大家樂 (奧海城一期)

营业中

休息中

$51港元係五十一蚊，咖喱牛腩飯，未計飲品！但得幾粒牛腩碎！好似食淨咁！薯仔就大大粒，有兩粒。$51蚊買白飯食飯食薯仔。註：照片是未食前拍，我只夾開兩粒薯仔！但咖喱味道是不錯，夠香濃，不太辣。薯仔入味，牛腩就好差，得啲碎。應多加西蘭花或四季豆、甜豆，以達至均衡飲食。另外，買外賣成日都要等好耐，堂食好似優先。還有買外賣時，成日比錯飲品，返到屋企先發現，已經試過幾次。大家樂，作為一間上市公司，希望你提供一些有質素的食物。大家樂請你多多改善。

作為一名健身教練, 工作到夜晚並不出奇。9點幾10點番到屋企附近想食個飯, 咩都收哂, 好彩仲有間大家樂, 快餐店還是有其存在價值的。叉燒燒鴨飯, 普普通通啦一分錢一分貨麻, 叉燒ok, 燒鴨就差d, 可能就黎收檔d鴨放左一段時間, d皮韌韌地不過就啖啖肉, 起碼唔會因為就黎收鋪砍d頭頭尾尾比我食, 快餐就唔要求咁多啦~加錢要左個例湯飲下無咁dry, 味精又唔係好重wo, 可以接受。順帶一提, 個燒味師傅又幾好wo, 去拎餐既時侯見我無野飲主動問我要唔要杯水, 雖然係好小既舉動, 但快餐店我唔expect有人會咁細心serve我, 留左個好印象比我呀

有次見朋友分享大家樂下午茶既炸雞脾又香又多汁，真係令我流晒口水，但完來想食係要趁早，因為一到下午茶時間係會火速售罄，我都試過兩次排完隊先黎售罄😭但今日終於俾我買到🤩🤩🤩炸雞髀配紅豆冰是常識吧😝大家樂嘅炸雞髀真係好大隻，而且表皮炸得非常酥脆，一咬落去係非常多肉汁仲熱辣辣，而且雞肉質地好鮮嫩，又醃得入味！真心覺得好好食，同一般茶記嘅炸雞比冇得比👍🏻👍🏻👍🏻果然冇信錯我朋友😂紅豆冰嘅紅豆亦都非常綿滑，花奶比例亦都剛剛好，大件事又唔會太甜！正！盛惠$30，個人覺得可以食到個咁好味嘅雞髀來講都算值得嘅！

一整天外遊工作過後，拖著疲乏的身軀，來到這商場內的「大家樂」，吃一頓中式快餐。「砂窩乳香豬手」晚餐是我這夜的選擇，四大件的南乳豬手，還有少許西蘭花。南乳味道普通，濃郁度與熱度皆不足，以之下飯，稱不上好，還不太差。豬手皮厚。但肉少骨多，只是平平而已。燉湯「栗子雪耳煲唐排」倒好，味道清淡得來自然，湯中煲得軟腍的細碎栗子與爽滑的雪耳也能為這燉湯增加討好的口感。一窩豬手，一盅燉湯，一碗白飯，一杯熱茶，不過不失的快餐店中式晚餐，快快吃罷，歸家去也。

今日一人下午茶，便去了座落奧海城第一期的大家樂。由於瀨粉已經賣哂，所以我點了燒鴨米粉再加配紅豆冰，只售$29。燒鵝多肉，米粉都唔算少，紅豆冰都多紅豆，良心餐廳。而家呢個時代，而呢個價錢有碗麵，又配埋飲品，性格相當高。如果以八達通登記做大家樂會員，可享更多超值優惠，詳情請向店內職員查詢。

環境1分：大家樂响正個商場中間，食嘢基本上比上面D人望住好唔舒服，先扣一分。由買完飛要行好遠先排隊拎食物，非常不方便，再扣多分。衛生3分：衛生算正常大家樂水平，畀三分。服務3分：自助快餐全靠自己，正常無服務，都係三分。味道2分：1)      個瀨粉呢就有啲假，燒鴨有Ｄ油，所以扣佢分半。2)      個粒粒紅豆冰真係好多紅豆，味道都係果句，正常大家樂貨仔。抵食1分：响大家樂食個廿九蚊下午茶，份量唔係話特別夠飽，比錢比人望住嚟食太不自然，覺得唔抵，所以扣盡Ｄ分。

咩一哥焗豬扒飯好難食原本普通版本,味道一般之前見有芝士版本去試下新野即係芝士一哥焗豬扒飯我真係未試過焗飯的芝士係臭的點食啊你d芝士係臭原本個飯已經普通,加埋d臭芝士,搞到好難食我真係唔識欣賞了不管係味覺上,定係氣味上,都係好難頂一整個臭,一整個難食一個飯係臭,叫人點食原本見新野,普通版的進化,以為係好野點知係劣化點食啊你個飯臭啊係臭啊如果我買臭豆腐,我知道係臭但我買一個芝士焗豬扒飯完全無想過係臭完全食唔到太臭了10分滿分味道:0外觀:5氣味:0抵食度:0服務:0因為太臭加難食所以只能比0分臭味我其實想比負分比,0分根本表達唔到

