大壽司

营业中

休息中

呢間店嘅壽司好大件 種類又多而且價錢唔高非常抵食比起其他壽司舖呢間算高質嚟食過好多次 佢哋嘅wasabi非常新鮮 一溝豉油就融曬唔會一嚿嚿而且佢哋仲有其他麵食、飯個啲特別推介烏冬 唔會煮太淋 啱啱好炸天婦羅亦唔錯仲有泰式生蝦 雖然呢個貴左啲但好好食另外店員服務都唔錯落單執枱好快手冷氣有啲凍怕凍就記得帶件褸店舖更加有魚生出售三文魚都好新鮮又唔會好腥或者有雪藏味誠意推薦呢間壽司舖都幾就腳幾易搵係間茶樓隔離就係大件夾抵食得嚟又唔貴

星期六晚同屋企人去食，一上到去發現冇乜客食，好似有陣up住嘅味😐個地下仲好污糟...我地叫左三文魚刺身，炸蝦卷，帆立貝壽司，青瓜卷味道都不過不失，都算ok。但係油甘魚壽司同劍魚腩壽司就唔掂，油甘魚同劍魚腩都好唔新鮮，好腥而且好多根，難食重點係班侍應，由我地入到去坐低到走，4、5個人企係出餐位係咁傾係咁笑。上菜果陣，明明個枱中間勁多空位唔擺，特登擺係枱邊邊又唔講係咩壽司。。次次都要我地自己擺翻枱中間，方便大家夾。仲要成班侍應係咁係到食野🤦🏻‍♀️食野好心都企埋一邊角落拉，對住曬啲客食😅好張揚，你地翻泥開工定開餐？？？ 講野又冇禮貌，語氣又惡，見到個金毛侍應執張枱都要坐係到執，雖然冇乜客姐，洗唔洗hea到咁😓咁既食物質素同服務質素，冇下次！

所謂嘅“大”壽司，我只能夠話佢冇呃你，好_大舊實的的飯糰上面擺塊魚，你唔講係壽司我真係估唔到係乜嚟。可能係佢呢間嘢嘅特色掛，舊飯猜到成個波咁，改名叫大飯糰會比較符合，我好少咁浪費食左塊魚生留低舊飯，但係呢間嘢真係另我破例要做一次！拉麵就超級市場貨啦，唔好食亦唔難食，不過睇返價錢又唔要求得佢咁多…唯一好食係生蝦個“汁”，同外面泰式生蝦d汁唔同，幾特別。最後就係講吓服務態度，惡劣，好似欠佢哋錢咁，完！

這家壽司店其實吃過很多次的了~每次來都是吃午餐。今次倒是第一次是來吃晚餐的耶，未到6點左右便來到~所以要先排隊等開門看到有不少一家大細的在等呢!! 如店名那樣子，這裡的壽司很「大」的一件喔！！蒲燒海鰻 ($18/2件)壽司飯真的超大一舊啊！大概最少有平時吃開的2倍飯量左右海鰻雖然不特別肥美，但也不太差~而且蒲燒汁也夠惹味。蟹棒小卷 ($12) & 肉鬆沙律小卷 ($16)前者的味道很正常吧。後者的口感很有趣，雖然有沙律醬~但吃起來不會覺得膩香芒加洲卷 ($48) 卷物也是很大的一件啊！上邊那片芒果超酸 >_____<！！另外這裡也有一些特別優惠，像 牛油煎珍寶帶子 ($26)基本上只吃到澴厚的牛油味道吧。最後還點了一碗 燒豬頸肉湯拉麵 ($48)雖然這碗拉麵沒有特別大碗，但就價錢來說是頗便宜的啊！配料像粟米之類的也有～而且湯也不是味精的那一種，還有蛋!!豬頸肉很嫩口、麵條也很彈牙呢~

