大家樂 (新城市廣場一期)

营业中

休息中

As there were many people waiting in line to dine in, we came to Cafe de Coral. With plenty of seats, we noticed a two people dinner set that costs $88. It had a roast spring chicken, baked spaghetti bolognese, two corn on the cob and two ice red bean drink. We ordered and waited a while as everything was prepared.The chicken was delicious! Juicy and moist. So packed with flavor! The corn on the cob didn't have any butter and was just steamed. I didn't mind it so much but boyfriend wanted more f

食大家樂嘅好處係一個人食嘅話都唔會尷尬。因為身邊嘅人同自己一樣都係為求食個快飯醫肚，而唔係話你要享受一個悠閑嘅下午去享受食物。放工已經十二點。又想食啲嘢返屋企休息下。咁唔流諗最方便嘅地方就係大家樂。沙田呢間大家樂雖然位於新城市廣場。但係佢又唔會話十分之多人，基本上等一陣就有位。仲要等係一個人食所以買完都好快有位坐低今日叫左呢個蒸雞飯。雞肉首先唔會話蒸得太老。而且鼓油亦都唔會話十分之咸。整體而言係合格嘅。另外仲送左個湯比得添。以咁嘅價錢嚟講，有餸有飯有湯有嘢飲。可以話非常之抵食。

對於冇乜錢嚟講 大家樂係一個唔錯嘅選擇， 佢嘅下午茶性價比高， 對於早食飯嘅人五點幾鐘食佢個下午茶 當係夜晚飯亦都係一個唔錯嘅選擇， 佢嘅叉燒瀨粉其實都唔錯質數， 配埋個紅豆冰正啊！

久不久便心思思想吃焗豬扒飯，今天午餐再嘗大家樂的芝味厚切一哥焗豬扒飯。這個招牌焗豬扒飯已經在餐牌上多年，仍然受食客歡迎。熱騰騰的飯盒，茄汁醬加波羅粒開胃惹味，洋蔥脆炸豬扒肉質鬆軟啖啖肉，吃得飽肚的豐富午餐。

尋晚收工收得晏 一個人唔知食乜好 見大家樂既焗肉醬意粉冇左一段時間近排又出返 一於試試佢睇下佢有冇退步先 「四重芝士焗肉醬意粉」：講真有些少失望 肉醬就同之前冇乜分別 唔太差 但肉醬有d偏少 但係意粉真係太乾 唔係爽口彈牙咁簡單呀 係乾爭爭呀 乾到好似食意粉乾咁 雖然價錢唔貴理應唔應該對佢有咩期望 但我相信呢個價錢可以有更好既選擇另外佢其中一個主要既賣點係用左四重芝士包括巴馬臣芝士同忌廉芝士等 但食落真係唔覺 食唔出果重層次 咩四重奏 算啦 噱頭野姐 係我咁傻先至會信果幾條又黃份量又少又煮到淋得滯賣相又差既白灼菜要加$9 冇下次了

疫情第三波好像完結了，今日星期日趁得閒喺早上10:30鐘飛的士嚟沙田新城市廣場購物，買完野已經中午12點了，順便去咗大家樂買阿爸最鍾意食嘅海南雞飯配紅豆冰，橫掂咁耐冇食，我都點了一份俾自己，總共兩份，海南雞飯每客$54，加紅豆冰要加$6，即係消費每位$60。阿爸話大家樂嘅海南雞飯用嘅雞皮比較薄好多，而且皮下脂肪很少，雞皮咬落爽口，就算冇食入口只係食雞肉感覺都很好！最緊要係佢哋唔知用啲乜嘢香料嘅湯汁去浸隻雞，令到雞肉有馳名海南雞飯獨特的香味！我哋減肥所以將雞油飯改做白飯。好耐冇食，啲白飯比舊年煮得好很多，起碼不會太稔太削，米的質素也提高了。我哋最鍾意佢有三款點海南雞飯嘅醬汁，分別係辣椒汁、薑油及東南亞甜豉油膏。紅豆冰都係大家樂出名嘅飲品，紅豆夠多，最緊要唔太甜！好奇怪！很多長者都喜歡大家樂的海南雞飯！我也喜歡！

去大家樂一定係食鐵板餐！是晚我地一家去咗大家樂食晚餐，聽到周圍都有咋咋淋嘅聲，就即刻衝去點餐啦！我每次都係點西冷牛扒鐵板配黑椒汁。今次冇餐包送，只有粟米同埋酥皮海鮮湯。酥皮湯都係我嘅最愛。我份西冷牛扒都幾大塊，唔算好厚身，同埋都係有些少筋，但係以呢個價錢嚟講，CP值真係好高架喇！細佬就點咗燒春雞鐵板餐，好大份，差啲食唔曬！最後先食個酥皮湯，裡面啲忌廉湯仲係熱辣辣嘅，真係好想再去食大家樂嘅鐵板餐呀！！！

一個平凡既晚餐去左食大家樂 大家樂經常都有鐵板扒餐 咁岩呢次又有返酥皮湯就黎左試最平既餐係雜扒餐$60.5最貴就係牛扒$70 但都包埋酥皮湯既 我就叫左雜扒餐 因為個餐太大份食唔晒就叫左個平既 雞扒個size 係早餐個塊😂而豬扒就好大塊 豬扒本身既調味有啲咸 同比較乾 但雞扒都keep 到係嫩既 有好大條司華力腸 皮好脆 幾好食 配菜就有個細蕃茄同洋蔥墊底 洋蔥墊底有少少焦 好香好好味 而且都好爽甜 酥皮幾脆幾好味 而個湯就有啲杰身 似汁多啲 入面都有蜆、蟹柳、粟米、洋蔥、紅蘿蔔🥕都算多料 雖然呢個餐唔算好好味但呢個價錢包咁多野算係抵食咖哩牛三寶 有牛腩、牛舌同牛筋 牛腩份量最多 牛舌就得一塊 但都算3樣加埋餸既份量都夠 咖哩汁較稀但都夠香辣 係幾惹味👍🏼