好耐無黎奧海城，原來呢個商場開多咗好多食肆，但因為得自己一個人，唔想諗食咩野，就求其去大家樂食個怏飯。我通常會食焗肉醬意粉，但今次好唔好彩，去到見到暫停供應，我估應該係未焗好，最後叫咗個太極鴛鴦炒飯連熱檸水 ($33)。炒飯的賣相不俗，味道也不錯，飯底唔會好硬，唯獨配料較少，白汁哥邊有蝦仁、蟹柳絲、蘑菇片同幾粒青豆，而茄汁哥邊只有肉絲同洋蔥絲，不過以呢個價錢食個午餐，整體黎講都算ok，無得要求咁高。

有時候一眾朋友會開玩笑，話去高級餐廳：cafe de carol。屋企附近有一間大家樂，懶得煮飯就和家人外賣了烤雞二人餐，$88 甚是便宜！這個烤雞餐經常推出不同口味的，不過水準飄忽就是了。烤雞食了幾次味道都不錯，每次都大大隻夠肉。上次的粟米有點怪味，今次的頗甜，比上次好吃。薯餅有兩塊，炸得油膩得很，食了一塊已經要放棄。還另有一盒海鮮飯，味道普通，但以 $88 來説，這個餐還是挺超值的。隨餐還附送兩罐可樂。

近排很窮，家裡又沒飯給我帶，早餐又沒吃，午餐一定要吃點東西。公司附近最平就是大家樂，雖然過去在這店的進餐經驗都不太愉快，但人窮就是沒選擇，我還是死死氣去這店。排了很久才到我，其實只有兩個收銀員是遠遠不夠的，午飯時間那麼多人，只得兩部收銀機怎夠？點了蜜汁叉燒飯，$29，收銀員問我有沒有其他，我答沒有，她又問：不要野飲？我說不用。她嘴角動了一下，沒有說話，默默打單，然後把票給我。排隊拿食物，人很多，店員很粗魯的指示我拿食物。叉燒飯份量很小，應該不夠飽，但沒辦法，我的budget是$30以下。整個感覺是很沒尊嚴，就是因為窮，被店員瞧不起、呼喝，如果我將來有錢，一定不會再來！

因為貧窮的關係，決定吃大家樂。一看餐單，原來大家樂也不便宜。決定叫肉醬意粉。收銀員是個中年女人，態度很差，當我是她工人般喝，說肉醬意粉已經沒有了，選別的。我即場再望餐單，最後選了栗米肉粒飯。心想，賣完了意粉怎麼不把餐牌收起來？去排隊拿食物，托盤很髒，完全不想碰到，我見到店員用一條毛巾抺一抺用過的托盤就算，這樣做根本不能清潔，只是把髒了的地方分散。栗米肉粒飯大部分是飯，吃完了栗米肉粒，還剩很多飯，最後因為太乾，我放棄了最後的飯。吃大家樂令我覺得自己很低賤，下次冇錢還是選擇咬面包好了。

This is two simple tea sets. Fast service , economy and just good enough. The Grilled Pork chop burger and chicken wing were delicious, tasting pretty nice.The deep fried chicken leg was a bit oily but really crispy.

天氣轉涼，氣溫稍降，又喚起自己晨早食碗粥的興趣，就近來到這間「大家樂」來個粥餐。粥是簡單好味的「皮蛋瘦肉粥」，只是快餐店的貨色，當然不會期望水準奇高，但稠得要緊的粥底配以綿滑的皮蛋和鹹鹹的瘦肉絲，暖暖的送進肚裡，感覺還是蠻受用的。腸粉是較特別的甚麼「香菇肉碎腸」之類的，味道尚可，就是腸粉不夠軟熟而偏硬了點，就肯定要扣分。不過才二十多塊錢的一個中式早餐，吃得飽飽的，已收貨了。

老婆仔抱恙的一天，獨自留在家中休息，所以只得自己獨個兒外出吃飯，就在附近的「大家樂」飯堂，享受一頓男人的浪漫。不錯！這餐「切雞燒鴨飯」，我覺得是挺浪漫的，除了兩棵好像微型大樹的小棠菜外，這飯就只得雞鴨戀，啖啖是肉，絕對是賣肉之選，比「豆腐火腩飯」尤有過之。其實，為甚麼只得「豆腐火腩飯」才被稱為男人的浪漫呢？「涼瓜斑腩飯」可以嗎？「豉椒排骨飯」又可不可以？「叉雞飯」呢？「燒肉鵝飯」呢？是否也可以被稱為男人的浪漫？說實在的，這飯是可以的，切雞是髀位，肉質較滑是應該的，燒鴨也肉多骨少，肉質及格不粗糙，也有點味道，就只是淋上豉油汁的白飯始終較為乾硬，是最差的一環。才三十來塊錢，換來一碟燒臘碟頭飯，再加杯濃味港式「熱奶茶」，還能苛求甚麼呢！

周末的早上，這間大家樂生意挺好的，長長的人龍排隊買早餐，長長的人龍排隊拿早餐，當中的一個正是我。這天吃的是粥餐。我選的配搭是「皮蛋瘦肉粥」和「珍珠雞」。兩者的水準雖稱不上是什麼美食，味道倒也中規中矩，似模似樣，再加多杯熱飲，便把原來經過一晚休息，空空如也的肚子填得滿滿的。吃罷這個豐富的早餐，看來這天的午飯也不用吃了，留待晚點才吃下午茶吧！