大家樂 (百利大廈)

营业中

休息中

咖哩牛腩飯同一哥豬扒飯一樣都係大家樂既美食之一。咖哩煮咗好耐所以好入味。薯仔同牛腩都炆到好淋，入口即溶。如果成個餐都煮到咁入味，送飯既時候都非常之惹味。另外，咖哩不會太辣，連不能食辣的人也可以接受。#大家樂

早兩日在附近工作關係,就係呢度整番個下午茶,見到豬扒魚蛋湯河粉連飲品都係$29,於是即管一試,購票後等一陣就可以取,當囉埋枱的時候,豬扒肉質可以唔鞋,但魚蛋真係好迷你,仲有想夾湯河的時候,全部係碎哂,真係冇瘾,

呢件事大約發生一個月至兩個月之前.因為一路無時間..今日搵番到個open rice 戶口將當日在這食店發生的事寫出來給大家知！果日去呢間大家樂食晚飯..食食下個肚好痛！！！咁當然去廁所...點知去到門口.廁所寫住維修..剛剛廁所外出有個職員阿姐..坐係度用膳.我即刻問佢..有冇其他廁所可以用.佢只係回覆一句.冇跟住食佢嘅飯...豈有此理.餐廳甚能沒有廁所供應..肚痛咁如何.班職員做乜.咁你哋職員唔需要用廁所咩？冇廁所呢樣野係食環署唔容許！！！呢啲嘢應該有負責人,尤其是經理唔通唔知...呢啲嘢應該要處理...真係忍無可忍...

老婆話大家樂有優惠.魚翅二人套餐.有兩個翅,叉燒一碟,仲有小菜兩個.當然仲有白飯啦.確實幾吸引.我哋選擇了天后這間大家樂.呢度都嚟過幾次而值得一讚地方算大.坐位整潔.清潔姐姐工作勤快.今日晚上五點半已到坐下雖然是星期五.可能尚早見到當時堂食環境十分冷清清.揀好個靚位我就出去買那個魚翅優惠套餐.見到好多人在收銀處有人龍排隊.我便問前面人龍的人.原來佢哋呢個魚翅套餐優惠是六點鐘先開始.而呢條人龍都係因為購買這個套餐在排隊.我覺得好奇問收銀阿姐.你哋有各式小菜以及魚翅.已經打在餐牌中可以買點解偏偏套餐就要等六點.現在堂食並非多客仲要顧客排隊.佢話呢度規舉係咁.當時我去到出品部門看看.見到幾個職員十分您閒企係廚房等接柯打.即時同佢哋理論.你哋套餐所有食物五點半已經在散叫餐牌已經有售全部有貨點解套餐仲要客人等.類似經理回應我.佢話佢係喜歡六點先買.如此在他回應情況下倘若我仍然為這幾拾元優惠跟他們的規舉去排隊感覺到好似係同出品部乞食十分侮辱,慳少少錢.真乜嘢面都無哂.竟然都一場嚟到費事走最後我哋情願比多少少錢分別叫了兩個魚翅餐一間咁嘅餐廳做少少優惠當係寶唔係個個客好似乞兒比你玩弄咁玩弄係一種侮辱.

見到呢間有人投訴服務,有感而發！某日在這大家樂食早餐,！叫了厚切餐肉豉油皇炒麵！仲有一杯奶茶,由於趕時間！奶茶叫用外賣杯上！購完票就到廚房區等食物！無獨有偶見到兩碟豉油皇炒麵在枱面！兩碟麵都勁多芽菜！而這兩碟好似座小山仔冚住碟成個炒麵！原來呢兩碟炒麵是兩位大家樂員工！因為當時見佢哋身穿制服出嚟在抬面取食物！都好快到我取我碟炒麵！囉到埋枱後,我番開一睇.完全搵唔到洋蔥,韮菜,全碟得芽菜兩條！大家睇下我碟麵簡直係離哂大普！你哋如果另外加芽菜比員工！應該特別再炒菜比佢哋！呢碟咁嘅炒麵完全尅薄食客！再講炒麵原全冇鑊氣已經預咗！份量其實減去兩片餐肉,得八成滿！根本上我嘅炒麵咁少料！係廚房分比自己友的福利！

果日同朋友嚟想食晚飯..五點幾嚟呢度..當時餐廳好清靜！得小貓幾隻！唸住去收銀處購票！點知見到一條好長人龍！原來這間店晚市是六點開始！吓....咁唯有唔食晚飯...朋友話不如食下午茶...問題係就算食下午茶都要購票.但係有一條好長嘅人龍...而收銀合埋對手企係處等六點我哋又只得現金無法用電動購物機問收銀我哋要會等幾耐...佢話點知道......咁點解你宜家又唔買嘢呢？佢會答個個都係咁㗎啦...唉！我哋理論太耐嘅時候後面排隊嘅人又鬼殺咁嘈..唉！呢間嘢入面水靜河飛有生意都唔做我哋又一場嚟到....不過最後我哋都係唔等走了。呢啲服務態度真係唔要得！