疫情下，少了食客出外吃飯，經濟受到威脅，很多食店特設外賣優惠來吸引食客，籍此保住生意。大集團式經營的大家樂也不例外，特設外賣晚市快餸，$38一個餸、$70 兩個、$100便可買到三個餸。換言之，買多一個，就平多些。今晚我便選了三個餸回家，減省做菜的功夫。回到家後，煲好湯和煮好飯，便能開飯了。～菠蘿咕嚕肉酸酸甜甜的菠蘿🍍非常醒胃，炸過的咕嚕肉吸收了汁的精華，味道討人，肉質一點也不硬。配料中的洋蔥🧅、青掓和紅椒🌶為這餸增添了纖維和多層次的味道。～燒味雙拼我選了叉燒和燒鴨，兩者同樣入味。叉燒燒得剛好，肉腍又不韌；燒鴨骨肉分明，沾上酸梅醬來吃，味道更上一層。最後就連放燒味底部的花生也不放過，既有𡁻口又有點咸香。～醬油燒汁豬軟骨豬軟骨炆得腍滑，就連軟骨部分也能輕易咬開，味道適中，非常好吃。浸在汁內的白蘿蔔味鮮甜，煮得軟硬適中。這個餸用來配白飯吃，最好不過。

今天下午大約五時，途經沙田大家樂，肚子有點餓了，便決定買一個下午茶餐回家吃。原來下午茶餐的選擇也很多，有中式的、有西式、有輕食的、也有較飽肚的，所以也不難找到自己喜歡吃的。～細碗鹵蛋肉燥飯、雞翼鹵蛋非常入味，肉燥味道適中，冬菇粒惹味，但又不會過鹹，送白飯吃是好配搭。雞翼燒得微焦皮薄，醃得入味。這下午茶餐的飲品還可升級要紅豆冰，真令人感到滿足。紅豆冰內的紅豆也頗大粒，不會過甜，味道適中。吃了整個餐後已可代替了晚餐。

要數葡國菜最知名嘅菜式，又點少得大家樂的【椰香葡國雞飯】🐔🍛🥘呢？今天能在港式的連鎖快餐店吃到具有澳門特色的葡式美食。不只有在澳门本地才能吃得到的，在香港也能吃到哦。葡國雞溫度夠熱辣辣，而葡汁香濃，餸飯一流！不過，雞嘅份量就唔算太多，大概有5件，但當你把第一口焗飯送入嘴中時，你會相信一切等待都是值得的，實在令人回味無窮！吃完美味的雞飯，當然還要品杯凍檸檬茶，這餐午飯才算滿足。只不過今時今日隨着快餐文化的迅速發展，水準不過不失。

總有一間在附近的大家樂，最方便一些不想動腦思考到底去哪一間餐廳食飯的人，像我🐥今天又出動，大家樂的晚餐就食得多，午餐原來也有超值之選，是日推介的是 鴛鴦炒飯，仲送可樂鴛鴦顧名思義是有兩種顏色的，一白，一橙，橙色汁內有橙色一條條的物體， 原來是雞柳被番茄汁染橙了， 酸酸甜甜很是開胃。 另一邊是白汁蝦仁，有幾隻爽口小蝦。一次可以試食兩種味道都幾吸引，配上 雞蛋炒飯，更添香氣和可口。總括來說 味道不錯，32元套餐還包括飲品，很超值， 建議份量可以多一點，因女生食完都未夠飽

新城市廣場的大家樂中午真係好多人，再加上暑假，條龍比平時還長很多！今日我大概12:30度到大家樂，已經坐滿晒人，等左一陣我同媽媽先有位坐。可能因為多人，又坐靠門口的位置，覺得好熱！冷氣唔夠凍。我同媽媽都叫左白切雞飯，整體黎講味道係不錯的！份量足（好似比以前食既份份量多啲），$38都好ok. 不過近呢幾年真係加左好多價。自己間中都會黎呢間大家樂食午餐。佢既焗豬扒飯，肉酱意粉同咖哩雞飯都不錯，係我經常的選擇 。

食個早餐都已經要30蚊落樓，少左好多野食，早餐叫個糯米雞都接近30蚊無野飲無粥跟。唯一可取既係鍾意叫乜蛋都得，炒，煎，烚都得。野飲都係咁啦，30蚊想點。啲粉，都係咁啦，正常野囉。

沙田中心的商場不停裝修，食店又愈來愈少。突然又好想去打邊爐就去左大家樂。結果邊爐無左，見隔離台點了「清湯牛腩鍋」聞落好似幾香就試下。講香味其實係幾唔錯，湯底比打邊爐清。個鍋湯底配料唔算多，有蘿蔔同兩款配菜，其實都幾下火，勝在夠清甜。牛腩都算過得去啦，有少少韌口，牛味又重，呢樣好！牛腩都算足料，配個清湯底 五十七蚊都算係咁。(建議選汽水/茶，平五蚊)至於配既就一定唔係廣告中的「香飯」啦...不過個「原盅燉湯：富上蘋果雪耳燉唐排」又幾有驚喜。個燉湯用左蘋果關係好清甜，不過就唔建議食唐排啦，燉完又乾又韌。我諗下次會試下其他嘅「原盅燉湯」菜單。