大娟撈 (已結業)

撈麵店好多地方都有，但用心去經營一間有撈麵既小食店就唔係好多！呢間，我自己覺得係！今次係第二次去，試一試老闆娘口中話好好食既粗麵，個粗麵撈埋個咖喱汁真係好好食！佢個冬菇真係掂！入味，有口感！蘿蔔，豬皮！無渣，入味，清甜！仲加多兩條生菜！真係好難得！正！佢既魚蛋同燒賣都唔差！麵都有得揀，有印尼撈麵、出前一丁、韓國麵！個粗麵係隱藏！老闆娘記性都幾好，我隔左一星期，咁岩又去188，佢仲認得我，仲提我食粗麵，哈哈，唔係我就試左出前一丁汁都有得揀，咖哩汁同瑞士汁！下次去開188，又多一個食小食既地方

是日同老公逛街，老公最鍾意睇電子產品同game, 行經呢間小店，好似同之前唔同左，原來轉左新店，以前都係小食店，但無諗過轉左呢間新小店係可以做到咁正，冬菇、雞翼和豬皮超入味，魚蛋彈牙再加埋個汁好Match, 問問下原來個魚蛋汁係自家調製，老公點左雞翼麵，未影得切相佢就開始食😂另外，值得一讚，店員好nice又有禮貌，問佢個汁都好有耐性介紹，又傾下計咁好親切，現在好多店店員都木口木面，食物同服務都非常好既真係土好難搵，會再食！👍🏻😋

成日都過黎買game買figure 見到佢開左間撈麵舖頭食過幾次同老闆娘熟絡左之後，佢介紹我食佢既隱藏餐牌「瑞士汁撈粗」，加埋佢既homemade咖哩魚蛋咖哩魚蛋惹味，冬菇又厚切多汁，正粗麵係出名麵廠到攞番黎再加埋佢招牌瑞士汁 咖哩汁熱辣辣食一流可以開聲問下老闆娘係咪有粗麵架佢餐牌係無寫

今日去開灣仔188 行突然見到一間新開小食店突然seafood 痕想食D野，買左D豬皮魚旦食。食落唔差而且份量都多，老細仲話有粒蛋搣得唔靚送埋比我。咖哩汁都好野味，食得出用料唔差。搞到我都要讚一下，專登下載openrice黎留言！！新開張 環境好衛生，老細話因為新開張所以野食未係太多款，遲下會再加。個紙兜夠闊唔會食到好呢hea。下次再經開唔知食咩真係會再試下， 期待下次會再有新野食，今次無食麵下次試埋撈面，同間鋪頭名都好貼切以撈為主

見呢個時勢新開張，應該對自已野食幾有信心，所以今日路過試左瑞士汁雞翼，冬菇同咖哩魚旦，雞翼幾入味，但最好係冬菇，因為佢地用大冬菇所以好香好有味，咖哩唔算好辣，老闆話遲下會有更多餸，都期待既，通常買完Game會順利買碗走，價錢上都幾抵食

今日行過東方188，發現間好光猛既新開小食店，佢主打咖哩魚蛋撈麵，佢有營多，出前一丁同韓國麵揀，咁就叫左2碗麵黎試下，佢套餐包埋魚蛋/燒賣我叫左魚蛋冬菇豬皮貢丸韓國撈麵，仲要多咖哩汁一打開咖哩味好香，又熱辣辣，而家冬天食就暖笠笠冬菇厚切又多汁，魚蛋咖哩味香之餘仲仍然保留到魚味，唔係街外面果啲粉團味而且聽到果位aunt講咖哩，瑞士汁都係自家秘制架，冬菇又係自己炆聽到有人買燒賣話好食下次再黎試下佢個瑞士汁同燒賣先