好多年前有食過''大•壽司''～但摺埋左一段時間依家開返（其實我都唔知佢開返幾耐）～同一個鋪位～同一個名～但同唔同既人食......幾年後重遊舊地，今次同屋企人食～一行四人，遠距離已經見到接待既妹䏞X嚮個櫃檯到...好似就快頂唔住咁既樣......咁我地照攞位先啦～（食完之後我阿妹講返原來個女仔態度都幾差...可能佢太細聲我都聽唔到佢講咩...）以為好多人食所以諗住book 位就實冇死～點知其實冇咩人食...一入到去上一層已經覺得有陣(up)味...🙊🙊🙊冇理啦照叫野食...其實大壽司都算平～冇竏口特別加價～但師傅既刀功就越黎越好囉...魚生勁薄...勁在係keep住全條薄...都應該唔係咁易做到...野食就真係冇咩特別...飯冇咩醋咩...仲要暖既...最多問題係係飯真係好大舊...但料好細...放落口都唔係好分到料既味道...野食真係冇咩好講...大舊既爭鮮～🍣🍣🍣服務員既質素真係好差...餐牌有d 冇d...成日企埋一齊吹水...拎埋電話出黎玩...大聲講大聲笑...仲大聲過d 客......有個仲嚮到食野...果時8～9點...唔係應該放完飯嫁咩？又如果真係放飯不如返返休息室食

西灣河最出名嘅大大件夾抵食日式料理店三文魚刺身 半磅都分量十足而且都幾肥美入口甘香雖然係時價 但係而家Yen跌左都幾抵食醬燒鰻魚飯非常大碟鰻魚香滑 而且好惹味米飯亦都好大碗芝士焗蠔同埋芝士焗扇貝鮮味十足而且都幾大隻而且價錢大眾化 抵食炸蝦卷非常大件而且有兩條原隻大蝦香脆可口配合紫菜同埋翻卷同蟹子口感好豐富而且飽腹感極高 性價比一絕整體來講食物質素真係唔錯而且價錢非常平四個人黎食 都係＄100一位姐絕對值得有機會黎一試

以前讀書老師請食飯就會黎呢間，已經做左好多年，成日聽到話執左，跟住又開反。顧名思義，呢間主打大件壽司，大細係平時壽司既兩倍，料就1.5倍到！黎親都會叫半磅三文魚，尚算新鮮，厚切，都幾大件下！差不多枱枱都會叫。不過壽司飯很大舊，食幾件就會飽烏冬好爽口，湯濃，可以一試晚餐時間會多人，要等15分鐘入座，上菜較慢，位會較逼

大壽司依家滿每人一百蚊就可以預約訂位，真係方便左好多，因為佢成日都晚市就排大隊，依家天口熱，都幾辛苦咖。今次兩個人食，叫左兩客壽司，一沙律一拉面一大卷，飽到食完要去海皮散步呢！壽司都有到水準，三文魚吾腥，新鮮程度合格，但比以前，覺得偏薄左喇，果然市道艱難嘛。大卷揀左炸蠔，蠔有d濕過頭，顯得淡味，但有芝士既咸味搭夠。沙律都正常好食，係d菜色澤上有時有黑邊，都算正常既。但拉面就吾就得左影相，好普通，我食左兩啖就停手，但朋友最後都食吾曬，始終大件壽司，已經佔左好大胃內空間，個拉面又吾係特別好食，一般包裝拉面整反熱個種面質，所以都無謂勉強自己。

朋友介紹呢頭有間壽司鋪咩都以大為主，膽粗粗試下啦，仲要刻意留肚。三文魚以時價嚟收錢，腩位非常厚切，好新鮮。帆立貝都相當新鮮，非常凍但壽司就飯過大喇，面頭舊魚都遮唔晒舊飯，有少少失望，以後係面頭大舊飯少少咁