上次投訴波斯富街果間大家樂,今日投訴天后呢間大家樂,因為媽媽在天后住,所以久不久都同媽媽在這吃飯,媽媽是長者亦是大家樂認証會員長者中午或晚餐有一個西式湯送,果日同媽媽來食午餐,媽媽出示八達通想要一個西式湯,收銀同佢講,我哋呢度無西式湯的,我話你哋寫有湯送,如果無西式可以送中式或者飲品但係呢個收銀話你自己同經理講有冇攪錯,要問咁豈不是佢唔高興,我哋隨時會食口水食物,最後我哋都係無嘢送,之後媽媽同我講,佢都問幾次,次次收銀都係話呢度無西式湯,老實講,點會無,無都想辦法送其他啦而且唔止一次,呢間啲服務態度認真差,

早兩日去食晚餐.因為我係長者我亦因為是大家樂會員晚市長者有一碗西湯.但係要到收銀處購買.前天大約五點四十多分.只見到收銀處一條很長的龍.而收銀姐姐並非工作中.原來當時有些食客想購買一些特別優惠套餐.這套餐原來是六點開始.但是我只是因為一碗西湯.焗住都要等到六點.等收銀處開始買優惠套餐.我先至可以跟隊購買食物.問題係你哋買嘅食物係六點.但係我想要一個下午茶叉燒飯36元 只要過了三十元而五點半後購買就可以送一個湯第一當六點後已經沒有$36 元嘅叉燒飯第二我又唔係買你優惠套餐點解我要跟這條隊浪費時間第三我在五點四十分來到明明可以食到叉燒飯攪到我浪費時間又要食貴啲嘅飯因為最後我食了個切雞飯呢間大家樂真係不知所謂真係越唸越嬲

見廣告大家樂99 元有魚翅餐.五點半晚餐時間去到售賣機.點知找極都搵唔到.問收銀話六點先開始.間間家樂大晚市是五點半開始.點解呢間六點開始..問題係佢哋條款無寫到呢間要遲半小時.咁趕時間會點.唯有在部機等.到了六點仍然未有.問收銀佢回應係要在收銀排隊先有咁即係呢間店制做呢D規舉愚弄顧客與收銀姐姐理論.叫經理出來經.經理只係回應.你要就係呢度排隊你話你即係愚弄顧客他回應買就排隊唔好講咁多.呢啲係乜服務一個咁嘅特價優惠 有待無恐

今朝去天后做嘢，時間未到就去大家樂食個早餐，我order左個纽纹粉配炒蛋，另外自己加左個雞扒及煎蛋。纽纹粉味道唔錯，炒蛋粉量多，反蛋唔會燶，雞扒煎得啱啱好，配埋醬汁食完全食唔到雪味

今天下午茶時間，來到天后站A出口，行路行到好热，于是过对面马路的大家樂饮杯嘢，做下午茶。餐牌上显示有大家乐新的特饮，有鴨屎香檸檬茶特飲，有杨枝甘露特飲等我最终選了有鴨屎香檸檬茶特飲

糧尾平平地食個大家樂午餐，簡左每日抵食午餐，有牛扒🥩加兩條腸仔，連一杯熱飲（唔洗加錢）我以為塊牛扒會好細塊同埋韌，點知塊牛扒有手掌咁大塊，只係薄切，味道唔會太咸。腸仔就反而無乜味。$40一個午餐要求唔多算合格🫣

年30晚在家食飯叫了大家樂的12人份盆菜，加鴨絲羹，收$1100左右，盆菜啲鮑魚、西蘭花和蝦是分開放的，需要自己放返上盆，還有放盆菜的上湯。因為訂的是12人份的盆菜，所以以為鴨絲羹會一樣多，不過原來不是的，下次要細心睇清楚份量，放晒啲蝦、鮑魚和西蘭花上盆菜度，樣子好靚，又大又豐富的樣子，開火前，我哋落左啲湯落去，一陣就滾瀉出來了，不能落太多，到食的時候，發現啲蝦好多都霉左，唔好食，其他食物就ok，全都好味唔差，係蝦真係差左啲，今次真係有少少失望，不過因為佢又平又近，下次或會再俾機會吧～

每次用Mobile order落單，一落到大家樂個餐已經準備好，而且食物仲會用保溫蓋覆蓋，做法好細心。今次嗌咗個菠蘿咕嚕飯食，老火湯配凍檸茶。典型係屋企唔想煮飯，又唔想出去食貴嘢。一個人嚟講份量好足夠，主菜肉類超多，反而菠蘿比較少，醬汁味道酸酸地好開胃。但比較無奈嘅係，呢度啲中老年男人好鍾意搭枱，10次有8次都係咁，明明場內仲有其他乾淨吉枱都要坐過嚟。我知道唔關大家樂事，啲中老年男人有咁嘅癖好大家都冇辦法。如果坐唔到單人枱，唯有快快脆脆食完飯即刻走。

常來大記食早餐，這裡提供了豐富多彩的早餐種類，價廉物美，但經常遇到一問題，就是餐具有時洗得不乾淨，有時有清潔劑味，有時摸到黏手的感覺，不知其他人有無這樣的經歷。希望不是我特別醃尖。無論如何都多謝大記餐廳提供價廉物美的快餐，給予香港人很多便利，解決了模范一族的三餐問題。😀🙏🙏