大家樂 (已結業)

大家樂 機場非禁區離開香港去澳洲實習前在香港的最後一餐，係機場非禁區既大家樂同阿爸一齊食「最後既晚餐」，中午都係食大家樂，對大家樂有所改觀，夜晚又食大家樂，機場店選擇唔多，簡左阿爸既至愛海南雞飯套餐，我自己想試下菠蘿生炒骨B6海南雞飯套餐（69蚊）：包含海南雞，油菜，香飯，大多都係阿爸食，我只試左小小，海南雞份量唔多唔少，送飯食應該男女都可以飽肚，雞肉很腍，配酸青瓜和酸蘿蔔很爽口，油菜係水煮，，本身無味，我諗應該有豉油包，但姐姐太忙，唔記得左比菠蘿生炒骨套餐（54蚊）：包含菠蘿生炒骨，香飯和老火湯。菠蘿生炒骨份量唔少，有8舊排骨，仲有洋蔥，青椒紅椒，菠蘿，酸酸甜甜，幾開胃，排骨都幾腍，入邊仲有d軟骨，有嚼勁又補鈣XD，飯份量多，夠飽，仲有一盅老火湯，用一個幾得意既煲，打開黎睇都夠足料，幾舊大紅蘿蔔，仲有排骨，排骨已經煲左很長時間，已經很腍，湯唔油，清談但鮮美，唔錯，尼一個套餐其實都幾抵食，食完超級飽最後一餐食得很開心，要離開香港三個月，雖然澳洲都有中餐館，但相信冇咁正宗，我會掛住香港d野食架！

今天出發去墾丁出發前食過早攴炸魚柳＋攴包＋麥片麥片好好味呀仲好大碗添，但就甜咗少少炸魚柳都ｏｋ既攴包就一般價錢當然比去出面既大家樂貴但因為都出發旅行，食得特別開心呀

For the last 2 years when M and I have to go back and forth HK and Vancouver, we often comes here for our meals...Today coming to pick up my sis with daddy, told him there's won ton noodles here...he's like "hai mei"?So we ordered won ton noodles with cold milk tea* wonton is ok to good * noodles is above average, very smooth and like the old style noodle shop This is worth eating, it is a bit expensive haha if not dad is going to order take out

大家樂機場黎講 係平價之餘選海南雞 $38係幾好食有味精湯 幾多料有湯浸菜 都ok有濃茶 i like it 咁先似個中國人有雞 幾滑 好味 仲有兩種汁俾你choose有雞油飯 好過白飯咁law個人認為係大家樂 必食之選

早左去到機場, 未上得機周圍行下, 去食左碗雲吞麵, 索價差吳多30蚊, 吳包野飲機場食野, 咩都貴一截, 不過偶一為之, 算啦呢間大家樂, 應該係為左方便人地拎走, 所以堂食都多用發泡膠既容器講番碗麵先, 麵底真係好麻麻, 太多鹼水啦, 我自問係一個吳抗拒鹼水既人, 但係呢碗實在多左d, 食吳出麵既味道, 加埋一個味精湯底, 食完非常之口乾。而雲吞呢?一般貨色, 蝦肉夾雜豬肉, 算係ok總括黎講, 係個麵累事, 不過差吳多成30蚊就未必會再幫襯啦我個blog仲有好多食評同相架http://hk.myblog.yahoo.com/food_talk2008

搭夜機去東歐旅行，費事行去T2, 求其去了大家樂。要了個四寶飯。有咸蛋、叉燒、墨魚片、紅腸同雞翼。咸蛋二話不說就俾咗阿爸。叉燒好實，同再興無得比，食開再興的我梗係覺呢d唔多好食；太實，又韌。墨魚片幾爽口，但唔太夠味。紅腸過淋，幸好唔肥膩。豉油雞翼幾好食，無雪味，又唔太咸。白飯夠熱，也不會過硬。

26號晨早流流食大家樂先係最有歸屬感一向都應為機場的餐店比其他地方的餐店難食但原來這間大家樂也不錯食物不太冷但廳面好像得一個人工作,所以有點忙,而且食客又多可以體諒服務員未能及時收搭台面的^^不過服務員也很有禮貌令我的旅程前增添愉快感：]

同太太去外遊, check in後重有大把時間, 故走去食個早餐, 不作他想選擇大家樂.個人比較少食早餐, 但要食都會選擇大家樂, 因為價錢唔會高, 而且一定搵到啱吃的食物, 唔係西式早餐就係糯米雞, 這次亦不例外各要一個加碗皮蛋瘦肉粥, 糯米雞多年都保持水準好味道, 其他都無庸批評了, 始終係香港人有感情的快餐.

