大家樂 (V Walk) (裝修中)

叫咗個一哥豬扒飯 咖喱牛腩飯 呢期仲有得升級楊枝甘露 咖喱牛腩飯比較辣 不過牛腩好腍好易咬楊枝甘露比較甜 個人認為都幾淡 飲紅豆冰可能比較好呢間比較多老人家坐喺度傾偈 繁忙時間應該冇位坐 不過趕時間今次就照食左

心血來潮想食一份公司三文治，就去大家樂睇一睇，見到依家做緊39蚊連嘢飲，咁啱八達通又有一個優惠減8蚊咁,就食一個一份全份公司三文治輕鬆一下還好今日竟然好輕鬆就搵到位呢個大家樂嘅公司治同平時嗰啲有少少唔同呢個公司字裏面係火腿唔係午餐肉完全唔啱曬我嘅好味，最憎食午餐肉今次烘底都算好得好夠，食落包面都脆身分量尚算可以接受 生菜、番茄都算新鮮另外要讚一讚今日杯檸茶，茶味濃，有回香今次覺得環境都算好乾淨，阿姐收餐盤嗰啲都好快非常滿意

琴日黃昏時間係深水埗收工，覺得肚餓，想食d野先返屋企，行行下見到有大家樂 即刻入左去 因為好耐冇食佢地既招牌一哥焗豬扒飯啦，之後入左去，叫餐到攞餐 都只不過係5分鐘左右 攞到餐啦 一揭開個紙皮 即刻聞到陣陣飯香，個飯好好食，食左幾淡飯之後 開始食個主角 塊豬扒 好正😍😍😍外脆內軟 好好食 個味道真係10年不變 d蕃茄又鮮甜，正到不得了，個飯就一粒粒，好有飯香，豬扒煎得好靚，個飯焗得好香，真係Perfect Match!😋😋

今日中午黎到大家樂食午飯，見到有個套餐好抵食，如果唔加凍飲只係$38咋，即刻叫黎試下啦。個飯一黎到，賣相唔錯架，唔會因為特價餐而將貨就價。個飯量好足，仲有佢有d肉醬意粉既汁，撈飯一流。仲有不得不讚佢塊炸豬扒，炸得金香可口，咬落口係係脆口架，好似台灣夜市炸豬扒咁好食，仲有塊炸豬扒既Size都好大塊，差唔多成個碗咁大，絕對夠送飯呀。咁金香可口既炸豬扒配埋肉醬意粉汁，成個飯餐既配搭係一流。最後加多杯凍咖啡！

作為肉醬意粉迷既我 真係好中意試唔同鋪頭GE 肉醬意粉..但我最中意都係呢間GE肉醬意粉由中學食到而家..中學果陣 食到我黎大家樂未講食乜 D同學都知我會叫肉醬意粉早排佢出左個素肉醬意粉 無出到呢款 果陣就有試下素果個對於食肉獸既我 素肉醬果個有陣豆味 無肉煮GE咁香 果個食完一次就無再叫了.最近見佢有返呢個真肉整既先食返不過我多數中午食食完一個肉醬意粉夜晚都唔想再食野 好飽好大兜題外話::大家樂D下午餐都幾抵幾好食~成日都想食但就唔到時間

今日中午黎到vwalk商場，見消費劵入面有大家樂減5蚊優惠，咁就叫左個叉燒四寶飯44蚊再減5蚊，全單39蚊埋單。原本諗住咁普通的大家樂就真係冇寫食評既意欲，但今次見到個叉燒四寶飯既叉燒賣相非常之靚，令令地反晒光咁，第一口咬下去唔硬而且都比較淋也有蜜糖味，鹵水雞翼不太咸而且也不乾帶有少少肉汁，咸蛋既蛋黃雖然未至於出黃油但也不過不失，39蚊你仲想點，都叫物超所值而且39蚊仲包埋一杯凍檸樂，是大杯size不是細細杯。所以呢餐都算係最認為值得去寫食評既大家樂，希望將來也繼續推出優惠因為現在出街食個午餐基本都50蚊。

我相信大家樂都好多人食過，而我同好多人一樣最鍾意食都係大家樂嘅焗豬扒飯。雖然坊間都有好多唔同嘅快餐店，或者茶餐廳都會出焗豬扒飯。但係我個人認為大家樂嘅焗豬扒飯水準相對穩定，唔同分店出嘅飯質素都唔唔會差太遠。今次喺vwalk分店食嘅。依度環境好好，感覺好乾淨，又光猛。不過人都幾多，所以都係快脆食完快啲走。講返個焗豬扒飯，啲汁甜甜地，唔會話好酸。食得出唔淨係落咗蕃茄。味道上都幾有層次。豬扒冇乜特別，值得一題嘅係都算厚身，雖然個汁好濃味但係豬扒都食到有豬味。而我最鍾意就係焗豬扒飯個飯底，大家樂嘅炒飯底一向都吵得好乾身。食得出但香，雖然鑊氣就唔會話好夠，但係我覺得以佢嘅價錢來講，已經算係中上水平。好過出面好多餐廳，連炒飯都冇只係比白飯。以平民餐廳黎講，我已經收貨。唯一美中不足係，佢俾咗錫紙兜我，感覺風味冇咁好食而且唔太環保。