人生第二次到西灣河逛這回有地頭蟲朋友帶路便來到了這間餐廳不經意經過都不會留意到的日式餐廳那晚點了香芒蟹籽沙律、三文魚炒飯、三文魚壽司、加州卷及軟殼蟹手卷沙律充滿蟹籽，芒果亦不會酸炒飯都有不俗的質素，飯粒夠分明而三文魚又不會炒過火值得一讚是炒飯上枱時是被壓實的本以為會影響質素，但出來的效果是有很好的保溫效果三文魚壽司、加州卷和軟殼蟹手卷都有同一特徵就！是！大！但是！大得來質素都不差！三文魚夠爽，不腥不霉而軟殼蟹手卷，又大又足料，蟹夠脆夠蟹味，又不會太油膩值得一推！

呢間壽司鋪唔洗多介紹 好多人都食過賣點一個字大！ 而且仲好抵呢間刺身大大舊 唔似其他鋪頭收到貴一貴 得個幾片刺身夠新鮮 wasabi唔係死辣個隻有小小甜味 再點醬油 好食到停唔到鐘意抵食夾大件既 點可以唔黎？！tempura 講究炸得炸 無油滴岀黎估唔到呢間餐廳都做到以上兩點驚喜既係 而家好多餐廳都無左蘿蔔蓉佢都比埋你 又收得唔貴 想點？雖然本人對南瓜唔好 但做得有heart！

難得其中一位友人從上水特地走來西灣河搵食，又要價錢相宜,又要環境舒適，於是我就提議吃大壽司。(基本上我諗唔到去邊食都係去呢度食 )店名大壽司🍣🍙顧名思義每件壽司都必定係重量級，而友人們同我講，冇諗過壽司真係咁大件，上枱時更有點驚訝。我地3個人，叫左半磅三文魚腩刺身 ($77/10片)片片都充滿住三文魚既脂肪!!忌廉芝士三文魚卷 ($56/6件)清楚見到完整一粒忌廉芝士，夾雜少少青瓜絲及碎三文魚粒，有點膩什錦壽司A套餐 ($138/10件)😎(三文魚壽司●油金魚壽司,●北寄貝壽司●特大赤貝壽司●珍寶帆立貝壽司) ×2雖然飯好大舊，但壽司配料都一樣同舊飯咁大，絕不欺場👍燒雞泡魚干🐡 ($38)第一次食雞泡魚干，有點像剛燒起既魷魚干，熱食比較好食，魚干放冷變得較硬三文魚頭鍋🍜 ($58)鍋內既三文魚都有不少，附有菜，豆腐，冬菇金菇，嗚門卷🍥，而湯底有點鹹，但總括不錯3個人share食好夠飽，不過唔好期望有高質素既食品，因為價錢不算貴，而且大件夾飽肚

f 2個人黎食野, 傾下計 吹下水咁一入到去 好少人得三枱客 靜靜地都好都知D壽司好大份 叫得唔多 但都夠哂飽1/4磅三文魚都OK 無乜特別北寄貝壽司 好味=]甜蝦同帆立貝 就一般 唔算特別新鮮好味 但都冇奇怪既味道炸軟殼蟹卷都幾好味 岩岩炸出黎 香口野 幾好味個問題係D飯太易散 都唔易夾起 食到周圍係 幾不方便而且D待應都麻麻地 都會主動為我地加水 但一直都冇咩表情但客又唔算太多 = ="

同是28元的海膽手卷和海膽壽司, 兩樣都叫了比較點知俾啲圖呃左理想圖中的海膽有很多,一上碟,大失所望海膽和青瓜的比例完全倒轉!! .\__/.也差太遠了吧 -__-'' 味道尚可接受 三文魚刺身厚切,不錯炸蝦卷一隻蝦切做4舊壽司, 又幾好賺,啲飯好散赤貝都ok ge  不過兩片檸檬過薄,好難擠

壽司真係好大件 大件到唔識講個薄餅配黃咖喱好食但壽司真係唔掂 壽司飯好硬 唔夠醋魚生嗰啲好唔新鮮海膽更加不得了 一擺到埋黎 唔洗哄埋去都聞到臭味 食落口都有陣味價錢係ok 但食物質素真係差 埋單嗰下真係覺得抵都變唔抵環境唔算乾淨唔會有下次