影片
相关文章
其实如果无人买就请你即叫即做。今日买咗一盒章鱼小丸子和一杯铁观音。这里的小食其实唔平。但佢哋话如果买小食+饮品会平$6，我又想饮杯清茶，所以就试一次。讲真我系真系有点肚饿想食小食。但这间食店真心贵。都唔知选择咩好？鱼旦应该可以。因为个名都叫大哥大。但$15只有3粒。老实讲几好食都只系鱼旦。除非你好似长州鱼旦一样大。唔系我睇唔出有咩理由要买这个价钱啰。你话租贵但老实你哋都只系做外卖。客人完全无占用你哋的地方。讲返食物：包装都几靓。虽然唔明白和巴士有咩关系，但见个包装就真系几开心。问题系个主角小丸子🧆第一口已经觉得想叫佢从新做过⋯真系离谱。唔热的都算。硬到不得了。根本系放左一段好长时间先比人。其实你哋如果买唔晒就唔好做太多。如果要保持个品质就一定要落单才开工做食物呀。食落去根本似人地收铺买唔晒的货尾一样。如果我唔系行开咗。我一定会返去叫佢要做过。$20都系钱呀。出名买香港小食。唔通日本小食就Hea做咩⋯饮品我就点了翡翠铁观音。佢有两个价钱的。但佢哋根本无问我要边个款式就帮我决定咗。虽然我唔介意。但其实如果你自己会帮客人做决定。分两个价钱做咩？口感都系普通铁观音。有个茶包在里面，可以都几够味道。有点甜甜的。我都好满意。总结：其实食店本身的食材和包装都几好。但佢哋点样处理食物和点样演绎比客户的时候就需要检讨。其实佢哋真系要问心点解会余下那么多食材？系价钱？处理食物手法？
继续阅读
朋友住将军澳，去左将军澳揾朋友，去左厚德街市内的食街的大哥大鱼旦买左杯鲜果茶走糖，水果茶不会因走糖而失分，主要因为百香果足够，令水果茶本身已经有足够的甜度，不过建议一定要摇匀先饮会比较好。
继续阅读
放工肚饿，揾野食心血来潮想食格仔饼眼见北记鸡蛋仔好多人，睇下格仔饼仲要加到$19，真系贵到离谱行去街市望下有冇抵食之选见到大哥大 ，有古惑格仔饼，几得意见到仲有其他野食，烧卖鱼蛋，牛杂同台式饮品一于就试下格仔饼$15，格仔饼系即叫即整要等大概5-10分钟，格仔饼第一啖非常surprise边位十分脆口，而且好多酱包装还贴心纸袋加厚卡纸，拎住唔会太热，又唔似北记d酱滴到个纸袋湿哂又穿而且老板和店员都十分有礼貌是诚意十分既小食店
继续阅读
今日放工等牙妈既同时当然就去隔离条食街睇下有咩好西食啦见到一班人同老细倾计倾得甘开心又食得好开心甘就拣左佢来食～好简单甘叫左鱼蛋$15、烧卖$10同埋加$18换左杯水果茶（买小食加野饮就可以正价减$6）鱼蛋同烧卖都平时食到既高汁好多听到老细讲系用鲜鱼肉难怪甘爽口弹牙 又鲜甜D唔似街边果D一系多粉一系多肥膏同埋老细既豉油系加左麻油 所以捞落烧卖特别香！而鱼蛋就系大大粒鱼蛋我见证老细新鲜炸完再煮同埋听老细话加埋海鲜酱真系几正！食完两样老细推介我加钱换水果茶对于坑口市民来讲多间好餐厅/小食铺 实在好支持唔帮衬～领x加租...怕又搞到高汁小食店/餐厅快又汁...又无野食所以以行动支持！～加水果茶亦相当唔错好似肥妈都推介过～哈个人钟意佢无甘甜 同埋 生果够新鲜最怕水果茶D水果又霉又臭衰则～价钱的确贵左少少份量唔算多 但味道搭够同埋老板有用心去经营又会推介最好既食法比客食所以的确系好高汁～同好难得
继续阅读
TKO Gateway 既 Foodlane 基本上好多都试过，系差呢间大哥大鱼蛋🤔店内除左有鱼蛋卖，仲有其他港式小食，例如烧卖呀，炸丸呀，连水果茶都有😋今次就点左招牌既大大粒大哥大鱼蛋试下，15蚊得3粒，虽然系比平常食到既大粒，但对比长洲大鱼蛋好似都系细粒啲👉🏿👈🏿 所以感觉有啲贵🙍🏿咖哩汁尚算惹味，但就略嫌唔够入味，只系喺鱼蛋皮先会食到有咖哩汁既味道🙈而鱼蛋肉质就几弹牙，都唔错既👍🏿
继续阅读