影片
附加资料
无肉餐单详情: 逢星期一、二及三午市供应素食菜式。
营业时间
今日营业
07:00 - 21:30
星期一至日
07:00 - 21:30
以上资料只供参考，请与餐厅确认详情
招牌菜
本来还想说宜家百物腾贵，大家乐的价格还算良心，最便宜三十几都叫做有个餐。但最近越吃越难顶，用料上应该换左劣质料，只能勉强叫可以裹腹。米饭不知道选用咩米，入口无米味不单止，口感都唔似米。以前食开嘅咖哩牛腩饭，牛腩换左牛内脏，难食到一言难尽。一哥猪扒应该系标准嘅流程化产品，唔明点解味道都可以变差。唯一可以维持到嘅系得餐厅工作人员一直都好规范管理，同熟客一直都好有礼貌。环境各方面都维持到水平。食左好多年，希望可以维持品质
继续阅读
早几天，我去咗大围金禧花园的大家乐买外卖咖喱牛腩饭及罗宋汤，返到屋企之后打开，𠮶盒饭啲牛腩根本少之又少，另外有一嚿薯仔、一嚿茄子加1够茄蕃，个饭卖$57，我都经常光顾呢间大围分店，佢哋啲外卖通常都系比较缩水，博你哋走咗冇人反映，我今次就要反映，佢哋都唔系第一次㗎啦，次次都系咁。 依家附近都开咗d两𩠌三𩠌饭店，人哋卖d饭盒都系$32-$42，啲料同份量多过佢，啲食物仲系即整，睇来大家乐都要检讨一下啲食物份量及价钱了。
继续阅读
寻日猴子锯咗个百几蚊嘅西冷扒，今日早餐都尽量悭得一蚊得一蚊，所以帮衬平少少嘅大家乐。呢间喺金禧花园商场嘅大家乐早排重新装修，家阵面积得返以前嘅一半，所以经常都挤满客人，猴子唔想同人逼，所以平时好少帮衬。猴子都系今日先发现，原来呢间大家乐引入咗自助点餐机，顾客可以用八达通、Alipay HK，或者WeChat Pay嚟畀钱。操作方法同麦记嘅点餐机差唔多，超级方便快捷。讲返个餐，今日叫咗个红烧牛腩粒煎蛋上海面，因为呢两日天气好干燥，唔想食多士面包𠮶啲「干争争」嘅西式早餐。牛腩粒都几够味，食落口都几烟韧，蛋黄汁捞埋落啲面度就更加滋味，不过略嫌啲面煮得腍咗啲，搞到冇乜口感。
继续阅读
装修后第一次帮趁，我嗌的是炸鸡脾红豆冰再加一个雪菜米粉，出餐速度很快，等了十分钟都没有已见到萤幕上我的外卖号码由准备转去可取餐，我由收银位置行去取餐处，但发现我的外卖根本还未由厨房送出来⋯负责pack餐的姐姐问我叫的是什么，然后很好心帮我check单，等了一会柜台才准备我的外卖，正当姐姐准备帮我pack外卖时，我发现只有鸡脾和红豆冰，少了一碗米粉，然后这个姐姐又很好，二话不说帮我追了米粉，此时柜台内带黑色胶框眼镜的那个啊姐没有了解发生什事事就大声喝我「未到你就唔好行过黎啦！睇清楚有得拎先好黎啦！」我就系睇清楚个外卖有得拎而个姐姐已经帮我pack紧个外卖我先行过黎柜台，而且仲已经企埋一边又冇阻住出餐又冇阻住其他人行😒帮趁过咁多次大家乐实在很少遇过咁冇礼貌嘅员工⋯萤幕显示器与出餐速度不同，而且有漏单情况，柜台员工之间又不协调，希望这个情况之后会有所改善吧。
继续阅读
年初三到车公庙后，本想找个地方饮下野，休息下。看到这大大个招牌，一于冲过去。真系超级多人，又要排长龙，又要等位。全部都是新春套餐，粉面肉类煎炸焗，看到也觉得饱。其实由小米生日再到农历新年这十天内，食左咁多底糕，好多鸡，好多猪手，盘菜，还有各亲友的团年饭，小米生日饭，情人节，真系食到饱饱滞滞，仲要菜都唔多条。竟然在套餐之中发现可配沙律，真系惊为天人。死都要一份沙律。点了二份套餐，肉类，炸春卷和甜甜的紫米露都交比家人处理。自己则独享沙律。沙律有软棉棉的薯仔，清甜爽脆的苹果，清新的生菜，仲有唔酸唔腻的沙律酱。虽然份量真细小，但是食完真系觉得身心康泰。跟之前所食的甘肥厚味的盛宴，真系很大对比。 第一次感到，鲍参翅肚，都比不上这个美味的沙律。原来身体是很诚实的！！
继续阅读