大家樂 (葵涌廣場)

营业中

休息中

四圍都今貴,唯有食快餐,叫左個海南咖喱石斑飯,咖喱完全不辣,而且幾滑,所謂石斑其實唔知咩魚尼,兩小塊,凍左,唔好食,反而薯仔幾爽,有咬口.加紅豆冰加$8,合計$32,貴左D,違背原意

Lunch架喱牛肉飯好差~只係得黃色架喱粉之外, 無一part似架喱!另外豬扒焗飯d飯起焦, 而且乾身...去隔離新都會廣場食好過~

天氣又凍０左～最好去打邊爐兩個人星期六未夠７點去到已經差唔多滿哂人叫０左兩個一哥火煱（醉雞同肥牛）０的野好一般去過以前雅蘭０個間大家樂０的野好似新鮮０的不過呢間０的阿姐幾好人^^

今日食大熱狗餐+牛奶麥皮+即磨咖啡(總共$20)做午餐。大熱狗一如以往好味,其實全個包既靈魂係個芥末沙律汁!我好鐘意呢款汁!!幸好次次都有一大pat! 正正正~~~牛奶麥皮好似我媽媽煮既一樣,唔會太稀又唔會杰到似糊仔,好味!!至於杯咖啡不過不失,無乜香味,飲完唔會有陣咖啡味停留係口腔入面,反而阿活仲有少少咖啡香味,呢方面要改進改進。

好耐無食過一哥豬扒飯,今日見大家樂無平時咁多人就再食。但係真係跌晒watt!!飯又淋pat pat,豬扒又無乜味,反而美心或大快活仲好味,成個餐最值得讚係另外有一小盒白烚西蘭花,快餐得黎有d菜食。下次都係唔食lu。

前日lunch time去食飯，見d學生餐幾抵，十七蚊包埋紅豆冰，便打算惠顧。由於我是大專生，所以不是穿校服的，我問counter我有有效學生證，可否買學生餐，她回應不可以，因為公司規矩學生餐只出售予穿著校服的學生。我想反問大家樂，究竟佢地知唔知社會上有一羣用穿校服的學生叫大學生、大專生、IVE生，他們亦有權得到地鐵學生乘車半價優惠，去戲院睇戲只需出示學生證便可享學生優惠，難道大家樂只承認穿校服的人為學生，而否定我們的學生身份佢係咪歧視先?

第一次食推介的一哥焗豬扒飯，我覺得飯好食過豬扒，D豬扒好“淋”，唔得彈牙。另外，豬頸肉併叉燒套餐，豬頸肉幾爽，估唔到都幾好食喎。