大家樂 (旺角中心第一座)

营业中

休息中

臨近夏天,對食火鍋意欲愈來愈少,但行過大家樂見有新出火鍋,加多杯野埋單計六十蚊,就試下呢個一人前,坐底後,好快個鍋同白飯就送上黎,打開個鍋裹面D配菜同埋隻雞都系熟既,只須番熱就可食得,成個都有好濃雞味,只系覺得隻雞好(鞋),以呢個價錢黎講都算系咁.

 當日早收,約埋d fd去買旅行用品時間有限,係地鐵站出口附近旺角中心大家樂極速食個飯見到有一款叫葡國雞飯 $43連飲品就試下 份量絕對多,大量番茄,薯仔,雞係用胸肉,但已經燉煮到好軟身味道偏咸同辣,同一般食既有少許不同配白飯食係好夾40蚊左右包飲品,算係旺角快餐既合理價但食完個咸味久久不散,應該無下次大家樂都係焗飯比較好食飲品包熱飲自選一杯有冷熱水機自助場中見大部份人都係打邊爐為主旺角彌敦道688號旺角中心1期地庫B/F, Argyle Centre Phase 1, 688 Nathan Road, Mong Kok

大家樂我覺得幾好食。。因為每次食完都ok。最中意食係佢地既燒雞翼。真心外脆多肉汁。好鬼正。仲有下午茶燒鴨米。配埋熱奶茶真系好歎。仲要廿幾蚊咋。平靚正之選。不過旺角呢間好多人。上菜慢D。其它保持水準

大家樂今日去左大家樂食下午茶，平日甘忙碌，weekend難得可以訓晏少少，再去樓下食個tea!今日想食飽少少要左個 叉燒米粉，都係三十幾蚊！比起食lunch真係平好多！ 又抵食！ 都幾好！ 叉燒有好多塊，唔會話係下午茶所以平左！米粉份量都幾夠下，大食d都可以！另外飲左個hot coffee! 係即磨既！好好飲！其實飲coffee去呢到飲都幾好，窮人恩物呀! 好彩呢個時間食high tea都好多位，staff又好快收台好turnover 都幾好嫁

到左下午茶既時間，心思思有d想食西多士，咁岩附近有大家樂，就去睇下下午茶有咩食啦，見到有我心儀既西多士，仲配埋雞翼同飲品，都只係$30，凍飲就加左$3，都算幾抵食！由於實在太多人所以決定買外賣，返到去打開嘅時候都幾有驚喜，開頭以為西多士會得半份，點知原來係有一份再加一隻雞翼，雞翼係蜜糖燒雞翼，但係雞翼就冇乜燒過，似係焗出嚟多d，一啲都唔香口，但係味道都尚算可以西多士係配糖漿，牛油已經預先解左凍，唔會好硬，揸落去岩岩好，西多士中間查咗陳花生醬，整體味道都ok，但可能始終都唔係好熱， 可能係外賣嘅關係，熱d再脆少少應該好食啲

今日一早起身， 就去呢間連鎖式嘅快餐店食個早餐。其實呢間快餐店嘅早餐款式都好多， 而且價錢比較茶餐廳都算係幾公道。呢度嘅早餐時間客人唔算多， 都唔需要等位。咁我就叫咗炸魚柳配銀針粉搭一杯飲品， 價錢就大概三十蚊。我成日都提住我嘅原則， 就係食早餐一定要夠飽， 所以我點都要嗌一碗充滿 澱粉質嘅粉麵。不過今次呢本銀針粉就少到令人感到有啲失望， 味道一般般， 炸魚柳都算炸得新鮮， 出到嚟仲係熱辣辣外脆內軟， 搭配呢度嘅沙律醬食落都算惹味。 不過最後食曬成個早餐都係唔覺得飽， 搞到之後我要去第二度再買個包食。 不過以快餐店嘅質素嚟講，我覺得係可以接受。

