大家樂 (旺角中心第一座)

营业中

休息中

24/7(一) 8:30pm放工後只想晚飯後盡早回家歇歇,因有coupon.鮮有光顧連鎖食店的我今晚才到此來個連鎖式晚飯,點了$38套餐:鱸魚骨雪菜炆豆腐,冬瓜盅,茶,mocha另加$6.鱸魚骨雪菜炆豆腐--挺油膩!嫌魚骨過瘦,肉質不夠滑.食味平凡得很.冬瓜盅--蝦米,冬菇及豬肉粒頗多,湯頭亦算清甜.mocha--味道似凍朱古力,不太飲到咖啡味.(較早前到外遊回港後於機場食了個"醒神一哥豬扒飯"令男友連續肚瀉整整一星期,大家樂到目前為止的補償是$38晚市套餐coupon6張)

食左個大家樂晚餐,已經唔記得成個全名,係三文魚意粉既餐,我想一讚佢既材料配搭,的確係非常之好,意粉唔係咁普通,而係夾雜左粟米粒同菜粒,令到意粉好好味,特別美味,汁方面剛唔會太多,係白汁,另有一小杯西蘭花,呢個好好, 西蘭花係唔油既,好清好fresh,唔錯!唯一真係唔好就係d三文魚,因為係熟既,又可能整得唔好,所以好腥,真係好腥,俾過我老豆呢個食得腥既人試過都話腥!呢點影響左成個餐既素質,有待改善!

昨日, 老公, 亞仔(廿個月大)同我行旺角, 睇磁磚鋪. 行到兩點幾, 有D肚餓，　於是搵做足１００分既地方醫肚啦. 嘩入到去人山人海, 好難先搵到位, 跟住立即買野食啦. 我有D咳, 所以汽水自然要走冰....點知柸汽水色澤淡淡, 比五花茶深少少, 有甜味, 無可樂味, 又無氣, 飲到我咩火到黎......嘩大拿拿成五蚊架, 我無叫下午餐, 是散叫的. 所以條氣好唔順啦. 我要求換個柸比我, 佢地都有換. 據我所知大型連鎖店D汽水是由糖漿打出來的, 而打出來的份量是根據供應商提供的程式製造.....但段段估唔到成日賺錢的大家樂會加多D水製造緊樣更水既汽水來掠水....又影響自己個型像時, 又壞了可樂個名....呀真係希望佢(旺角雁呢間鋪)要以心對客.

今日未夠鐘睇牙，就黎左呢度食個早餐。要左個奶醬厚多士同埋奶茶。個多士係即整的，所以要等，但係等都係值得因為烘得脆脆熱熱，花生醬同埋煉奶都唔少，幾正！大家樂仲有個好處就係任坐唔嬲，係一個消磨時間的好地方。

跟女友到此商場睇戲，她待在這兒等去了買票的我。我倆都不肚餓，只故亂點了一客「$10 下午茶餐」，選了油占厚多士配熱咖啡。白麵包質地不算差，但因為烤得未夠時間，變成一塊略略加熱的厚方包。油占量少得可憐，亦沒有均勻塗抹。索性拿回去要求店員再添加果醬。熱咖啡絕對係另一個災難，算罷！食物無水準，製作「求期」，不認真，品質有待改善！

去到附近有無咩好的茶餐廳, 因為要就個吃得健康一點的朋友。近八點到來, 企了近廿分鐘先有張四人檯, 因為好多人都霸住檯等八點半食特價火鍋。叫了個海南雞飯套餐, d雞斬得唔徹底, 一夾起成四件, 要自己用牙咬開。個飯suppose 係雞油味飯, 但係只覺有油, 味就無。生菜附上一包醬油, 任人落多少, 這個安排的確唔錯, 個西洋菜湯旱見地無咩味精, 真係奇聞, 會唔會個司傅唔記得落呢?

好食呀!唔貴; 兩人分享ok!可惜座位唔夠,服務主任要主動幫客人啦!

冬天時都喜歡去大家樂吃一哥火煱，因為簡單唔駛煩，今年推出新口味，心思思去試下。點了鮑片大蝦肥牛火煱，鮑片OK啦，兩隻大蝦，幾片肥牛，還有例牌配菜：生菜白菜仔冬瓜片雞肉片豬肉片粟米三小件豆腐冬菇米線不求高質素，但求小情趣便算。吃時想起去年一行三人六時到達等六時半才有的象拔蚌火煱船，還有吃不完米線最後打包的情況，可惜一切已成回憶。

上次彈完大家樂的晚市，但下午茶就Ok囉，會再去。

我同家姐今朝去左雅蘭中心間大家樂食早餐. 我地叫左兩份深海魚柳+煎蛋+多士+即磨咖啡($18x2), 唔同o既地方係佢要左反蛋, 我就要返太陽蛋.雖然話個早餐係一樣, 但係出到黎o既product就幾唔同. 首先, 佢o個份有茄汁焗豆, 我o個份無. 另外, 佢o個份o既多士薄到似紙, 而且脆到好似biscotti咁, 而我o個份就係好正常size o既生命麵包, 係軟o既. 大快活都變左厚多士啦, 希望佢地可以快d轉啦!個魚柳唔錯, 無腥味, 而且係又熱又脆.隻蛋比屋企size細, 食兩隻都唔係好過份. 杯咖啡同大快活差唔多, 不過大杯d.如果佢個QC可以做得好d, 呢個早餐唔錯,可以再幫趁, 或者下次試下另一間大家樂會好d!

買完粥, 黎大家樂買一哥糯米雞同奶茶俾爸爸. 個女仔好似未訓醒咁, 話左係外賣,佢都係俾"堂食"o既奶茶餐具我.返到屋企俾爸爸食. 平時同爸爸去大家樂食早餐,我通常都係叫有蛋有腸o既西式早餐, 亦都唔會研究爸爸o既糯米雞! 今日先至發覺原來d糯米同裡面o既肉料係完完全全分開兩層嫁播!而且肉料偏紅. 我都係鍾意食酒樓o既珍珠雞多d!