開始海盜之旅前,先tea 一tea。機場範圍人頭湧湧,平/貴食肆都人多多,買上房食舒服好多!!肉醬意粉配墨魚丸+雞翼:意粉無一條完整,全部碎成一段段,唔知係咪方便放入碗原故?!肉醬味道幾好,蕃茄醬味道幾濃,但個人鐘意阿活味道多d。墨魚丸一般貨色,粉粉地口感,跟餐無法子; 雞翼又幾入味,不過味道稍咸,以係機場用廿零蚊有個餐食,收貨啦。星期日晚餐繼續大家樂,自己食左一個唔多好食既五寶飯,叉燒、紅腸、墨魚味道ok,咸蛋望落幾靚但隻雞翼唔得囉,好孩!! 同下午茶個d爭好遠=( 有一大碗飯,實飽肚!!大人食排骨菜飯,有三大片豬扒,炸得酥脆,味道ok,呢個餐好似好好多。唔知點解呢度大家樂會全部用即棄餐具??的確好唔環保lu。

今朝0係度食早餐,叫0左份普通餐,有火腿,腸,剪蛋,薯溶,一碗粉,同一杯飲品,都係17蚊.平時碗粉多蚊係火腿通粉或雪菜肉絲米,但今日竟然有蕃茄牛肉通粉,梗係即轉黎食啦~呢個通粉係咁多粉米入面,我覺得最好食的~牛肉碎有d蕃茄0既酸甜味,食得多雪菜肉絲米,食下呢款即刻新鮮哂~不過呢款唔係成日有得食,今日我算走運呢

上星期出發開心之旅前,阿媽唔想吃飛機餐,要係上機前食番個早餐,接機大堂間大家樂超多人,所以決定入閘後至吃。雖然入面都有好多餐廳選擇,最受歡迎當然係價錢最相宜既大家樂,其他既真係唔多捨得吃囉。生煎包早餐好豐富:生煎包、腸仔、炒麵、粥仲有飲品。質素一般,但勝在樣樣熱辣辣,某程度上係好吃過飛機餐。如果真係上機前吃早餐的話,入左禁區至吃仲好,起碼唔駛無位坐。

琴日0係接機大堂0既大家樂食早餐,一早6點半已經人頭湧湧,d人多到排出餐廳範圍,都几誇張...我叫0左個17蚊早餐,有火腿通粉,餐包,剪蛋腸仔同火腿,再加杯熱飲.17蚊有咁多食物真係好抵食...抵過隔離m記好多~食物新鮮,一食就知0岩0岩煮好冇耐,通粉几大碗,唔會太鹹,餐包都几大個,總的來說呢個餐係抵食夾大件!食得太多熱香餅,得閒轉呢個餐都唔錯呢~

前幾日去泰國玩旅行團集合前得番兩個字時間又未食野個胃又開始痛周圍間間都咁多人見呢度有位就坐低食選擇唔多有d 又係炸野食唯有叫番個所謂招牌食物一哥焗豬扒飯兩大塊豬扒舖面肉質唔un幾好但對於我呢個非食肉獸黎講真係太多搞到食唔晒汁好味但略嫌少左d多番d 就好喇24蚊o係機場食個lunch真係好抵

上機前係度食個早餐﹐腸粉+瘦肉蠔鼓粥。腸粉就真係麻麻地﹐因為一D都唔熱﹐仲要好硬身﹐無好食。D醬都唔好得去邊﹐芝麻醬其實係花生醬。不過我都估到呢度食腸粉當然唔可以同街邊既比啦。粥就唔錯﹐非常熱﹐同埋好多料添。個餐仲跟埋個熱奶茶﹐好味!!!

試過一次通宵食大家樂,因為機場呢間係通宵的,感覺几得意~我係5 點半0係七樓departure hall間大家樂買早餐食的,當時得一個staff,我問佢有冇早餐,佢話6點先有,我話你地通宵架喎,佢就話中式0個d有,西式未有,於是我就買0左個14蚊0既中式糯米雞食喇.件糯米雞極大件, 當時飢寒交迫,見到咁大盒糯米雞即刻由心到笑出黎.一打開熱辣辣一團煙,成個人即刻暖哂...食第一啖...好好味呀,因為餓0左成晚所以份外覺得好食!食到一半其實已經食唔落...因為隻雞實在太大隻...食唔哂仲放工拎0左番屋企食,但番到屋企再整熱就唔好食...一pat pat咁...咩feel都冇哂..."