Good ServiceGood TasteGood Quality只有一個缺點，就是冷氣太凍啦同埋太早閂門又平又冇服務費想坐邊到都得，外賣亦好快見到有小朋友倒瀉水，即刻有阿姐抹地😌😌之后又倒瀉多一次，阿姐唔見左😢😢

入冬都係鐘意食打邊爐，作為一個稱職既香港人，點可以唔去食火鍋？我同朋友點左兩個火鍋，分別係四川麻辣湯底、蕃茄湯底，兩個湯底都不過不失，都有佢地應有既味道，僅此而已。配料非常豐富，肥牛兩份、貢丸、魚皮、豆卜、粟米、芽菜、牛肉，$80黎講真係幾豐富，而且非常飽肚，不過質素當然冇平時果啲咁好食，但老實講，食放題$200~$300都係食呢啲，我食大家樂火鍋，$80都係飽肚，其實真係為左果小小可以任食既滿足感而食放題真係唔多抵食！

7点好多早餐店都未開門，行過大家樂，順便吃個早餐兩個人點左兩個套餐炒麵套餐還OK如果大食，會覺得份量有滴少可能好耐冇食炒麵，覺得好好食再來個奶茶，完美另外雞扒味道都可以，入面好多汁配上腸仔，一級棒就是有滴香香地，哈哈

成日都有人比較三間快餐店嘅焗豬扒飯, 個人而言食唔出有啲乜嘢分別。唔知食乜好簡簡單單食個焗豬扒飯都覺得幾爽皮。大家樂嘅焗豬扒飯食過幾次都ok， 呢個飯最正係夠熱; 面的茄汁邊有少少燶， 芝士面都食到有少許兒拉絲;豬扒夠厚·夠淋食到入口亦都夠鬆化，雖然都知道一定係鬆肉粉醃過豬扒， 但係還好都仍然係有豬肉味; 飯面仲有少許菠蘿令塊豬扒無咁油膩 ;炒飯底夠香又有蛋花，食起手唔會好油。三色豆就仍然係好大陣雪味，連啲汁都蓋唔到個就唔雪味😑整體嚟講係好食嘅

附近做嘢又攰又熱又鵝見到大家樂個叉燒飯下午茶沖咗入去下午茶餐真係好抵38蚊有個細叉燒飯其實份量都唔少叉燒有質素，夠熱辣辣仲有隻雞全翼添跟餐包埋紅豆冰真係好鬼飽抵食

有陣時得自己一個食飯就想是但搵間快餐搞掂。小弟見好耐無係大家樂堂食，就想食下d外賣會無咁好食既野。其實小弟一直都比較鍾情於大x活既咖喱。但係因為時候唔早，好多野食都賣哂，所以就點左佢地既咖喱。店員好貼心咁附上一杯暖水。睇落兜咖喱份量十足，牛腩大大舊，有成7-8舊！薯仔就有兩大舊！呢個飯雖然偏貴，但性價比好高！咖喱汁好香濃，牛腩又唔會好un。最後小弟都食唔哂d飯同薯仔，因為真係好多牛腩果然堂食係唔同d呀～～

夜晚唔知食乜好，行到呢間最新嘅廣場睇到間間都唔係好想食，竟然畀呢個鐵板餐吸引，不過我個人就唔係好鍾意鐵板嗰啲熱力令啲汁又彈，又搞到成身煙味所以每一次我都係叫佢碟上嘅而今晚竟然冇曬重點的德國腸佢問我可唔可以改兩條早餐腸咁其實我喺度諗，我除咗答得之外我仲可以答咩呢？？粟米非常之爽脆，冇渣但甜味缺乏，水份好足嘅所以清清爽爽略嫌有啲淡，會想加少少豉油或者鹽咁兩條早餐腸我實在唔多講喇番茄水分充足嗰個洋蔥我覺得同碟嘢完全唔夾我想要返啲西蘭花或者薯菜好啲牛扒係醃到淋嘅牛扒，未去到最淋有足夠咬口，厚度略嫌薄少少厚返多少少就perfect喇最估唔到係佢跟呢個番茄腸片飯係好食！而且唔好睇佢細細兜係好足夠飽嘅！黑椒汁不錯，我可以再辣少少有啲過鹹因為平常我通常去大家樂只係食早餐就一定叫即磨齋啡咁夜晚嘅話我就唔飲得咖啡因為會瞓唔著所以就試呢個低糖綠茶但係估唔到呢個綠茶，茶味好夠濃而佢亦都係少甜，非常清爽舒適總括嚟講六十零蚊真係冇投訴

諗唔到食咩緊係去反自己下午茶飯堂啦。最抵食覺得係燒鴨粉加紅豆冰。燒鴨保持水準，皮香肉嫩，最緊要真係夠多肉。有5舊都啖啖肉。勁滿足。仲有杯紅豆冰都出色，紅豆夠多夠淋