星期日嘅下午茶時段，周圍都係外傭姐姐，大家樂如是，好不容易搵到個位坐坐歇一歇！其實論抵食，一定要揀粉麵飯嘅下午餐，食個飽飽仲跟飲品都係$30幾！不過如果想休息坐下再行，西多士同炸雞脾都不失為好選擇！花生醬西多士，配紅豆冰都係$23咋！厚厚嘅花生醬，暖暖嘅西多士，轉配埋煉奶，絕對係邪惡首選喔！脆炸雞脾，就貴少少，盛惠$30！雞脾就失色啲，整好放係度，有order就即刻夾俾你，上碟速度快！唔熱唔脆，仲有少少炸竉咗，叫正常味囉！

又到糧尾，訓到咁晏就梗係等埋下午茶時段先食野啦。雞髀同米粉都係價廉物美的食材，所以兩樣加埋都唔洗三十蚊，豉油皇雞髀都幾入味，肉質都算係幾嫩滑，雞髀都幾大隻咬起黎啖啖肉。

天寒地凍，食返啲暖粒粒既野就最岩喇LUNCH HOUR經過大家樂竟然新出左煲仔飯?$50左右送油菜同中國茶都幾抵食，試下都冇壞😏嗌左個臘腸北菇滑雞煲仔飯，臘腸無油益味，爽口唔漏，雞都算滑，竟然仲有飯焦！飯焦岩岩好唔會太燶～食落都幾高質，有驚喜，分分鐘好食過出面啲煲仔飯大排檔，值得一試。

平時lunch，如果想吃焗豬扒飯，我只會去大家樂。大家樂的一哥豬扒飯外表吸引，每次去拿餐的時候，也總會看到焗至美輪美奐的豬扒飯而且蕃茄醬夠多夠濃，配料加入多種蔬菜，如蕃茄、蘑菇、青豆、菠蘿等，可減低豬扒的膩感。另外豬扒不會焗得太乾身，一般也能保持水準，肉質較林身。再配一杯冰凍的可樂，簡單但完美而且大家樂每區都會有，豬扒飯隱起都無有怕

今日返工忙到爆，食lunch都要快快手搞掂，於是無乜選擇下揀左大家樂，為求快啲食完繼續趕工。叫左個燒雞再配個意粉，坦白講意粉就不過不失，一般快餐店質素。但個燒雞就好出色，香口之餘食落去係勁juicy，本身以為會好乾，點知係好多肉汁，估唔到大家樂平價快餐都有咁高質素！

今日返工之前～諗住落樓下快手食個餐！點知就中伏~首先價錢貴就算啦！個餸仲要係凍嘅～冰火兩重天嗎？而且鎮江骨得上面幾舊～下面全部係堅硬無比嘅配菜我想食個飯姐～下次都係食返肉將意粉算

今日在家中工作 ，所以一早就去咗 附近的 大家樂買早餐 ，添這個早餐價錢都不貴，所以就買來吃。返到家拆開外賣，入面有兩隻炒蛋一個鮮奶油包和一個羅宋湯通粉，再配一個飲品30蚊都不用都幾抵食。 炒蛋味道都不錯，味都夠，但偏細隻 雞蛋。鮮奶油包配上牛油好味，面包溫軟熟好味道 ，但是這個羅宋湯通粉湯底實在太淡，而且通粉可能煮得太耐，所以偏淋，就唔係咁好食 ，奶茶味道只屬一般，因為奶多，但整體嚟講已不用30蚊，就可以食到這早餐都算做抵食。

重新裝修後是比之前乾淨，整潔今早繁忙時間吃早餐  座位都坐滿了 因很久沒有吃大家樂早餐，  它早餐新出了銀針粉， 於是便買嚟試下， 還要了雞扒， 多士可以改為蘿蔔糕 ，加杯咖啡 ，這個餐要 $33.5 以為銀針粉是炒的， 誰知原來是有湯的， 只有很少， 另外雞扒細得可憐 ，吃完後都不是很飽 😟

今日返工忙到嘔,做到lunch time都繼續做,唯有快快趣趣食完繼續開工,於是去左"大家樂"食飯,貪佢方便快捷,咁我就叫左個仿鮑片炒飯,個炒飯底配上個芡汁非常搭配,超好送飯,仿鮑片有咬口,真係物超所值。