大家樂 (康德閣)

营业中

休息中

大家樂快餐，已經深入民心！無論男女老少都會去食，今天經過我便入去享受下午茶。我叫了一個西多士加五香肉丁公仔麵餐！西多士炸得不會過淋，又不會太油膩，可惜花生醬不在西多士的中間，需要自己加上，但花生醬是有粒粒的，又不會過甜😋五香肉丁份量適中，公仔麵的麵質也很特別！大家樂的食物質素有進步，抵讚👍🏻

想平平地据個排，大家樂係一個唔錯既選擇，佢另外有個$88二人烤雞餐都好好食。我地叫左兩份牛排餐，要左黑椒汁同蕃茄汁。每人加七蚊要左雜果賓治同紅豆冰。價格相怡，仲要好多野食。牛排實淨厚肉又大塊，下面啲椰菜份量都好多，有一碗咁多。個湯係龍蝦湯味好足料。個焗薯配蛋沙律好好味。最鍾意佢個蕃茄汁，好夠味同酸。黑椒汁都好香。野飲夠大杯，仲有其他選擇！成個餐抵食，有驚喜。有時成百蚊個餐都無呢度咁好食。值得一試。

《大家樂》可謂大家由細食到大嘅平民快餐店，不過依家嘅價錢已經唔平民了，食個【咖哩牛腩飯】都要成四五十蚊。不過值得一讚嘅係咖哩飯品質keep到，咖哩牛腩都相當大碗，裏面有成六七嚿牛腩， 仲有舊炆得好淋嘅牛筋， 薯仔亦夠曬粉，咖哩味香濃，香料味突出，帶少少辣， 用嚟撈白飯就最正。值得一讚嘅係咖哩飯有埋車厘茄同埋菠蘿粒， 兩者酸酸甜甜， 健康又美味。只希望壟斷式嘅快餐集團， 唔好漲價得咁快，令到大家都可以食得快樂啦。

自己一個人吾知食咩的時候,我通常第一時間諗平靚正又大份的一哥焗豬扒飯。回到家打開個飯仲好熱,而且蕃茄味很濃郁,塊豬扒的size有外賣石紙盒的3/4平面,而且是厚切的,很「淋」,由於加在大量蕃茄所以拌住一齊食特別好資味,不用再另加任何醬料,而抄飯低很乾身,一粒粒的米都分開的,很有鑊氣,食落很香蛋味。

見店內既人吃的鴛鴦炒飯個賣相都唔錯，咁就叫咗依個餐試吓，有埋杯餐饮跟，凍饮就要加多少少喇！個炒反嘅餸都算多，有冰鮮蝦、蟹柳、鷄柳、菇類、青豆、蕃茄，D汁酸甜都幾開胃！不過蝦冇蝦味，鷄冇鷄味，個炒飯連鑊氣都冇、炒蛋饭又少蛋，有D失禮！