影片
今晚谂唔到食乜，经过见到有间新开既拉面店，就决定一试。餐厅唔算好大，干净企理。蒲烧鳗鱼拉面($78)“友人” 点左蒲烧鳗鱼拉面。猪骨汤底好淡，唔似系用猪骨淆出来，似味精粉。面底系茶餐厅拉面个只，好重碱水味，唔好食，非正宗日式拉面。出菜时闻到好香既鳗鱼香味，但上枱后好快冻，唔似新鲜烧出来，似返叮，唔好食。(但影相睇落都好吸引)(个人口味: 2.8/5)(鳗鱼)(个人口味: 2.2/5)(拉面)吉列猪排拉面($60)+可乐($8)见住厨房即叫即沾粉炸猪排，上枱见到大大块猪排又热辣辣，好吸引。但d皮系散哂既，有部份猪排肉质偏柴又硬，系食唔到既，不过沾酱食就可以接受。拉面就同”友人”既评价一样。(个人口味: 2.5/5)感受到侍应既亲切同热情，值得加分。可能因为我地期待既系食到日式风味既拉面，系同其他拉面餐厅比较既情况下，就有差距(似茶餐厅级数)，会觉得好失望，宁愿俾多少少钱食个汤底浓郁既猪骨汤拉面。
继续阅读
佢唔系我地食开既日式餐厅, 选择唔太多, 但系佢既鸡扒丼, 牛肉拉面, 鳗鱼拉面都好好食, 佢真正既卖点系煎香既料理, 系值得一试。另外都推荐杂菜沙律, 都系水准之作既饭前小食, 又可以摄取番多d纤维。元朗好小衣一类餐厅, 可能系宣传唔够, 暂时眼见未系太多人流, 希望可以介绍下比大家。
继续阅读
外面望落系间好普通嘅 local 日式餐厅，唔会特别想试，但有朋友试完觉得唔错，反正就脚，于是去尝一尝~朋友嘅咖喱猪扒饭一上枱，全枱哗然，好大碟猪扒多到好似一般餐厅嘅 double XD试咗少少，咖喱好正！平时我唔太好日式咖喱，因为偏甜，但呢个系带点辣，好啱我口味。见朋友食到最后仲好够汁。猪扒炸得香脆，硬咗少少，肉偏干身，略嫌唔够 juicy.跟住都系朋友嘅烧三文鱼饭，因为我唔食三文鱼，所以无试，只影咗相，但望落都几吸引，朋友都话味道唔错。配泡菜都几特别，酸辣味~最后系我嘅鸡扒拉面同猪扒一样，份量超多 XD 鸡扒好滑嫩，好正，皮都好香口，平时全部飞走，呢次忍唔住食少少面身正正常常，印象不太深刻。另外配料有好多好多笋~另外嗌咗一份唐扬炸鸡，一份4大件外脆内滑，炸炸𠮶层够薄身，感觉唔会太热气水准之作。最后特别一提店员，好有礼貌同热诚，虽然无乜点讲过嘢，但系感受得到。
继续阅读
昨天和男朋友到教育路觅食经过店舖，本身觉得门面贴的图片并非十分吸引，而且菜式选择似乎不多，都有少许犹豫。但由于附近的餐厅都有点人多，于是决定试试这间。岂料，一试便觉得性价比奇高。我们分别点了吉猪拉面和烧鸡肉丼，还有一客辣烧牛肉沙律。味道都甚佳，尤其是那烧牛肉沙律，牛排大块之余，烧烤的时间控制得很好，令肉汁得以保存。再配上酸酸甜甜的汁料，十分醒胃，是高水准之作。而价钱只是$40。我们著实觉得好抵食。我们一直都喜欢吃日本料理，相信很多元朗人也是。虽然这间餐厅名气不大，但却是真材实料，故此向大家推荐一下。
继续阅读
元朗教育路一向都系食店林立，但系强烈竞争下要做得住，往往都系相当难，作为住系元朗街坊，见证到好多餐厅又开又结业离场好似今次介绍呢间以日式拉面为主打既餐厅，见到佢只系新开业唔系好耐，于是就行入去试下啦店内装修就无乜特别，但干净企理整齐，可能岩岩新开张唔系好耐，餐牌上选择唔系好多，落单就系以自助形式，自己系餐牌上剔出你想要既野，拉面仲可以自选面身既软硬程度，仲有要唔要葱，最后我拣左个烧牛肉拉面落完单好快就送上，一送上第一眼望落卖相唔错，仲有牛肉既份量都唔算小，全部都系大大片，牛肉食落唔韧，咬落尚算嫩清，至于面身就软硬适中，系略嫌汤底味道偏淡整体来讲算系唔错，下次会再试下其他
继续阅读