大家樂 (已結業)

晨咁早,終於了結心頭大事,連隨係樓下吃早餐。叫左一個笳湯通粉,炒蛋加雞肉腸(一片咁大把),即磨咖啡,個通粉好好味,炒蛋無咩擔心,因為唔係有毒貨,地方夠大,坐得好舒服,食得好happy~

星期六都要OT，見出面落雨落到天昏地暗，所以同老細去左最近o既大家樂求其食一餐，下晝繼續努力。一點幾黎到，人都唔少，應該有七成滿吧！都唔知有幾多年冇幫襯過連鎖快餐店啦，印象中最安全係食燒味，不過聽同事講過話佢o既咖哩出奇地有水準，所以決定兩個人分食燒鴨切雞飯同咖哩雞飯。兩個飯o既質地當然係麻麻，燒味飯o既鼓油亦只係合格而已，不過個燒鴨瘦得黎味道又唔錯喎。講番個咖哩，竟然好有黃咖哩粉o既香味，而且都夠辣﹝對食開辣o既食友黎講當然係完全唔辣啦！﹞。雞方面份量都唔少，當然係雪雞啦，但質地都OK，而且算有雞味的。個人認為個汁唔差得過新景園架，而且相比馬拉式o既濃味咖哩，我反而比較鍾意冇椰汁同冇咁甜o既港式咖哩。可惜配套o既飯唔係太掂，否則可以俾個笑面佢呢！食完個快飯，繼續o係office做到近六點，仲要帶功課番屋企繼續做，好橙

環境不錯, 清潔, 舒服, 又分吸煙區: 此外, 食品在眾多大家樂中, 較為好味.