影片
喺机场食嘢都系偏贵呢啲人人都知所以如果唔系话特别肚饿又或者有冇一啲特别想食嘅话都系拣番啲最平最经济实惠嘅餐厅二下肚就算以大家乐都不失为一个选择虽然比出面𠮶啲系贵少少不过质量都系有保证嘅而且服务都算唔错起码人手足够上菜都比较快啲自己最钟意食烧味所以叫亲都系会系叉烧小鸭饭仲要系多汁嘅咁见到叉烧都整体上比较瘦如果钟意食肥叉嘅话记住一定要指定佢要肥叉如果唔系通常都系拣啲比较瘦嘅部份俾你烧鸭方面就要睇运气睇吓好唔好彩会切到鸭髀俾你当然如果系有鸭髀嘅话味道再加分饮品方面如果系机场职员嘅话就有嘢饮如果唔系嘅话就要加六至$8转冻饮就有少少贵
继续阅读
13/7/2019 @机场 大家乐今日去机场送机， 同男朋友一齐食个晚餐， 去到大家乐 见到有位就坐低啦 ，点知去买嘢食嘅时候就出事……一路排队条龙又好慢……排到喇原来部机坏坏哋，所以个收银员会系你面前系咁拍部机，之后同你讲部机坏坏哋……于是你又要等一轮先至可以买得到，所以条龙就喐得咁慢……用左劲多时间！仲要系落单嘅时候有啲嘢冇咗佢唔会话俾你知，明明我哋拣扒餐有黑椒汁有蕃茄汁拣，佢问都冇问我哋就帮我哋落咗黑椒汁，后尾醒起问返佢先讲原来冇晒番茄汁得返黑椒汁……大佬呀冇你都讲声丫 一入去排队买嘢食𠮶度仲有两条龙，最近门口𠮶条龙原来净系俾机场嘅职员专用，普通顾客排到去𠮶条队去到收银机如果冇出示职员证就会俾人叫返去排另一条队，另一条队要走到有大家乐入面先至会见到，真系觉得安排超差服务超差…至于食物方面系正常嘅， 块肉唔差的，面包系类似飞机餐嘅餐包，意粉超多， 由于我哋俾佢搞到唔系好够时间食嘢所以食得好赶，仲要系食黑椒汁嘅关系，加上现场冷气又唔系好够， 搞到我哋身水身汗… 感觉好差
继续阅读
今晚返机场唔系返工, 而系standby去欧洲, 未拎到座位等我去大家乐食小小野先. 平时见佢long queue都唔会特登去迫, 而家9点几, 静静地, 睇下staff menu有咩食.****机场职员ONLY*********有Permit或者in uniform先有*****鲜虾云呑面 (HKD40)哗HKD40有个面加杯饮品, 念住无咩期望. 估唔到, 鲜虾云呑巨足料, 虾肉新鲜爽口, 有成四粒咁多呢, 面质非常弹牙系好好味嘅碱水面, 另送条嫩绿菜心, 份量唔系少, 劲抵食.
继续阅读
每次要搭早机都会到机场客运大楼的大家乐 食早餐， 因为这里的大家乐以整个机场计差不多是最早开的餐厅， 方便又快捷。 好多时我都会点西式早餐，但今次我点了中式早餐～ 糯米鸡和粟米粥。 糯米鸡内里的馅料非常丰富， 味道唔错。 反而粟米粥就偏淡， 不过清清地都可以接受。而朋友点的沙爹牛肉公仔面当然是没有惊喜， 不过咁早就已经可以食到早餐， 真是不要太高要求， 起码食饱之后上机可以瞓番一觉好的。这里的大家乐早上六点钟已经排长龙，但员工的服务速度都非常有效率。赞！
继续阅读
今日系机场返工，行过哂d餐厅，见到周围d餐厅都好贵，最后拣左最平最方便既大家乐😂应该系无香港人系未食过大家乐！叫左平时食开既焗猪扒饭，因为已经焗好一批，所以即叫即有，劲快，好方便😂重点系个温度仲系热辣辣，够热，应该好多人去到大家乐都会拣食焗猪扒饭。味道方面，同机场外面果d差唔多，番茄味重，芝士够多，块猪扒差唔多成个锡纸盒咁大，够厚足料，而且d饭仲系炒蛋饭，应该系大家乐最抵食既饭😂 好满足的午餐
继续阅读