大埔天使茶座 (已結業)

平时坐车经过广福道，有时都会留意到二楼呢间cafe。因为地点就脚今日就谂住试试。一上到去。。。个装修系比较简洁嘅，简到有点求其，追求气氛嘅朋友可以skip。攞起餐牌，最低消费50，本来呢个价钱以cafe呢讲算合理，睇下餐牌，全部最平都50包杯野饮，种类唔多都系饭或小食。我同女朋友以前经感觉中伏，但都叫左卤肉饭同鸡翼沙律。本来都有一丝期望，点知一上菜，x,钱唔系咁揾的。。。煎三双鸡翼几片生菜加几滴沙律酱，个卤肉饭比错糖醋排骨仲有点叔叔地，相我就真系无影喇，要睇可以睇其他comment嘅相，系一x样咁差。如果大家纯粹想揾个地方坐下又有免费wifi,行多两条街有公共图书馆，完。…Read More

一班人踩单车入大埔，谂住揾个地方坐下玩下board game，上网见到大埔唯一一间楼上cafe，又冇咩食评讲过，就胆粗粗上去试一试虚实。一上到去board game系有，但得最古老既monopoly叫做正常d，都算，好彩自己有带monopoly deal同uno，玩都冇咩问题。但到食真系不得了，一上到去个老板娘问食唔食私房菜，我地问佢几钱到，点知佢反问你地预几多，唔知头唔知路，真系唔知你俾咩我食，稳阵起见都系跟meun叫，间野minimum charge俾50，个menu样样都系50或以上，精彩系有个餐叫雪糕，岩岩50蚊，唔够胆叫，其实想睇下佢会唔会拎一杯雪糕出黎⋯我地一行12人，本身谂住叫糖醋排骨饭，点个老板娘话卖哂，强迫我地拣鲁肉饭，最后为免12个鲁肉饭出现，我地叫左2个鸡翼拼沙律加10个鲁肉饭。个鸡翼拼沙律要成50蚊，真系得3只鸡翼同几条生菜加沙律汁。个鲁肉饭更加不得了，真系一碗饭加d唔知系咪鲁肉既肉，再搭两条生菜就收我50蚊。50蚊一个餐包一杯野饮，我地叫左一杯摆明系浓缩芒果汁冲出黎既芒果汁，3杯甜到跳舞既峰蜜柠檬，同叫做正常d既可乐。最后系唔知食左咩都冇人食得好既情况下，拿拿临埋单揾下场，唯一值得赞既系真系明码实价，位位50，冇extra fee，但以楼上cafe计，佢真系不得了⋯ p.s. 间cafe介开左一半做保健中心，临走仲sell我朋友做facial......真心，冇下次…Read More

比家中自制难吃毫无特色，却价格昂贵卖相极为业余，以全无美感的茄汁装饰忌廉烟三文鱼意粉。菜式极少菜单为:薯条鸡翼 $50三文鱼忌廉意粉 $80鸭胸蛋包饭 $50蛋糕 $50雪糕 $50单是「雪糕」/「蛋糕」已当作是午餐，单单雪糕+饮品，已要$50，还懒得写详细一点是什么蛋糕跟雪糕。蛋包饭只是蛋盖饭，不绵滑又无蛋汁，炒饭再配以家中必用的冷藏青豆萝卜粟米粒，鲜见于蛋包饭，烟鸭胸连煎封也没有，冷冷硬硬的。饮品亦比市面上的特饮逊色，糖浆味重。食物处理马虎比家里煮的还差。用餐中几位店内人仕问我们对菜式的评价，令人无奈，只要有在外用餐过，也知道自己餐厅食物很差吧!绝对不会再光顾!…Read More

偶尔经过此店楼下也想尝试。说实的，cafe消费不算便宜，但如在此店用膳，可享受到逸雅的布置、阅读的空间和团体游戏的设施。此店由中午12时起营业，全天也是同一个餐单，七至十款套餐，西式粉面有两款，其余是薄饼、焗肉卷、汉堡饱等，可配一款饮料，有果汁、花茶或汽水特式饮料，挺有特色。与朋友一同尝试，分别点了芝士菇扒配热桂花蜜和焗羊肉卷配火龙果汁。可说是未见过菇扒，这次朋友点了，原来是大块菇上面舖上芝士，吃下香惹松软。热桂花蜜有明显的桂花香，不过甜。而焗羊肉卷是此店自制的酥卷，是包着羊肉来焗，十分香脆，亦十分美味。火龙果汁很有实力，有很浓的火龙果肉。两个小食也很精致美味，饮品有质素，价格稍高，但值得试试。…Read More