大家樂 (已結業)

今次真係大為失望，對呢間大家樂分店嚴重冇信心，實在為大眾擔憂。九月曾經去食過一次切雞髀瀨粉，雞髀入面好多血水我都算，但見到瀨粉入面有曱甴，於是反映後當時嘅經理道歉同我換過，當時嘅經理態度都幾好仲幫我拎餐過嚟。•到10月份今日再去食午餐，叫咗一個切雞懶粉⋯⋯今次冇揀雞髀見到啲雞肉冇血水以為OK，就將其中一棵小棠菜放入碗⋯⋯點知係小棠菜入面飄左一隻小強曱甴出嚟⋯⋯真係好懷疑餐廳內部嘅衛生情況⋯⋯就算換過一碗，都唔會再有信心去食。

因為食物質素問題向大家樂反映，估唔到彭經理秒回！😊提供完善嘅解決方法！希望呢個服務態度會繼續落去同埋希望其他分店可以好好學習👍🏻雖然只係幾十蚊一個餐，但服務態度可以媲美高級餐廳！

成日訓到中午先起身，就會等佢個下午茶餐落去買，佢雞翼茶餐超級好味！！！次次都叫三隻雞翼，佢個雞翼好入味，完全唔輸其他大型餐廳，佢個火腿米粉就中規中矩，唔會好難食但未去到好好食

平民快餐店大家樂嘅一哥焗豬扒飯 🐷又點少得你啊 有鮮茄🍅有菠蘿有少少芝士粉 洋蔥厚切豬扒大大的 厚而不韌好鬆軟 醬汁非常夠 炒飯亦有蛋 另外早餐幾乎我每天都食 佢嘅早餐配搭非常多蜜糖雞扒蛋 可以配任何嘅粉面粥 確實諗唔到食咩第一時間就諗到大家樂 就最好選擇 價錢平更加唔使講啦

荔景係一個無咩餐廳既地方午餐時間既大家樂總係塞滿人今日出街之前就係樓下食個快飯先出去好似無咩選擇 加上普通個燒味飯都成四五十蚊於是就揀左佢既特價餐 特價餐有兩個選擇荷葉飯同仿飽片炒飯$32 連野飲 好抵食炒飯炒得乾身 飯粒分明 蛋漿均衡個汁就咸左少少 好似福建炒飯個汁咁既味女仔黎講份量夠男仔可能會爭少少除左可樂仲可以揀低糖綠茶呢個餐真心抵食想比起其他款 叫一個飯仲要唔連野飲當然 餐廳有自助水機俾大家拎水飲姐姐執枱都快手

荔景，選擇有限，大家樂不失係選擇，快餐要求都唔能夠太多，下午茶燒鴨瀨粉一向係我首選，呢間味道都好好，湯底都有味，唔係清水，最緊要都係環保，無飲管，欣賞。燒鴨就骨多，無乜用食。

突然想食碗仔翅，諗起大家樂下午茶餐會有得食點知......睇晒個餐牌都唔見有得配碗仔翅😟，相信應該轉左配香芋紫米露叫左個 C1(奶油脆豬·精選湯米粉 配紅豆冰)，先品嚐奶油脆豬先，牛油/煉奶可隨個人喜好份量選擇多與少，雪菜肉絲湯米湯底夠熱，肉絲少少咸夠入味，紅豆冰紅豆起沙，如果遲下夏天來歎杯紅豆冰，就透心涼😍

曾經吃過一次便不敢再踏進來, 今次是因為時間緊迫, 無辦法無地方找吃只好硬著頭皮走進來, 求其地選了一個餐, 如無記錯好似是包一杯飲品。日式咖喱吉列豬扒飯收到飯之後竟然會對件吉列豬扒有興趣, 吉列皮看上去是鬆化的, 肉也是厚塊。 切開來吃, 吉列皮是比我預期的鬆脆, 肉如果是近邊有脂肪的那些肉會較為軟嫩帶汁, 在內的肉位也不會乾柴。  日式咖喱汁是帶甜味, 把它撈飯撈粟米來吃都很好味。

一段時間無黎荔景探啊婆，原來由以前既美x變左大家樂。 一值覺得大家樂早餐係三大連鎖快餐集團之中比較好。既然新開張，就試試吉烈豬扒滑蛋煎羅卜糕 另加火腿通粉。熱烘烘外皮脆卜卜既食吉豬最鐘意都係果隻醬，酸酸甜甜 開胃得黎中和下熱脆既外皮。滑蛋無得輸！又滑又多半熟蛋漿而且份量唔細！加小小鹽已經好夠味。羅卜糕中中挺挺 煎得剛好 唔會過燶過淋。最後，食埋個火腿通就飽哂，

舊有美心bye bye, 迎來新的大家樂，相同的是廚房的出品是一樣的不濟。鮮茄芝士焗豬扒飯 $37不連飲品，額外點熱飲或汽水或低糖凍綠茶要多付$5，凍飲$8焗飯卻是軟飯底，飯粒碎及比較濕；茄汁有菠蘿粒、甘荀粒等加持，味道沒有死酸又不會太差；豬扒厚塊卻是相當的腍，我不用用刀去把豬扒切塊，只用鐵匙也能成功，豬扒的腍不似是鬆肉粉的功勞。