大家樂 (已結業)

行完MK睇電腦, 陪朋友食左DINNER, 平平地諗住食譚仔, 上到去見套餐都42蚊, 見隔離大家樂都係40幾, 有飯飽肚D又唔洗等位就入左去心大心細, 決定食扒, 但朋友叫餐時暫時轉太, 叫左中湯2餸飯餐1. 紅青羅白豬展湯: 用保溫煲仔上的, 夠熱. 好足料, 大大件紅, 白羅白, 豬展好"林", 好似有南北杏如果無記錯, 好飲2. 豆腐扒時菜: 好少, 相影睇落大, 但其實份量好好好少. 4件細細件的豆腐輕輕炸過無咩特別, 但SIZE得我2隻手指公咁大, 我手係女仔細SIZE. 小棠菜得3小件3. 京廷骨: 份量多少少, 有6件, 但都係MINI SIZE, 而且真係骨無咩肉朋友+3蚊熱檸茶俾我飲成餐TOTAL要成50蚊, 唔計我杯檸茶都要成47蚊, 雖然唔係我食, 但咁的份量本人實在接受唔到

下午4:00, 依然人山人海, 點了兩個香草熱狗包, 一個豬扒包配以3杯可樂取走 。先講講香草熱狗包, 包面燶了一點, 熱狗大大條, 配以醬汁, 非常惹味; 豬扒包小朋友吃完讚不絶口, 話豬扒香及軟, 包熱及脆口。雖然食客頗多, 但排隊等候時間不太長,值得讚賞。大家樂的下午茶餐種類很多, 價錢可以接受,不錯的選擇。

下午4:00, 大家樂依然人山人海, 點了兩個 c1香草熱狗包配以可樂, 再加一個豬扒包配以可樂, 每個餐 $20, 都算抵食 。雖然人多但效率都算快, 香草熱狗包包面燶, 但香腸大大條, 配以汁料味道唔錯; 而豬扒包小朋友吃完簡直是讚不絶口, 話豬扒好軟, 個包夠熱及脆, 而洋蔥作配料, 味道很甜不太生。 我之前亦試過深水埔果間, 味道都很好, 果然味道很一致 。

是日早上, 又就腳的, 一落巴士, 直接走上來, 食快餐店早餐. 選擇大家樂除了因為就腳之外, 另一個原因就是因為不想用腦, 上到來, 扒, 蛋, 蘿蔔糕已經是基本的早餐食物. 今次改變了, 要牛扒. 大家樂既早晨扒餐, 一向都是不難入口的東東. 而且做得最好的就是一些人流較多的分店. 因為貨出得快. 食物留條焗爐既時間短. 總會好吃一點. 而且我總覺得, 那個COUNTER焗爐, 是三間連鎖店快餐的致命點. 食物一焗耐左, 就冇得救.牛扒, 帶有黑椒味的, 加上那個港式快餐店獨有的燴汁, 雖說牛扒薄, 但有味, 有肉汁. 已經算是不錯. 炒蛋, 半熟的蛋, 夠滑. 當中加了少少香草, 多了一點香味. 而蘿蔔糕, 就是普通的一舊煎粉.....味精的味道.大家樂早餐, 既簡單又方便, 而且非常就腳. 不過, 最就腳兼最經濟, 不是她.......雖好味, 但不會多來.

同老公好少去食大家樂@@不過近期想try下@@ 睇下有咩新野出啦@@去到我就俾個酥x龍蝦湯引住了@@因為我好少會食到..見呢度又有番@@當然要叫番黎食先得啦叫左個鐵板餐@@ 雜扒+腸+薯條..@@扒同腸仔當然係一般啦...我主菜係個湯..哈哈@@不過我就食到好''呢hea''食到成台都係酥x@@食落去.. 當然係好味啦@@不過我覺得好咸=____+可能係正常啦...哈哈不過有機會我都想食多幾次@@老公就叫左個燒肉油雞飯@@好多人叫嫁呢個都係..不過燒肉冇左脆既外層=0=扣分...個油雞夠香滑@@加埋''算''容黎撈飯食@@真係令人大飽口幅大家樂月黎月貴, but 其他地方都係月黎月貴=__=''係呢度食起碼有保證先@@

出外工作，做到累了，偷偷來個下午茶；因著大家樂多都加了價，但看到此下午茶餐只是１５元，那就即點了雙腸熱狗飽配薯角：雖是簡簡單單，但今次熱狗有兩條香腸，感覺值了，香腸又煎得香，麵包也很熱及脆，最緊要是熱狗醬的介辣及咖汁，十分不錯；而且也沒想過僧有薯角，薯角也很香脆，好味，１５塊錢有那麼多，值！熱奶茶：茶餐又有飲的，奶茶也香，但已不及以前的滑了，算是可以！

是日和好友到教協買書,然後老友提議到大家樂,這間大家樂也很大,就在此下午茶,好!老友愛吃這裏的西多士,如果在家中整係得,不過剩下一碗油點好,都係來大家樂吃方便又化算我就吃鷄翼拼多士加杯茶加杯水下午茶就很perfect了,較昨天飲茶好吃一千倍

