大家樂 (景峰花園)

营业中

休息中

我第一次食焗豬扒飯等成差唔多半個鐘 姐係其實你話冇咪算 一味話焗緊 但係又同我講問我轉唔轉嘢 半個鐘仲同我講焗緊 其實我都係做飲食業 會唔會焗半個鐘丫廚房大哥 非洲焗飯？姐係大家樂姐 都唔洗咁離譜 啲語氣好似我得罪緊距咁隨時想打鍋我咁

大家樂嘅下午茶真香，因為真係好好食，大家樂嘅下午茶絕對係優惠之選，今次我叫咗佢哋最出名性價比最高嘅雞髀下午茶餐，點解話佢哋係最出名性價比最高呢？因為佢哋只係需要$40就有一隻雞髀再加一個配菜，配菜方面可以揀西多士或者炒麵呢啲飽肚之選，亦都可以揀春卷呢啲香口嘅選擇，種類真係好多，而雞髀方面有炸髀或者油皮，當然我係選擇食炸髀，因為甘香可口，脆口嘅炸髀好好食。如果你係選擇熱飲而不是凍飲的話，價錢仲可以平多$3 ，只係價值$37。

今日約咗朋友去行山，突然收到天文台暴雨警告，中途折返。見到呢間大家樂之前嚟過都算少人，坐得舒服。嗱嗱聲叫咗個下午茶餐叉燒飯加熱齋啡。朋友叫咗擔擔公仔麵，加脆脆豬。另外加$10可以加配葡撻同糖水。坐得舒服，避左黃雨，都算上天保佑。

今日約左人係屯門景峰行山，出發前先食個早餐。大家都吾肚餓所以諗住叫過最平嘅。我叫咗 火腿扭紋粉、 雞肉腸、烚蛋、熱齋啡。 朋友同我一樣都係叫咗個最平嘅， 不過 佢唔要通粉要咗無糖麥皮。呢度好少人都算坐得舒服。埋單每人唔使30蚊都算幾抵。

今日到屯門做嘢，3個人快快趣，梗係大家樂。3個人都叫咗呢個特價餐。28蚊有麥皮或者通粉。仲有飲品，香腸，烚蛋同一件多士。烚蛋同多士都非常新鮮，即叫即整。 我地3個都要左麥皮揀咗無糖，夠晒健康。事關近排大家都食得太多，增晒磅。見到有個進化版焗梅菜扣肉飯，下次一定試吓去。

臨過年要趕工早餐最緊要快，見到有間大家樂有位二話不說即刻衝入去。近排食滯咗，所以輕巧啲見到有無糖麥皮,就即刻order 左le個健怡之選。除咗麥皮，有2隻烚蛋、1件雞扒同個齋啡。點知麥皮都係甜嘅，我諗無糖要另外講。味道真係麻麻，唔甜唔淡有啲怪。個雞扒非常皺皮好耐未見過咁嘅雞扒，唔識形容。拍檔個餐正常啲火腿炒蛋。簡簡單單倒落去即刻開工。