環境舒適衛生，服務態度不錯🙂上菜速度快，菜式熱辣辣🙂食物份量足料🙂不用加一服務費🥢牛肉腸 $19.001碟有9件，腸粉皮夠滑薄薄地，包住足料既牛肉，好傳統嘅味道！🥢油條 $10.00一份油條大大件，好脆！怕「熱氣」蘸粥一齊食，同樣甘香酥脆！🥢炒麵 $10.00🥢鮮鯇魚腩粥 $39.00鯇魚腩大件又嫩滑，足料墊滿成碗粥底，雖有魚絲骨但亦唔多，啖啖肉好滿足。 滾成後令成煲粥鮮甜無比，同飲緊魚湯差唔多。 味道一D都唔腥，可以一試。🥢狀元及第粥 $40.00兩/三舊豬潤，豬潤無渣，但中間有少少筋，處理得幾好筋，每啖清甜，綿到唔會見到米，內有滑雞，亦增添了口感。🥢豆槳（2枝）$18

最近我都想食得清淡少少，就去了粥店。點解環境光猛，入座率都有九成。我們三人叫了北菇滑雞生滾粥、咸蛋粥、碎牛粥。而食粥又點會唔食油器，就叫了油炸鬼，再加了一個炒麵，兩支豆漿！這餐性價比好高，又好味又抵食👍🏻！北菇滑雞生滾粥，雞件嫩滑，鮮味十足！我比較喜歡生滾粥，比較入味！碎牛咸蛋粥好滑，而且份量都多。連只是咸蛋粥都好味，原因是粥底好綿，值得一讚！炒麵好大碟，好抵食，配上我至愛的甜醬，好味！油炸鬼又非常香脆。大滿足！

天氣悶熱，偶然食欲不振，都想搵啲清淡啲嘅嘢食，就同細佬搵間粥鋪#大師傅粥品 ，食碗狀元粥，順道同佢慶祝新一個學年。💥狀元及第粥(豬心、豬潤和豬粉腸)份量算系大碗，上枱好熱辣辣，要慢慢食先食到。豬內臟冇咩怪味道，新鮮材料。食落有口感，唔會係好淋。💥北菇雞粥粥底好綿，食落去香濃雞味，冇味精成份，食完唔會好口乾。💥九皇鮮蝦腸腸粉皮滑溜，蝦都算新鮮。💥XO醬炒米賣相OK炒得夠香，XO醬都幾幾多，整體夠乾。夠曬過癮。💥豆漿

態度惡劣，絕不回顧今天下午與家人一起到這裡吃，因目測店內不太多客人，又都不是太肚餓，所以只點了幾碟點心。剛下單後，其中一碟齋腸粉便已經上菜。但等了半小時，其他點心仍未到，故此向侍應催單，首先侍應表示：「蒸點係要時間蒸，唔等得唔好食。」 然後，她們便一群侍應圍在一起討論本人及家人，內容大概是不滿意本人只點了幾款點心，沒有耐性等待。所有對話內容故意說給我們聽。本人認為她們態度極為惡劣，本人一家是客人，亦未曾有刁難她們，或提出什麼特別要求，只是想知道食物何時才會有，麻煩她們跟進，不知為何要受她們如此對待，所以本人一家決定取消所有未到食物便結帳離開，侍應仍然表現不耐煩地答應我們要求，誰知又有另一名侍應突然送上所有未到食物。本人不明白為何齋腸又可以一早便上菜？其中一碟蝦腸粉卻遲遲未有？那麼 應如何判斷蒸點要時間蒸這言論？

一直有幫衬大师傅，但今日好失望，買左碎牛粥返去食，點知食左一半先发现D碎牛係生嘅！即時攞住去搵佢哋，佢哋話將唔熟D粥再煲番俾我，我覺得好离譜！我話唔要，已經食左一半，都唔知會唔會有事，跟住佢哋凈係退左粥钱俾我，就唔再理我，呢件事令到越諗越唔舒服！以後都唔敢去食食物差！态度更加差！地址係大角咀，大师傅！