紐西蘭爵士牛扒鐵板夠熱，淋上黑椒汁時成塊板都「支支」聲牛扒普通貨色，至少不會被鬆肉粉鬆到似一pat野，又無話韌到咬唔爛只係板上太多油，配菜都被油浸住所以月巴人如果想滿足下個口，都係2人share1個比較好焗薯完完全全是焗薯，除了薯仔就只有沙律醬全靠沙律醬吊味，然而沙律醬又不夠多，所以食左面頭果層後，下面既薯仔就只能乾梗了。酥皮焗蕃茄海鮮湯酥皮湯好味，但一直都係月巴人士既大敵，所以我同朋友仔都盡量少飲但係今次湯只得碗既一半容量左右，未免太少了而且入面無料，應該改名做酥皮焗蕃茄忌廉湯，不要呃人嘛酥皮又胡亂咁撻係碗上拎去焗，搞到塊皮嚴重側埋一邊，要好小心咁揭起佢，否則會成塊跌落檯

上星期六去左呢間好耐都冇幫襯既大家樂食lunch. 中午食飯時間超多人! 叫左碟香煎龍脷柳飯. 碟飯本身不大碟, 飯又唔熱, 塊龍脷柳雖然大, 但係又薄又好大陣雪味, 就算煎過都係好難食!! 一個人食完都係勉強夠飽! 味道又唔得, 價錢又唔平又冇飲品送.......都係要列入"永冇下次"名單之內啦!

北海道牛乳炒蛋雞扒早餐,塊雞扒仲細過啲炒蛋,同埋雞扒味道一般,不過炒蛋確實係幾滑,亦幾有奶味.

上星期同男朋友喺油麻地睇完戲，跟住行左去旺角食飯，好耐無食過大家樂，突然好想食，所以今次試左。上到黎都唔算多人，可能仲早啦~ 見到有鐵板餐，之前聽同事講都唔錯幾好食。我叫左B餐--燒牛仔粒嗰個，男朋友叫左C餐--燒春雞。個餐仲包個餐湯(酥皮湯)或者甜品(香蕉船)，男朋力想要個湯嫁，不過賣晒，我就梗係要隻船啦!如果兩樣都想要既話，加$6就有喇。另外飲品我就試左COOL COOL冰(加$6)，見到有個北海道牛乳+咖啡，好似幾特別咁，所以我揀左佢同埋珍珠奶荼。 每次食親鐵板，都好期待淋啲汁落去嗰陣既"炸炸"聲，跟住啲煙係咁湧上黎，我覺得咁先係食緊鐵板嫁嘛。咁淋之前已經拎定張紙巾，點知當淋啲汁落去既時候，一啲聲都無，咁唔駛講都唔會有煙啦，即刻好失望但係見到其他人嗰啲係熱辣辣，出晒煙咁嫁，嗰一刻仲失望，心諗點解會咁嫁?? 咁算啦，照食啦~個餐有個薯蓉嫁，上面淋左沙律醬，味道都唔錯。而個牛仔粒，我就覺得無乜特別，唔係難食，又唔係好食咁啦~反而覺得男朋友隻春雞幾好食，啲肉好滑，味道唔錯! 而嗰杯咖啡就麻麻哋，同埋杯珍珠奶茶啲珍珠一啲都唔好食，但係啲奶茶都可以啦。落單嗰陣佢會俾個牌我哋，要黎攞香蕉船嫁

又有張拉麵既優惠券，我當然唔會放過機會去食啦。呢頭雖然係午市，但人流無我想像中咁多，咁都好既。唔會太多人，坐得舒服。牛肉拉麵牛肉只係好普通既肥牛，但肥瘦都算幾均勻。牛肉都算幾新鮮。而拉麵都算彈牙爽口既，配料都好多。食完都好飽肚，二十九蚊算係咁啦。西湯唔知飲乜好，就飲西湯啦。蕃茄味都幾夠。而湯裡面都有幾多料，有小小牛肉粒。真係好認真架，個湯真係唔錯。其實拉麵都唔錯既，而個西湯真係好有驚喜。實有下次既，因為價錢都算幾合理。

好耐無去大家樂,唔知道原來而家買飯唔包嘢飲,經濟低迷下,揀個相對平的叉燒五寶飯,都要成二十七,八蚊.但係可惜除了叉燒係半肥瘦比較好食之外,魷魚無乜味,紅腸普通,雞翼又唔夠魯水味,咸蛋仲衰乾爭爭,飯又硬,豉油又無味,總之就係一個唔推介嘅叉燒五寶飯.

記得去年在大家樂打邊爐，兩個人都可以吃得飽飽的，但今年一試，就覺得食物少了很多，絕對是一人火煱。我倆選了牛肉配雜錦丸，內容有牛肉數片，四粒丸，三條芝士腸，魷魚等，另一盒裝著蔬菜，但那些菜都是大大棵的，煮起來都蠻費時的。湯底是芫茜皮蛋+沙爹湯，一濃一清，也算不錯，可惜沒有驚喜。牛肉烚熟後不會軔，雜錦丸就不太欣賞了。其他蔬菜新鮮度一般，但也太懶了吧，大大棵的都不摘一摘才拿出來。整體來說份量少了，而食物又好像差了，十分失望。

3點去大家樂食下午茶最抵食都好多人下喎~但2個人食tea, 都好快搵到位, 不過要答人地張table~1個餐都係$19.5(一個焗薯+蜜燒雞翅)+$4.5就有珍珠奶茶~+$5就有榨菜肉絲米~2個人食就唔多夠喉呢...不過都幾好食~1個人食應該都好飽~