大家樂 (粉嶺名都商場)

营业中

休息中

天氣開始涼涼地，好想打下邊爐，見佢新推出火鍋船，三個朋友叫左兩個火鍋，一個鮑螺片大蝦肥牛鍋($49)配香濃豬骨湯及沙爹湯底，d鮑片好爽口，配料有菜、蝦、幾片粟米、豆腐、同冬瓜仲有米線同手打魚麵，不過d魚麵麻麻地，有d腥同有d小魚骨，另一隻船叫左肥牛雜錦鍋$48配香濃豬骨湯及香茜皮蛋湯，呢款就多左d丸類，沙爹湯底比較淡，反而香茜皮蛋滾起來好香，加$6有珍寶泰式青檸冰，價錢幾十蚊就可以烚烚下食火煱，都係不錯錯選擇。

放工都八點幾,一支公口痕痕,食下火鍋都好,而且8:30pm後有特價,連一杯青檸蜜都係$45(醉雞肥牛鍋),老實講,要求唔好咁多,份量就一定夠,質素就一般啦,醉雞湯底就淡左d,雞就好肥好肥,油多到離譜,不過菜就好多,食左一個鐘,仲要睇完本雜誌至走~~~~ 哈哈!

由中學開始已經唔鍾意食快餐店, 但係如果俾朋友"航"住要去大家樂o既話, 我就一定會叫一哥焗豬扒飯, 因為覺得係裡面最okay o既野...近排都被迫食左一次...