影片
以上资料只供参考，请与餐厅确认详情
招牌菜
🍙等待时间：好快手，叫左五分钟就有，我十分钟后有巴士，佢仲留左五分钟俾我，出色！🍔室内环境：空间够大，欢送坐得舒服。🍰服务质素：快捷服务态度正常。🔺用餐简评：话说今日咁啱去咗土瓜湾𠮶边睇我家姐咁就返屋企啦，但有见有啲我就想嗌个下午茶，咁啱见到对面呢有间大家乐，于是呢就决定试吓呢间分店嘅质素啦。咁我叫咗半份公司三文治加杯热奶茶多奶，总数呢就系$27 ，睇图都见到啦面包都相当有心思，系烘底，食个发觉出奇地比一般好食真心推介🔹总括来讲:值得一试
继续阅读
本人过往半个月早上都会到红磡庇利街宝怡大厦大家乐买早餐才上班，每天都是一模一样叫J2早餐，其中包括：烚蛋、牛油多士、肠仔、火腿通粉和热咖啡，价值$25，每次食完都会肚痛，但系以29/12那天最为严重，一个早上泻了三次，其实巳经算系食物中毒个案，最后还要中午饭时间去某一间连锁服装店买了一Pack 内裤更换，其宝过往一直都有联络食环署和食安中心跟进事件，但系每次回覆都说没有问题或者系有卫生问题呼吁改善，直至这次打电话去客户服务热线，上边写字楼也说任何时间只需要拿收据到分店就可以取回现金，但系今天早上去到又刁难客人要先影印收据，再等保险公司Claim 回，真系荒天下之大谬，大家乐食物出现问题，咁梗系由大家乐赔偿，点解要由保险公司赔偿？咁即是话大家乐分店食物都系由保险公司负责，咁罗铭盛是否不需要负担任何责任？本人刚刚也交了一份食物口供供词俾食环署跟进。
继续阅读
突然醒起, 我最爱嘅烧味饭, 大家乐都有提供.矛计啦! 自己少帮衬集团式快餐店, 唔知定是常识吧!近排因为想静静地一个人Lunch, 大家乐绝对系理想地点.叫咗个叉油鸡饭.优点 :1, 每次点油鸡如果俾只鸡翼我一定负评, 毫无诚意, 今次俾下装, 先唔理味道如何, 起码无 hea 交先啦!再加上鸡肉嫩滑, 好味！满意!2, 葱蓉无话过咸而且超惹味! 对于爱葱嘅我俾大大个 like！3, 叉烧味道适中, 肉质唔硬够冧, 满意!4, 冷气足够.缺点 :1, 虽然知道猪肉贵, 但都要讲句, 叉烧薄咗D, 份量又少咗D啰.2, 油鸡好味, 但同样.... 份量少咗D.3, 今次留意一下店内环境, 风水摆位出问题!都算!但入口D玻璃窗好鬼污糟! 有一边竟然有蜘蛛丝!揾人清洁吓好嘛！
继续阅读
我同事成日同我讲大家乐个桃胶西米露好好食!!叫我成日试下个下午茶。今日我已经谂唔到食咩好，咁就去试下佢推荐既野啦!我觉得个肉臊饭个味一般般，但个西米露真系几好食!!!都几有惊喜，我谂呢排都应该会去大家乐食下午茶啦
继续阅读
之前睇广告介绍佢哋个酥皮汤🍲配牛朳铁板餐🥩，个广告就好吸引啦，所以决定去试下，去到坐满晒丶排晒长龙😏、真系估都估唔到。叫咗帆立贝杂扒餐🐖🐓&西冷牛扒餐🥩，嘢饮就加＄叫咗杨枝甘露同埋苹果特饮🍹，其实我食呢个餐最主要系想试个酥皮汤，个酥皮焗得几靓，可惜个周打鱼汤太太太杰啦、好似饮浆糊咁😖、又冇乜味😔。扒就冇乜寄望、因为依类型嘅牛扒大多都系用松肉粉那过、其他杂扒块猪扒同鸡扒都系咁上下冇乜特别，至于个帆立贝面上既卡邦尼汁就做得麻麻唔太好味啰，加钱饮果两杯嘢饮都系麻麻，可饮可唔饮啦。其实依个大家乐酥皮汤铁板餐、都系超值嘅＄70几$80蚊、又有酥皮汤、又有铁板餐算系咁㗎啦，都食得过嘅
继续阅读