大壽司．和食 (已結業)

星期六上午同老公嚟呢度食Lunch, 食物幾新鮮, 份量惊人, 建議吃刺身, 否則吃唔晒. 可能人唔多, 服務不錯.睇噃價錢同食物, 都算物有所值.

呢間大壽司之前都食過一兩次，其實真係幾底食，記得第一次去食，見到件三文魚壽司，真係差ｄ俾佢\嚇到傻左，個度重有個螺肉壽司，小弟又係好鍾意食的，一牒兩件壽司裡面既螺肉差不多等於別家壽司店既兩大牒前菜！不過係服務水平方面就要多加改進．．＊

住附近既我,去食過兩次,第一次時因為剛開業,人較少,兩個人所以唔駛等太耐,但之後就死火啦,一等就成個鐘,四位以上基本唔駛去依間嘢啦,因為四個以上既位只得兩三張檯,仲要見人多就分散比二位既客,仲要人齊至入得,佢以為自己間嘢開係大商場入面,有幾千尺地方比人等位,攪到門口幾十人等位,成條行人路比佢玩晒啦~! 最奇怪就係有D攪鬼"條款",如bb車唔入得; 可以電話定位,不過要每位最少幫襯$100; 等位唔好企正門口.........等等地方細唔緊要,但D職員態度差就真係唔掂啦,問嘢就唔想答你,答你就悔悔氣氣;嗌親伙計都唔會馬上應你,點都要嗌兩三次先有人so你,唔知仲以為嗰度9千幾尺地方添!食品份量足夠,但質素只係普通,唔係想像中咁好味,不過一定食得飽.我就唔會再去嗰度受人氣啦~~~~食又抵又好食既日本嘢,唔一定要幫襯佢啫!!

服務－果晚我地去係放榜之前一晚佢話因為有好多中五學生去食所以一定要我地等齊人先入得(我又唔覺真係有中五學生...)終於人齊都等左成9個字有多佢成日玻璃門都貼滿晒d規矩....侍應又好似我地對佢唔住咁十問九唔應黑口黑面又要落錯單唔認幾驚佢加料呀食物－牛油雜菇：完全冇牛油味　係咁易搵上湯淥下　　　　　我ｂｂｑ都好食過佢壽司：最恐怖竟然係sushi　我未食過ｄ壽司飯係熱架　　　mix埋落去冷冰冰既魚生種感覺好嘔心呀!　　　仲有　舊飯同我屋企食既飯分別不大　　　完全食唔出醋味Ｘ＿Ｘ　　　又唔係平，一味用飯質飽人，真係好後悔徙錢食埋間咁既垃圾呀......

十分十分之大件，我去過三次，都係叫左三至四碟已經好飽了（每次都係兩個人囉）．不過ｄ服務員十分差，我地試過打去叫外賣，一係唔聽電話，一係話唔做外賣，一係就話要落訂金，希望佢地會改善一下啦！

e道d壽司真係名副其實的大壽司.比平時出面的起碼大一倍有多.我們四人都是第一次去,唔知大得有點嚇人,所以叫了過多的食物,最後還剩下很多1) 吉列蝦壽司2碟2) 熟吞拿魚沙律壽司2碟3) 甜旦壽司1碟4) 什錦壽司拼盆(14件的,送兩杯野飲)5) 南瓜拼蕃薯天婦羅6) 鹽燒雞軟骨(有5串)7) 咖喱吉列豬扒飯(送湯+野飲)Total都係271咋真係幾抵!!!D服務員d態度就普通LA,有待改善

其實我都已經去過幾次啦, 點解會去? 因為佢D壽司好大件同平, 次次我都會食大赤貝壽司, 真係大大件又好味. 如果唔想食飯其實可以食刺身, 都好大件架, 不過其他日本嘢食就可以唔識, 因為本人覺得一般啦. 例如:青酒煮蜆或焗青口.唔試都唔會失望. 另外店內地方真的很窄, 又唔可以BOOK位, 所以如果想舒服D就唔好去啦.

呢間店開張了一段短日子幫襯過兩次兩次都要撐著個肚走實在是d壽司成個波甘叫一個雜錦壽司$138加一個三文魚刺身絕對會令你2-3個人飽到叫救命這也是他們的生存之道吧抵食坐位較迫下層會較好坐長期要等位在晚上9點半後入座會較好全日免加一

聽朋友介紹，呢度D壽司大件夾低食，一定要黎試下。上次星期六太多人排隊，所以選平日黎。今次門口都有人排隊，但2人就有位，所以一去到就得坐。我地共叫左4樣：汁炒豬頸定食~第一樣上台，份量唔算特別大，味道OK，似係茶樓食既炒豬頸肉。芝士豬扒卷~雖然有心理準備份量大，但係呢個卷一上台，都真係嚇左一跳，一共有六件，每件起碼有我個拳咁大(女仔手啦)，我地每人只係食左一件，另外4件都要打包拎走。就算只係齋食呢個卷，1個人都食唔晒，幾好味，$35超抵。軟殼蟹手卷~差，似食炸麵粉多D，入面舊飯超大，我同朋友都只係食D料，飯就真係食唔落。北寄貝壽~又係配大大舊飯，北寄貝比外面街舖大隻，只係$10抵食。壽司、卷物、手卷等真係好大件，因為佢地會用左好多飯整，所以特別大，我見隔離台既女仔1個人，只係叫左set三文魚壽司、鰻魚壽司，已經飽飽走人，剩低成碟炸雞扒都冇食到。三文魚、鰻魚壽司好抵食，一件鰻魚&三文魚起碼有成6-7吋長，而定食就一般了。黎呢間店，真係約多d人好(可惜多人就會等好鬼耐)，如果唔係叫2、3碟已經飽晒。

呢間餐廳的食物每樣都大大碟、大大件。壽司的飯大到成個波噉，定食又係好大碟，如果兩個唔係太大食的人去，一個餐兩份食都得。刺身雖然都厚，不過只係比其他一般日式食店厚少少。服務只屬一般，可能因為只係做西灣河街坊生意，唔係走高檔路線，所以唔可以對服務期望太高。

光顧了兩次，食物水準尚可，但服務質素實在惡劣有一負責安排顧客入座我女職員，竟私下替自己的朋友安排入座，原全罔顧其他輪候顧客的利益，問她叫到那號碼時，她竟扮聽不到